ريميه🦌.. :

حياتي ام الحلو ذكرتيني بحملي اللي قبل هذا كانت زوجه اخوي توها عروس واخوي جلف يقهر من بدايه العرس يسهر برى واذا مدحناها يقول وش تشوفون انا ماشوفها حلوه يقالك يمزح هذا اسلوبه معاها اذا بيطلع يجي ياخذني اجلس عندها يقول زوجتي تقول ماارتاح الا لي تستحي من خواتي وكنت اشوفها اعز من اخت نجلس بالساعات وهي كانت عسسسسل تدخلني غرفه نومهم توريني العطوور والملابس وننصح بعض وتقولي عن الأشياء تبع العرايس وايش صار وكذا مرره مافي رسميات ماتشوفني زوجه اخ كاني صديقتها وانا اشوفها صديقه ولما تزعل من اخوي اوقف معاها كانها اختي واخوي اشوفه زوج اختي😂طبعا مو يوم او يومين لا استمر الحال 7 شهور واحيانا اخوي عنده دوام يكلم زوجي يتركني عندها من الليل لصبح وزوجي ياعمري معطيني راحتي وانا زي العسل على قلبي احب اجلس معاها فلاويه وتفضفض عن يومها وارقع لأخوي انو انتي قمر تهبلين وماعنده سالفه خايف تشوفين نفسك عليه وترتاح وترجع فوفوشه تخطط لجو بكره👗👠😂😂 في مره زارتني البيت ولما طلعت اودعها بالحوش شمت دخان قلت ريحه دخان قلتلها فلان بالحوش الثاني يدخن وربييي مااستحت مني دخلت راسها الحوش الثاني تشوفه وبعدين طالعتني وضحكت ضحكه المصريات اللي بالافلام القديمه قالت زوجك شافني😜وربي من الصدمه ماقلت شي ابغى افهم وش صار وليش تدقين مشوار عشان تشوفين ولما روحت استحيت ادخل على زوجي بيقول وش هذي الحرمه اللي اخذتوها لاخوكم قال اشبها ذي🧐قلتله تبغى تشوف الزرع ماتدري انك بالحوش المشكله صارت من بعدها تسالني عن حياتي وتعامل زوجي معي وإذا سويت نفسي مافهمت وغيرت السالفه تجلس هي تحكي انا كذا وكذا وانتو كيف وكنت اقولها بكل شي حلو بحياتي وتعامل ام زوجي وزوجي وكيف انا مقصره وهم مايشوفون تڨصيري بالعكس يتباهون اني زوجة ولدهم وام زوجي بكل عرس تسحب الحريم هذي زوجته ولدي وكلام كثير حتى عن مدح زوجي لي وملابسي وغرفه نومي وكل شي بقرررررره بقره بقره أكبر غلط تحكون لشخص عن حياتكم مهما كان يحبكم الا ومايدخل الشيطان بينكم اثاري دب فيها الغيره وانا مادري تخيلو صارت تتبلى علي عند اخوي واخوي يجي يشكي لامي مره قالت اني قلت بيتها مسكون بالجن بس ماعلموك ومره قالت اني قلت اذا فلان طلع من البيت قولي ودني لاهلي اذا ماوداك نامي بالصاله طنشيه عشان يركض وراك مثلا انكسرت المبخره تقول ريم تقول يستحي منك مايهاوشك ياكثرها البلاوي اللي حطتها براسي لو ادري قاطعتها من وقتها المهم اخر مشكله ورتني صوره بجوالها قالت شوي ذا اخوي وش رايك فيه استحيت اطالع تلعثمت قلت اممم حلو عمتي ام زوجي شافته ومدحته ماشاءالله قالت وين شافته قلت فبيتي (اخوها وزوجي وأخواني صارو مع بعض علطول تخيلو وش قالت لأخوي😭😭😭😭😭 قالت ريم تقول ام زوجها تقول اخوي حلو وانو انتو ماتمشون معاه الا تبغون منه...... قالتها بصريح العباره ويطلع اخوي لزوجي واخوانه واخواني وزوج اختي كلهم بالاستراحه قال لهم امكم مالها حق تقول الكلام ذا شاشو عليه زوجي واخوانه امي ماتقول الكلام ذا وصارت مشكله وش كبرها اخر شي قال زوجتي تقول ريم قالته😱😱😱😱 كنت عند اهلي وقتها وطبو علي امي واخواني وش ذا الكلام اللي قلتيه قلت والله ماقلت واحلف وأبكي وهم مو مصدقيني قالو بنت الناس غريبه ماتعرف عمتك وش مصلحتها تتبلاك وعلموني بالاشياء اللي تبلت علي اول قالو من اول ندري بسواد وجهك وساكتين وانا ابكي كاني بزر ماينفهم كلامي وهم يڨولو بلا كذب اثنتين من اخواني وخواتي ثلاث ووقفو معاي كنت ابكي فرح في احد صدقني مظلومه وكرشتي قدامي ابكي كأني بزر😂😭والله الظلم يوجع اول مره انظلم دايم كافيه خيري شري اجا ابوي وهاوش امي لانها علطول وقفت ضدي قال انتي صاحيه ولا مجنونه فلانه؟ فلانه تقول الكلام ذا؟لانهم عارفيني من كنت بزر استحي ولا يطلع من لساني الخطا قالت فلانه ماتعرفها باقي وتهاوش فيني و نفسيه الحوامل ماخلتني اوقف اشاهق دقيت على زوجي طلعت بيتي اول ما وصلت علطول تحت الدش ابكي الا ويكسر الباب زوجي قلتله خيررررر وش تبغى يحسب اني بشرب كلوركس🤓قال يالله عند امي واطيح انا ومنشفتي ابكي😩😩😩 عبالي حتى هو مابيصدقني صرت امسك على بطني واردد حسبي الله عليكم قال مصدقينك بس عشان ارفع عيني بعين اخواني مايكون عندهم شك1٪انك ممكن قلتي هالكلام لبست عباتي بيتهم جنب بيتي الباب فالباب دخلت ووجهي منفوخ واحمر من البكا قالت والله ماتحلفين لك 4سنوات ماسمعنا لك صوت ولا طلع منك العيبه لكن الله يكفيكم شر اللي جبتوها وانهار ابكي اقولها امي ماصدقتني وابكي وهي تبكي معاي طلعو اخوان زوجي بالغرفه اللي جنبي يافشيلتي😩 بعدين قالو والله انها مظلومه الله ينصرها المهم ارسلتلها ليش يافلانه وش سوويت لك تظلميني واتكلم بشويش الله يخليك قولي لفلان انك ظلمتيني تفتح ماترد واقوم اخر الليل اطلع الحوش ياربي دخيلك تبريني وابكي واشكي ظلم اهلي لي وظلم اللي كانت بوجهي تضحك وبظهري تنهش وسبحان من يلهمني كلامها اللي قالته قبل ارسلتلها شوفي ياجزمه اذا ماتروحين وتعترفين انك ظلمتيني وربي اني لاخلي اخوي يطلقك العيب مو لي ولا تربيت عليه العيب لك يا ام المكالمات وربي لااقول لاخوي انك كنتي تكلمين عيال وانو الان عندك ببي فيه عيال وتقولين انك تحذفينه اذا اخوي موجود وترجعينه اذا طلع ياوسخه الان فهمت لما قلتي لي عمك قال مابيصبرون عليهإ بيت فلان لانك زباله ماتنطقين الا عفن وبقول له انك تقولين انو مايقرب منك ويكشخ اذا بيطلع عند الشباب وشكيتي انو بزرنجي وكل الكلام اللي قالته لي وبلعته وسترت عليها قلته ارسلت فويس عالواتس صوتها يحزن ترجف امم رريم ردي على الجوال بكلمك ضروري كلتلها مابيني وبينك كلام حذرتك وانتي بكيفك (العصر ابوي قال يبغانا وبيحقق مين الظالمه) قلتها بكره عصر انا عند اهلي اذا ماجيتي واعترفتي انا بقلهم مين الوسخه ومين الشريفه وبقولهم كل الي عندي لكن مو ظلم زيك بقولهم ويدي على المصحف وراها انتي تحلفين قالت والله لاانتحر كان علمتي قلتلها احسن ماقلتي بصور الشاشه خوفك ماجا الا لاني صادقه بكل حرف دقت على اختي تبكي وتشكي تقول فضفضت لريم كلام والحين تهددني فيه اختي قالت لها اذا انتي تبكين من عمايلك هي تبكي من ظلمك وقفلت والعصر ابوي واخواني وانا خواتي َوامي كلنا موجودين ننتظرها وامي واخوي مبردين يحسبونها بتجي تتهمني دخلت تشاهق قالو ها يافلانه ريم قالت كدا وكذا قالت لا ظلمتها وطاحت تحت رجل امي تبكي سامحوني قالت لها قومي وهاوشتها وابوي دخل قال بلبس ثوبي واوديك لاهلك مالك جلسه هنا اخوي انصدم يحاول يوقفها وهي كانها بعزا تصيح فجرت اذني جا اخوي معصب لين عندي قال وش قلتي لها قلت اسألها قلت لها شي؟ 🙄 قامت تحبي لين رجله وتمسكت فيه وقفت بيننا قالت ماقالت لي شي ماقالت شيء وابوي طلع وحلفت عليه امي قال ابد فضحت بنتي بالحاره تبغى تخرب بيتها الضعيفه قالت امي خلاص بدق على امها تجي ونتفاهم وجت امها وصارت سالفه وانا روحت بيتي سجدت لله ربي رد كيدها فنحرها وثبتني بس من قوه الانهيار والبكاء والحاله النفسية زفت قلت بيصير شي لنونو والحمدلله ربي تمم علي وعوشرت😂

