model walaa
model walaa
زيك حتى اهلي ما زرتهم قريب ما ودي اطلع مكان
زيك حتى اهلي ما زرتهم قريب ما ودي اطلع مكان
عاد اهلي اروح لهم واقعد في غرفه اخواتي على السرير ومخدات من كل جهه
حتى امي تقعد تعزم فيني عشان اجلس واسولف معاهم
مرات اضغط ع نفسي ومرات ما اقدر
بس اهم شيء اني رحت لهم وسلمت 😅
fanna 1
fanna 1
فنه يا قلبي بكريه دوبها تعاني من المشكله ع الشهور الاخيره لكن احنا المخضرمات من الخامس تقريبا بدات الرؤيه تصير معتمه وغائمه وسلمنا امرنا خلاص 😂😂
فنه يا قلبي بكريه دوبها تعاني من المشكله ع الشهور الاخيره لكن احنا المخضرمات من الخامس تقريبا...
تشبيه الرؤيه😂😂😂😭
انا خلاص قررت بعد الولاده اسوي ليزر ويفكننننني
بس مدري يسمحون لي انا اسويه بنفسي للمناطق الحساسه؟؟
اذا احد بيسويه بكنسله 😑
العنود 62
العنود 62
حاسه بكسل فضيع ذي الايام يجماعه ومالي خلق احد يكلمني عن زيارات ولا طلعات ولا شيء وحمولتي من زمان عنهم احس لازم استحي شوي واروح لهم 🥲 مين تمر بنفس الحاله ؟
حاسه بكسل فضيع ذي الايام يجماعه ومالي خلق احد يكلمني عن زيارات ولا طلعات ولا شيء وحمولتي من زمان...
انا انا مثلك 🙊
حمولتي شي قديييييم
من زمان ماشفتهم
متت من الكسل والتعب

والله حتى الدوام شكلي باخذ اجازه مالي نفس اقابل احد يازين بيتي😁 ومع البرد يزيد الشعور بالخمول مع الثقل يزيد اكثر
Beauty in roses
Beauty in roses
بنات فاتتني السواليف الحلوة ندمت انو نومي عكس 😹 بس عندي مشاركه اكشن ولادة بنتي ( بالتفاصيل المملة) 🌠🤍 اول شيء زي اغلب البكريات و الحوامل عموما طولت في التاسع واللي كان مسبب لي ضغط اني دخلت التاسع نهايه رمضان فطول زورات العيد والكل يسأل ها ولدتي ها شكلك بكرا تولدي هاه وجهك وجه ولادة بطنك بطن ولادة و خلصت كل فعاليات العيد وما ولدت برضو 😹😹 ولدت ع نهايه شهر ١٠ اللي صار قبل يوم الولاده كنت حاسه حركتها جدا قليله بالبدايه قلت لا يتهيأ لي بس جيت في الليل كلمت امي انو حاسه الحركه قليله و على طول كلمت ابوي الله يحفظه وطيران للطواريء وصلنا الساعه ٤ او ٥ الفجر المستشفى فاضي المواقف فاضيه دخلنا لقينا عامل معاه عربيه جلسوني عليها ووصلني حتى الغرفه تعامل ملكي مع اني اقدر امشي 😸 المهم دخلت دكتوره تشيك تحت وفي غفله مني صار اول فحص مهبلي حسيت بالم الخيانه مع الم الفحص وامي معاي في الغرفه فجاه الدموع اربع اربع 😭😭 وهيا تضحك تقول بتصيحي من هذا اجل كيف الولادة؟ انا هنا عرفت ان الوضع جد ومت خوف لان طول فتره الحمل كنت في تجمع في متتدى ثاني واغلبنا بكريات محد يغشش الثاني ايش ورانا وكلنا نبغى نولد وخلاص 😂😂 المهم بعد ما خلصنا الفحص وتخطيط النبض وفحوصات وانا نازله مع الممرضه الهنديه في الاصنصير ومعاها ملفي رايحين للدكتوره قالت انا بقولكم ايش مكتوب بس لا تعلمو الدكتوره اني قلت احتمال تمسكك اليوم ولاده عشان مويه البيبي 😳 انا انفجعت خاصه بعد الفحص حسيت برتاح وبراجع فكرتي عن الولاده راح الحماس 😂 الا قابلت الدكتوره قالت لي المويه ناقصه ع البيبي بس كان التخطيط كويس ف ارجعي ارتاحي اليوم وتعالي بكره وَ لو كان كويس التخطيط برضو اعطيك مهله يومين بعدها لازم نولدك المهم طلعت من المستشفى كانت الصباح تقريبا ٧ وصلت البيت ونمت واصحى العصر الا احس بتقلصات خفيفه واقول لامي في الم زي الدوره بس مو قوي واسولف واضحك انو اتخيلو اولد اليوم مو معقول < من طول الانتظار احسب ما عاد بولد 😂 ودخلت الحمام الله يكرمكم الا في مسحه دم بلون بني نفس اللي بدايه الدوره طبعا دخلت اخذت لي شاور و استشورت شعري لسى الالام خفيفه وانا كنت كل اسبوع استشور تحسبا للولاده بولد وانا كاشخه 😹 المهم ابوي شافني كذا قال ذي ما عندها ولادة خلوني بطلع من البيت عندي مشوار بس بنفس الوقت كان متردد لان امي علمته انو في دم طبعا زوجي ما كان موجود ف ابوي اللي بيوديني الا بعد ساعتين كنت ارتب شنطه المستشفى مع انها مرتبه بس ازود شغلات واطلع شغلات وحطيت كتاب < ع اساس بكون فاضيه انا ووجهي وفجاه مع الالم صرت اجلس في السيب واتزحلق كاني في مسلسل كويتي هنا ابوي شافني وراح يركض لامي يقولها شوفي بنتك بعد ما خلصت الترتيب رحت انسدحت احاول انام عشان لا اروح وانا نعسانه للمستشفى بستغل الفرصه 😂😂 < امسكو مجنونتكم بس طبعا ما قدرت الالام قاعده تزيدكل ما غفت عيني صحتني الطلقه اللي وراها المهم اخذوني حبايبي امي واوبوي وانا في نص الطريق الالام تزيد وامي تحكي لي عن ولادتي وكيف تعبتها وكيف وكيف وابوي يقولها انتي بتنتقمي منها ولا ايه الحين وانا اضحك وارجع انطم وقت الطلقه الين وقت قربنا المستشفى فجاه وهم يسولفون اقو لهم اسكتو خللااااص 😳 مع الالم والله ما عاد قدرت بركز ايش يصير معاي 😹 وصلنا وانا على الكرسي في الطواري وابوي يعطيهم المعلومات الا يقرب من ممرض سعودي ويسال انت ولادة؟؟ رديت انو ايوا جات كل علامات الولادة اظن اني ولادة قال طيب ومشي و المره هذي ما دخلوني نفس الطواريء دخلوني الطواريء العام 🤕 واطفال يبكو هنا واحد يتاألم هنا وتجي الممرضه تعيد مرا ثانيه متاكدين ولادة ونقول ايوا وتقول لازم اسوي فحص المستشفى زحمه لو مو ولادة تمشيين بس الوالد قال لها مو على كيفك فحص في الطواريء العام طلعوها طواريء الولاده البنت عندها تقلصات ونزل دم وكلها علامات ولادة ايش تنتظرو وهيا مو عاجبها تقول اجل لو ما سويت الفحص يمكن تولد هنا 😑 طبعا قعدت حدود الساعه تحت ووقتها كنت ابغى الحمام وامي تقول لا ما تدخلي 😹 وانا اطالع فيها واقول الا والله بطني توجعني وهيا تقول يمكن ولادة قلت لها لا متاكده محتاجه للحمام ودخلت وانا اتسحب وهذي حسنه اني ما طلعت للولاده ع طول كان ما خلوني ادخل واخلص اموري 🙈🙊 المهم بعدين طلعوني وبرضو ما في احد حولي انا طبعا كنت رايحه ذي المستشفى عشان ابره الظهر ف اللي صاير اني طول الوقت كل ما سوو الفحص اقولهم الابره هاتو الابره انا طالبة الابرة وهما ولا كانهم يسمعوني و امي الله يحفظها تروح هنا تخاصم الاستقبال انو هاتو اي مسكن اكسجين او اي شي انتو مستشفى كبير وسمعه ع الفاضي وهوا يتحجج انه اليوم ذا من غير الايام الثانيه عندهم ضغط فجاه ومو قادرين يسوون شيء ورجعو لسالفه انو من الزحمه ممكن اولد في طواري الولادة 