تجهيزات البيبي:
١- طقم بربتوزات ٥-٦ حبات مقاس ٠-٣ اشهر تلاقونها بسنتر بوينت وعندهم تخفيضات حالياً
٢- طقمين بدل النونو اللي تجي مقفله الى الإقدام تجيك ٣ بدل في كيس واحد مقاس ٠_٣
هذي طقمين كفاية يعني حول ٦ بدل كمان تلاقونها في سنتر لإن البيبي يكبر بسرعه وماتستفيدون منها.
٣-طقمين بدل نفس اللي ذكرتها تكون تغطي حتى الإقدام من ٣-٦ اشهر هذي راح تستفيدين منها فترة.
٤- كوافل قطن لف البيبي جيبي ٥-٦ حبات تلاقونها في سنتر كمان ب٢٠ ريال تحتاجينها اول شهرين من عمر النونو بكثره
٥-كوافل صوف البيبي جيبي ٢-٣ حلووه خاصة اذا احد بيجيك او تروحين احد وتعطينهم النونو تخليه اثقل ويقدر ينشال.
٦- بطانية البيبي ٢ عشان الولادةبتكون في الشتاء لازم تدفونه زين
٧-جيب النونو او حقيبة مدري اش تسمونه بس هذا يجيك قطن ثقيل وفيه سحاب لما تنظفين النونو وتكوفلينه تحطينه داخل ذا الجيب وتقفلينالسحاب ينفع هذا كثير خاصة وقت النفاس واول ماتطلعين من المستشفى او اذا عندك اطفال وحبوا يشيلون النونو .
٨-قبعات قطن لاتكثرون منها نصيحة راح يتعود عليها ويتعبكم خذي ٣-٤ قبعات وقفازات وشرابات للنونو
٩-مايحتاج تشترين ملابس ثقيلة للنونو خذي كل شي قطن لإن جسمه يكون مره حساس اول ٣ اشهر ولحفيه زين وخلاص.
١٠-منشفة للاستحمام خذي ثنتين اللي تجي معها قبعه
١١-حقيبة لأغراض النونو خذوها جلد أفضل عشان لما تتوسخ بس تمسحينها
١٢- مفرش للنونو لتغيير الحفاظ أحياناً يجي مفرش في نفس الشنط حقن النونو
١٣- سلة للنونو او هندول صغير هذا تحتاجونه وقت النفاس بحيث تضعينه جنبك فوق السرير كل مابكى الطفل سهل عليك تأخذينه لإنكتكونين تعبانه وصعب عليك كل شوي تقومين تأخذينه من سريره
١٤-سرير كبير للنونو خشب هذا يكفيه لعمر سنتين ثلاث خذوا شي يستاهل
١٥- طقم مفرش مع مخده لسرير النونو
١٦-حوض استحمام مع مقعده خاصة لتحميم الطفل حديث الولادة عشان مايزلق عليك او يصير له شي لا قدر الله
١٧-رضاعات واغطيه قطن الرضاعات وحلمات إضافية خذوا مقاس اسمول فترة النفاس بعدين خلوها مديم وكل ماكبر الطفل خذوا مقاساكبر
١٨-جهاز شفط الحليب من صدر الأم سواء يدوي او الكتروني لإن الحليب راح يدر بكثره فترة النفاس فلازم تشفطينه وتحطينه برضاعاتوتعطيه النونو اذا جاع لإنك اذا تركتي الحليب بدون شفط راح يتحجر صدرك وتجيك حمى النفاس وتتعبين كثير انتبهوا!!
١٩-الأرجوحة والكراسي الهزازة وغيرها اخروها لحد مايصير عمر الطفل ٣ اشهر لإنها مو زينه لظهر البيبي تقوسه وكمان اذا عندك اطفالاكبر راح يلعبون فيه ويخضونه خض 🥳
٢٠-مناديل مبلله وليست معطره في فرق ترى ومجموعة تنظيف الطفل شامبو وجل استحمام ولوشن وبودره جونسون او نونو او قمر او اينوع
٢١- مقص اظافير للنونو بتجي اظافيره طويله ويصير يخمش نفسه لازم تهتمون وتقصونها له
٢٢-بودرة السر تلقونها في الصيدلية تنفع للسره حتى تطيح بسرعه وكمان مسحة طبيه كل يوم حطوا قطرتين ثلاث على السره بإذن الله ٣-٥ايام تلاقون المساكة اللي في السره طاحت بعدها حطوا بودرة السر كم يوم الين يطيب المكان
٢٣-ابعدوا عن العطور للنونو ولك أيضاً وانت نفاس قدر المستطاع
٢٤- زيت زيتون أفضل دهان للطفل يشيل القشرة ويخلي الطفل يلق في وقت قصير
خلاص كذا كفاية ان شاء الله مانسيت شي والله يتمم ويجيبهم لنا باالسلامة يارب🥰
تجهيزات البيبي:
١- طقم بربتوزات ٥-٦ حبات مقاس ٠-٣ اشهر تلاقونها بسنتر بوينت وعندهم تخفيضات...
بس بديت اتقضى شتوي لبناتي وبدخل السوق هالاسبوع ان شاءالله