سناء العلاج علاج طبيعي فتره ولدي ٣سنوات علاج طبيعي

وعمليه والعمليه اخر حل يلجؤن له الدكاتره

السلام عليكم ورحمة الله وبركاته
ابشركم ولله الحمد والمنه ولدت امس طبيعي وبدون عمليه
وبكتب لكم قصة ولادتي
يوم الاثنين رحت عشان ادخل للمستشفى ويولدوني
سويت دخول الساعه 11 وشوي الظهر
وحطوني بقسم الوالدات مو بقسم الولاده
قالت الدكتوره مانبي نحطك عندهم تتوترين وانتي تسمعينهم يصرخون وتتاثرين لما تسمعين صوت البيبي لما يطلع ماشاء الله تبارك الرحمن كل شوي وحده والده الله يبارك لهم فيما رزقهم ربي ويخليهم ويحفظهم

المهم جت الساعه 3 وقاسو لي الرحم ولقوه مسكر كالعاده انا بكل ولاداتي مايفتح ههههه
حطت لي تحميلة طلق مخفف لان ولاداتي كلها عمليات صعبه يحطون لي طلق قوي يخافون عالرحم ينفجر
بدا مفعول التحميله بعد نص ساعه وصار يجيني طلق بس خفيف وبدا مع الوقت يزيد
وبعد ساعتين جت تقيس لقته مسكررر
صارت الساعه 9 حطو لي تحميله ثانيه وقاسوا ومازال مسكر وانا الطلق زاد علي وصار متعب والله وحار
الم الم فضيع الله يكتب لي الاجر ان شاء الله
رجعت الساعه 12 وقاست ومازال مسكر ولاتحرك نفس الوضع وانا ضاق صدري حيل وحسيت الكون كله ضاق فيني وشلون بولد وارتاح من هالالم ياربي رحمتك
وقالت بنخليك ترتاحين ماراح نحط تحميله ثانيه الا الصباح بس الطلق طبعا ماراح لكن خف شوي
والليل كله وانا اطلب ربي واتوسل له واترجاه يارب فرج علي وهونها يارب
يا ودود يا ودود يا ذا العرش المجيد يا مبدئ يا معيد يا فعالا لما يريد أسألك بنور وجهك الذي ملأ أركان عرشك وأسألك بقدرتك التي قدرت بها على جميع خلقك وأسألك برحمتك التي وسعت كل شيء لا إله إلا أنت ،يا مغيث أغثني
صارت الساعه 8 الصباح وجت دكتورتي وقاست ولقته مسكر :(
وحطت لي تحميله ثالثه وبدا المفعول وهالمره اقوى صار يالم ماصارت الساعه 12 الاهي جايه تقيس ولافتح استغفر الله هنا عاد ماعاد فيني صبر ولا فيه شي يحمس الرحم مسكر والطلق يزيد ولافيه فايده وشلون بولد
قلت لها ابي عمليه واللحين قالت لا انتظري بيفتح وراحت
صرت اتصبر بالغصب والله
يوم جت 2 الا انا واصله حدي خلاص واشغلت الممرضات نادوا الدكتوره اللحين بموت ابي عمليه وهم يسكتوني اي اللحين نقولها واصبر 10 دقايق ولاجت وارجع اناديهم وينها يقولون عندها ولاده شوي وتجي يصرفوني ههههه
واقوم واكلم زوجي قلت اقول اللحين تجي وتقولهم يسوون لي عمليه ترى بموت وخلص صبري
وجاني مسكين طاير ويكلم الدكتوره ويقولها تبي عمليه والدكتوره رفضت قالت خطره العمليه خلها بيفتح ان شاء الله لان جدار الرحم رقيق سبحان الله مابعد صار سميك عشان كذا خافت تخدش لي جدار الرحم او شي مع العمليه
قالي بتجيك الدكتوره اصبري بتشرح لك الوضع قلت ماابي اسمع شي انتو ماتحسون فيني كلمة اصبري سهله عندكم وانا قاعده اموت
قعدت ابكي مثل البزر والله اني حابه ايد الممرضه هي اردنيه اقولها تكفين وديني ابي عمليه انهبلت هي يوم حبيت ايدها وانكسر خاطرها علي قالت لاتقولين. كذا اصبري والله معك قلت خلص صبري ماعاد فيني تكفون طلعوه وانا الحمد لله مو من النوع اللي اصرخ حدي دموع هههه
