سلام بنات وش اخباركم
انا سافرت الجنوب عند اهلي
يازين الدلع والراحه ونااااسه صدق اطلب اللي ابيه ويجيني لعندي
جعل ربي يحفظ لي هلي من كل شر
السفر كان متعب جدا 12 ساعه تقريبا سياره ماوصلت الا وظهري تعباااااان مره
ارتحت يومين كذا والحمدلله اموري طيبه
الحين بالاسبوع 16
بنتظر لين ادخل الخامس وبروح الدكتوره اكشف نوع الجنين متحمسه مره 😭😭🤰🏻

الله يطمنك 😘

وين الحوامل الحلوين😍🤔
اليوم ابغاه يتفقل هالتجمع ونفتح غيره ابى تكبر عيونا انه نحن تعدينا مراحل بالتجمعات
بنات بنزل لكم القائمه الي مخططه لها والي جات في بالي واي شي نسيته ذكروني فيه
بنزله برد ثاني

قائمة المشتريات :٨ قطع ملابس داخليه قطنيه ويفضل تكون بكبسات ٦ قطع ملابس خارجيه ويفضل الي تغطي كامل الجسم٤ بجايم قطنيه للي يحب ٤ ملابس خارجيه من عمر٣الى ٦ شهور لانه الطفل يكبر بسرعه ومقاسه عادي يتغير عالاربعين لذالك انتبهو يالبكريات من هالموضوع لاتكثرو نيوبورن حديثي الولاده ٣ ملابس داخليه قطنيه من عمر٣ الى ٦ شهور طبعا البنات فديتهم نقدر نجيب لهم فساتين بس لعمر شوي اكبر عشان البرد والسقيان😍😂بطانيه خفيفه للبيت وحده ثقيله شوي للخروج لانه الجو بيكون بارد ٣قفازات عشان البيبي مايخمش عمره وبعدين بس يكبر خلاص مايحتاج وبما ان نحن ولادتنا بالشتاء نجيب قطعتين من الملابس الثقيله حق خرجاات وطلعات ٥ كوفليات انا صراحه عندي شوي من بنتي ف لذالك ما بكثر ٦ قطع قماش قطن للتجشؤ عشان مايستفرغون علينا واخليهم عطول جمبي عشان اذا استفرغ امسح عطول ٧ صدريات للرضاعه من غير الي تجي مع اطقم الملابس لانه بنحتاجهم كثير ٣زجاجات رضاعه حليب وحده حجمم١٥٠ والثانيه ٢٥٠وزجاجه حق الاعشاب واليانسون غلايه ماي وترمس صغير لحفظ الماي الحار للخروج اغراض الاستحمام بانيو صغير للاستحمام جميع مجموعه العنايه بالجسم مثل شامبو وكريم وبودره وزيت جونسون مهم جدا لانه جلد الطفل يتقشر ولازم تدهنون جسمه بالزيت ليفه قطنيه منشفه كبيره للجسم منشفه صغيره للوجه واغراض الصيدليه معروفه من مقص ومشط ميزان حراره ادويه للمغص وخافض للحراراه لاسمح الله اذا اضطر الموضوع مناديل معطره لتغير الحفاظ حفاظات طبعا اكياس صغيره عشان اذا غيرتي للبيبي بره تحطين الحفاظ فيها وصراحه انا ماجبتهم في بنتي بس الي يحب اذكرهم بهالشي قطن للأذان وهي لتنظيف الانف ولتنظيف الاذن من الخارج انتبهو لاادخلو اي شي بالاذن تمسيح خفيف فقط هذا الي في بالي لين الحين من اغراض البيبي واغراضي بكتبها برد ثاني واذا نسيت شي ذكروني وحاولو يابنات انه قطع الملابس الخارجيه تكون من 3-0نص جذي ونص حديث الولاه لانه بيفرق بعد الاربعين حرام مايستفيد منهم

هلا كروشات
أمس رحت المستشفى وسويت سونار والحمدلله كل شي زين بس المشيمة شوي نازلة وقال الدكتور عادي كلها أسبوعين او ثلاثة وترتفع بإذن الله
وحسب لي السونار ١٥ وأربع ايّام
وقالت لي الدكتورة احتمال بنوتة بس ما أكدت لي