A♥️ 1 :

يا عمري الله يحفظج بعيد الشر عنج.

يا عمري الله يحفظج بعيد الشر عنج.

Om.hooryy :

بقولكم ولادتي ببنتي طبعا خلصت التاسع وماعندي ولاده ومافيه شي ماشربته ولا اكلته اناناس على رطب على يانسون على حليب بالزعفران والله سبحان الله منجد ماتجيك الولاده الا بوقتها كنت كل ايام التاسع امشي وقرفصاء بعد مافات موعد ولادتي بيومين كانت بطني طول الوقت متحجره ولما امشي تذبحني زي الحجر هنا عرفت انه خلاص قربت ولادتي ماقدرت اكمل مشي من التحجر رحت اشتريت عصير اناناس ورجعت البيت كان الوقت اخر الليل كذا والله يكرمكم يصيبني مغص خفيف وبطني ماشيه ماحسبتها ولاده حسبت من عصير الاناناس رحت تروشت بمويا دافيه ودهنت ظهري بزيت ونمت ولا صحيت الفجر على المويا انفكت بالبيت والسرير والارض كلها مويا كل مااتحرك تصب مني 😭😭 طبعا بدون الم حتى سيارة زوجي حستها نزلت للمستشفى وهي كلها مويا رحت هناك قالو الرحم فاتح نص سانتي والطلق بارد انصدمت مادري ايش اسوي ومااقدر اقوم امشي من موية البيبي كتبو لي تنويم وجتني اختي الله يسعدها الظهر وجابتلي قرفه بالحليب شربتها والطلق بدا معي للعصر الام مره مااقدر اتنفس جت الدكتوره العصر تقيس قالت ٢سانتي لسى انتي مطوله طبعا معروفين الحكومين كيف جدا مهملين يخلونك لحالك وانتي تدبرين نفسك اتصلت على زوجي قلت ظول النهار الرحم مافتح. الا ٢سم. روح لاقرب عطار جيبلي حلتيته وراح ابو الشباب مااقصر جابلي عصير اناناس 😂😂 وحلتيته عاد يوم شفت العصير وتقلب علي بطني اقول لاختي ارميه ماابغى اشوفه 🤣🤣 وشميت الحلتيته وتزيد الطلوق معي والامها سارت مره حاره جت الدكتورةالمغرب قاست الرحم انصدمت قالت ٥سم ايش شربتي طبعا ماقلتلها عشان ماتسويلنا سالفه وساعه كذا الا يزيد الالم حلست اصيح خلاص احس بالدفع مااقدر اتحمل ولما جت قاست قالت فاتح ٧ سم يلا ولاده ياربي احلى شعور والله حسيت خلاص قرب الفرج والحمدلله ماطولت بالدفع او مااتذكر التفاصيل من الالم على ساعة ٩ العشاء شرفت اميرتي صراحه الحلتيته مع الكل مايمدحها حتى بالمستشفى لو شافوها معك يرمونها لكن بعد الله ساعدتني سرعت الطلق والرحم فتح بعد ماشميتها ماكانو يتوقعون عندي ولاده الا بكرا الطلق بارد والرحم مافتح الا ٢سم

بقولكم ولادتي ببنتي طبعا خلصت التاسع وماعندي ولاده ومافيه شي ماشربته ولا اكلته اناناس على...

العنود 62 :

أنا بقول لكم اكشن يضحككم بما اني مروقه بختار لكم الأكشن الكوميدي ولادتي ببكري 😂 كل الاكشنات المضحك المبكي طبعا بالبدايه قلت لكم كنا طالعين للبر وضربت السيارة حفرة ضربه قويه نزلنا للبر إلا بدأ معي المغص كنت بآخر يوم بالثامن جلست طول هذاك اليوم بالبر ممغوصه مغص منتظم وكنت متوقعه ولاده بس أمي كانت تقول طبيعي هذي مقدمات للتاسع استمر المغص الى بكرا واحس فيه ضغط مو طبيعي وكانت امي تهون علي انتي مو الحين ولادتك المهم يومين كامله وانا مغص منتظم جاء اليوم الثالث قلت لأمي تكفين روحي معاي للسوق اشتري اغراض للنونو تخيلو يابنات رحت معها اليوم الثالث من المغص للسوق كنت بالموت امشي اسحب نفسي سحب أمي شافتني صدقت ان هذي الولادة لدرجة نست جنس الجنين قالت انتي ولد والا بنت علشان تشتري الملابس المناسبه طبعا وانا واقفه اتألم وامي تشتري واتمسك بأي حديده قدامي فجأة نزلت موية الجنين بالسوق 😭😭😭ركبت السيارة وطيران للمستشفى يبدأ أكشن الدكتوره كانت مصريه الله يذكرها بالخير وصلت الا فاتح ٢ سم رحت المستشفى ورجعت ورحت ورجعت المهم مااطول عليكم وصلت الولادة هنا تبدأ الكوميديا 😂 قالت لي افتحي رجليكي وانا مسكره رجليني رفضت قالت عوزا تولدي ازاي وانتي مسكرا رجليكي وانا اقول ماابي افتح ابي اروح الحمام قالت يابنت دي ولادة مش حمام وانا اقول لاوالله ابي حمام قالت حيموت يابنت حيموت لو مافتحتي رجليكي انا الحمام وعاوزا تعمليه عليا 😬 كل محاولاته فشلت آخر شي ارسلت الجنود ثنتين فلبينيات كل وحده مسكت رجل فتحو رجليني بالغصب 😂😂😂قالت والله دا الراس انا بشوفو ادفعي يابنت والله حيموت واخيرا اقتنعت يوم حلفت انه تشوف الراس وخضعت للأوامر والحمدلله طلع جنيني باليوم الثاني من التاسع 😍