حياتي ام الحلو ذكرتيني بحملي اللي قبل هذا كانت زوجه اخوي توها عروس واخوي جلف يقهر من بدايه العرس...

أم ريان20 :

ماشاء الله اللهم بارك مبروووك الشيخ💙 الله يتمم لك بخير ويقر عينك بشوفته بصحة وعافية❤️😍

ماشاء الله اللهم بارك مبروووك الشيخ💙 الله يتمم لك بخير ويقر عينك بشوفته بصحة وعافية❤️😍

نوڤا :

صباح الخير دخول ملووووووووووووون 💙💙💙 ابشركم توني راجعه من عند الدكتوره تقول معي ولد 👦🏻 💙💙 يارب لك الحمد والشكر 🙏🏻

صباح الخير دخول ملووووووووووووون 💙💙💙 ابشركم توني راجعه من عند الدكتوره تقول معي ولد 👦🏻...

فتاة متألقة :

مين مثلي يا بنات تعشق الكروشيه 😘 جهزت الصوف الوردي و الازرق و بعد اسبوع سأبدا بصنع الملابس وش تتوقعون استخدم الصوف الازرق او الوردي 💙💖

مين مثلي يا بنات تعشق الكروشيه 😘 جهزت الصوف الوردي و الازرق و بعد اسبوع سأبدا بصنع الملابس وش...

Almogtrbh :

توني خلصت موعدي بالعسكري للاسف تقولي مو واضح واعتقد بنات بس مايبون يعلمون 😂 اهم شي تطمنت كل شي تمام والله يهون علي وعلى كل حامل يارب

توني خلصت موعدي بالعسكري للاسف تقولي مو واضح واعتقد بنات بس مايبون يعلمون 😂 اهم شي تطمنت كل شي...