قالت اللي صبرك من امس اصبري بعد شوي وربك يهونها وش تبين بالعمليه تراها خطره
والله وتجي الدكتوره الساعه 4 وانا اللي ماصدقت اشوفها هههههه وامسك فيها تكفين عمليه
قالت شوفي بعطيك مسكن قوي اللحين ماراح تحسين بشي وبيخف الطلق وبترتاحين قلت ماابي مسكن اللحين تطلعينه بعمليه خلاص مليت
قالت اسمعي كلامي هالمره بس واذا مافتح الرحم بسوي لكً اللي تبين
وقالت لهم يجيبون مسكن لي وهي قاست الرحم ولقته فاتح 1 سم ياربي لك الحمد بدا يتحرك
وقالت عشان تولدين لازم يكون فاتح 7 سم
سبحان الله هي طلعت من باب غرفتي يمكن ماامدها حتى تسكر الباب وتنفك عندي موية الجنين وانا اللي اقول لزوجي اركض نادها ويطلع لها وتجي وشافت قالت الحمد لله ترى بيبدا العد التنازلي اللحين ان شاء الله مدام انفكت المويه بتصير الولاده تساهيل ادعي ربك بس وقاست الرحم مره ثانيه الا فاتح 3 سم تبارك الرحمن والحمد لله اللي رحم ضعفي وحالي
وعطوني المسكن عباره عن ابره بالعضل
وفعلا خف الالم شوي وصرت دايخه كاني مهلوسه بس الطلق شغال واحس فيه اذا جتني الطلقه قمت واذا راحت دخلت بجو الهلوسه
طبعا 10 دقايق وراح مفعول هالابره ماطول والطلق صار مايوقف اببببد هنا عاد بدا الموت الحقيقي ياربي رحمتك ورجعوا حطو لي تحميله مسكنه للام لكم ماخف ابد ولا سوت شي هالتحميله
نص ساعه متواصله الطلق ويوم ربي امر وقال له كن فكان والا يطلع البيبي ياربي لك الحمد والشكر قعدت اصيح واتحمد ربي واشكره والود ودي انزل من السرير اسجد لربي شكر يوم خلصني
واقول لزوجي تراه طلع نادهم ويجون يتراكضون وتجي الدكتوره وقالت شفتي صبرتي ونلتي الحمد لله لو انك مسويه عمليه كان تعذبتي خياط وجرح مدته شهر يالله يطيب
الحمد لله الحمد لله انكتب لي عمر جديد والا شفت الموت والله وحسيت هالدنيا والله ماتسوى وفرحتي بسلامتي وقومتي بالعافيه نستني حزني على البيبي واقول بينفعني بالاخره ان شاء الله والا الدنيا زايله
طبعا شفته قلت لهم وروني
كامل والكامل الله سبحانه
مافيه شي ولا تشوه ومبين كل شي فيه عيون وخشم واذن واصابع بس كل شي مصغر سبحان الله
طوله كبر الايد كلها
وطبعا بقت المشيمه حاولو فيها ماطلعت وسوو لي عملية تنظيف بنج كامل شغلة 10 دقايق
بس متعب البنج والله ماصحصحت الا اليوم
والحمد لله على كل حال
وانا الان طلعت الظهر وفي بيتي مع بناتي الله يخليهم لي ويعوضني خير يارب ياكريم ويهون عليكم ويرزقكم بحسن الخلق وهون الطلق يارب
سميناه عبدالرحمن ودفناه اليوم بعد صلاة العصر الله يقبله ان شاء الله
وهذي كل السالفه :icon35:
 

مساكم ورد 

عاشقه الله يشفي ولدك بحق السميع العليم 
ويشفي كل مريض 

خوفتيني والله :( 

خايفه من الولادة المبكره لاني لي فتره ينزل إفرازات تضايقني وتعالجت منها ماراحت وسويت قبل يومين كشف وتحليل والنتيجة اليوم 
بس زوجي عنده شغل وبروح بكره الصبح بأذن الله 
وان شاء الله تكون طبيعيه ياااارب
 

ياقلبي يافله الله يعظم اجرك

ويعوك خير

والحمد لله على سلامتك ياقمر

الحمد لله على سلامته والله يحفظه يارب ويخليه
الحمد لله بالحديد ولافيه
يوم ربي سلمه هذا هو الممهم