أنا بقول لكم اكشن يضحككم بما اني مروقه بختار لكم الأكشن الكوميدي ولادتي ببكري 😂 كل الاكشنات...

تشيز كيك 🍰 :

اكشني في بنتي البكر ✨🌌 رحت موعدي كان الاربعاء > مانسيت قالت لي الدكتوره موعدك الاخير الاسبوع الجاي اذا ما ولدتي وقتها راح نعطيك طلق صناعي دقيت على أمي قالت لا ان شاء الله ماتحتاجينه ولا تروحين لهم الا بعد مايجيك الطلق ما ابيك تجربين الصناعي الزبدة استغليتها بالمشي + التمر وطحت على قناة رولا القطامي لتسهيل الولاده واجربها اللي اضغط بين الاصبع الابهام والسبابة وافرك حلمة الصدر سويتها كذا مره من غير القرفصاء جلست اسويها وكثفت دعاء ان الله يسهل ولادتي ويسخرلي افضل الاطباء واخر شيء سويته قبل اولد فتحت المويه الحاره اللي يتحملها جسمي في البانيو وفتحت رجولي وتكيت فيها تقريبا من عشر الى ١٥ د وبعدها صار جماع لان الدكتوره نصحتني فيه تقول يسهل الولاده ويفتح الرحم بعد الله ، وبعدها نمت واصحى الفجر احس بطني ماغصني واروح دورة المياه اعزكم الله وينزل مني دم قليل زي بداية الدورة رحت ارسلت لوحده اعرفها وقالت لا تخافين كملي نومتك عادي تصير المهم ويزيد علي الدم اعزكم الله صحيت زوجي وطيران على المستشفى القريب من بيتي مو نفسه اللي اراجع فيه ، قالت مانستقبل ولاده روحي بسرعة المستشفى اللي تراجعين فيه انتي على وجه ولاده المستشفى اللي اراجع فيه يبعد تقريبا ساعه ونروح له طيران واول ماكشفت علي قالت ولاده طلعوها فوق شلت كل شي وعطوني لبس الولاده وطلعوني فوق وجت الاستشاريه جالسة عندي ماراحت وتشوفني كل شوي ادخل الحمام اعزكم الله ابغى اقضي حاجتي كل شوي وانا داخله طالعه استغربت انا ليش كل شوي اسويها !! طلع من ضغط البيبي 😩 قبل اروح الحمام كانت تسوي لي فحص تقول اخاف تولدين بالحمام 😂😂 الزبدة اعطتني توست قالت كلي اكلته وبعد دقايق استفرغته قالت هذي علامة قرب الولاده المهم اقوم ابي اروح الحمام اعزكم الله الا وتفحصني قالت ٨ سانتي خلاص ولاده عيت لا اروح الحمام وانا احاول فيها قالت غلط عادي سويها وانتي تولدي > انصدمت ماكنت اعرف انها عادي الوحده تبرز وقت ولادتها 😂😭 المهم كان وقتها الطلق يشتد وبعدين يبرد ومع الوقت زاد وتجيك الممرضه بـ عدة الحمل المقص والخيوط انجلطت لاني بكر ما اعرف شيء وجلست ادفع ماطولت الا وشوي اسمع صوتها وهي تبكي قمت اصيح معها وانا ارجف من البرد كانوا مشغلين المكيف على البارد جلست اتنافض والحمدلله كانت سهله ومرت على خير ملاحظة ولادتي كانت اليوم الثاني بعد موعدي اللي هو يوم الخميس سبحان الله ☺️😁 وولدت على ١١ الظهر او ١١ ونص المهم انو هالوقت ولدت والحين صارت اول ابتدائي فديتها 🥰♥️♥️

اكشني في بنتي البكر ✨🌌 رحت موعدي كان الاربعاء > مانسيت قالت لي الدكتوره موعدك الاخير...