😑😑😑😑 طبعا هنا انا وصلت لنقطه الانهيار وقلبتها صياح وبكى لان اتوقعت بدخل ويحترموني زي الصباح كان فرق تعامل جدا بسبب الزحمه المهم بعد حدود ساعتين او ٣ اخيرررا دخلوني لغرفه الولاده طبعا اول شيء الرحم كان ٦ سم المفروض ما اخذ الابره بس انا اصريييت واخذتها وانا اتنافض لانو كل ما يبغوني اثبت الطلق ورا بعض مو قادره اثبت بعد ما اخذتها ارتحت شوي بس صرت ارتعش كاني متكهربه ع السرير مع اني مو بردانه بس غصب عني كانت عمتي ام زوجي وصلت وشافتني كذا قعدت تدق على الناس اللي تعرفهم اخذو الابره بتشوف عادي ولا لا خافت المسكينه 😂😂😂 المهم وصلت ٩ في اخر فحص الا جابو سرير البيبي و طلعو ام زوجي وبقيت امي معاي وخلاص متجهزيين ولاده الا فجاه الطاقم كلو اختفى طلعو من عندي 😳 وسابو لي ممرضه وحده ما تتكلم عندها دفتر اكبر من وجهي تقلب فيه ع طاوله قدامي واكلمها انو وينهم ما ترد او ترجع ترفع الشرشف تطالع وتقول لا انتي مو ولاده انتظري وانا صرت احس بالدف واصرخ صح الابره خففت الالم بس احساس الدف كان واضح ومخيف شوي وامي تقول دفي والممرضه الغب**يه تقول لا قفلي رجولك 🤕 ** طبعا معلومه للبكريات ابدا لا تقفلي رجولك تراهم اغبياء يقولون لك كذا وبعدين ينقص الاكسجين ع البيبي لا سمح الله المهم طنشتها وصرت ادف ادف الين ما جات الدكتوره وخلاص وقت تعبت ما عاد ابغى ادف الا تقول انا شايفه الراس مره وحده بس وخلاص دفيت اخر شيء وطلعت بنتي 😍🥺 طبعا طلعت وهيا هاديه وحتى ما بكت بس صاحت شوي وسكتت لدرجه خفنا عليها بس ممكن عشان اخذت المسكن متاخر اثر عليها كانت ماشاء الله فاتحه عيونها ووتفرج فينا كانها مصدومه انتو مين انا فين كل ما اشوف المقاطع اضحك على نظراتها الله يحفظها ليا 😂😂 وبس والله هذا اكشني اللي فضفضت فيه عن ذكريات التجربه ❤️ وقتها كانت صعبه وكل ما اتذكر اتضايق وتخنقني العبره لان الموقف كان مخيف شوي بس الحين بعد كم سنة اقدر اقولها وانا مرتاحه اكثر وان شاء الله ربي يبلغنا لخظة الولادة في ساعه طيبه وميسرة و نقوم بالسلامه احنا واطفالنا ❤️
بنات فاتتني السواليف الحلوة ندمت انو نومي عكس 😹 بس عندي مشاركه اكشن ولادة بنتي ( بالتفاصيل...
😂😂😂 البكرية أوطة مغمضة 😽

الله يحفظلك بنتك وامك وابوك ويطول بعمارهم من سوالفهم واضح متوترين اكثر منك🥺♥️
fanna 1
fanna 1
عاد اهلي اروح لهم واقعد في غرفه اخواتي على السرير ومخدات من كل جهه حتى امي تقعد تعزم فيني عشان اجلس واسولف معاهم مرات اضغط ع نفسي ومرات ما اقدر بس اهم شيء اني رحت لهم وسلمت 😅
عاد اهلي اروح لهم واقعد في غرفه اخواتي على السرير ومخدات من كل جهه حتى امي تقعد تعزم فيني عشان...
انا اللي يذبحني عيال اخوي بسلامتهم
يحبوني ومتعلقين فيني واذا جيت يتضاربون عندي وكل واحد بيقعد قريب مني واللي يقول امي فنه واطفش مع الحمل والثقل بس م احب اكسر بخاطرهم
والنوم اخاف ما اقدر انام الا اذا سكرت باب الغرفه يجووون ركض ويتضاربون شافهم زوجي كذا مره واحسه بدا يخاف يقول بوديك كل مكان الا بيت اهلك تكفين 😂😂😂😂
صار حتى يجيب امي يقعدها عندي من اسبوع عشان لا اقول بروح😂🥲.