لبيه@ :

السلام عليكم شلونكم خواتي// اتمنى تكونون بخير انتو واجنتكم وربي يهون علينا ماتبقى من حملنا مااخفي عليكم إن سبب غيابي الطويل النفسيه التعبانة بسبب فحص الكروموسومات لأني قبل لا اعرف بحملي كنت اخذ مضاد حيوي واشعه وهذا خلا الدكتور ينصحني بهذا الفحص عملته اول مره وتميت انتظر أسبوعين وبعد كذا اتصلو وكلمني الدكتور وقال المختبر أرسلو له ان مافي خلايا ومافي نتيجه وقال لي تعالي عمل لي التراساوند وكان كل شي تمام وأخذوا دم للمره الثانيه وارسلوه ( الفحص هذا يرسل ل امريكا ) وانتظرت أسبوعين ونفس الشئ مافي نتيجه هنا قلبي وقف ونفسيتي تعبت وخفت والدكتور بعد خاف وقال اول مره تواجهنا هالمشكله لكن رغم هذا كنت اقوي إيماني واحوقل واتصدق واستغفر واستودع جنيني ونفسي وما بينت شي لزوجي رحت لدكتور ثاني وقلت له كل اللي صار قال قومي التراساوند ولقى كل شي طبيعي وقال انتي لمى كنتي تتكلمين وتقولين الموضوع خفت قلت اكيد الجنين مافي نبض لكن ان شاء الله ماعليه شر وبإذن الله ترجعين وتبشريني قال احنا عمرنا مامرت علينا هالحاله اتصل لي دكتوري الاول وقال تعالي ماراح تدفعين شي بس ابي اتطمن عليك مع انه مايهمني اذا ادفع اهم شي اتطمن ومااكون في دوامه وخوف .. جيت له وتناقشنا كثير فـ الموضوع وقلت له دكتور ممكن تغير المختبر أنا شاكه ان العينه توصل لهم في ظروف غير ملائمه فعلا عمل كل الاتصالات ولقى مختبر تواصلو معاه ورتبو كل شي واخذو العينه طبعا الفحص هذا مكلف والدكتور مادفعني فالمرتين الثانيه والثالثه بعد مرور اسبوعين اتصلو وبشروني ان كل شي تمام وان جنيني بخير وطبيعي 😭😭 وقالو لي شنو الجنس 👼🏻💙 ولد ( ماشاء الله) الحمد لله والشكر لله ... الله يتمم لي مابقى من حملي ويبلغني اجمل اللحظات ويعوضني عن كل شي فقدته وعن كل لحظات الخوف والتوتر اللي عشتها دعواتكم لي فديتكم 💞حبيت ابشركم رغم إني ماحبيت اعيشكم معاي لحظات الخوف هذي مراعاة لمشاعركم

السلام عليكم شلونكم خواتي// اتمنى تكونون بخير انتو واجنتكم وربي يهون علينا ماتبقى من حملنا...

***ياسمين*** :

مساء الخير

مساء الخير

Um.saad_qatar :

لا والله مايجي في بالي انه عين ولا خوف منها الحافظ الله مع انه في مثل عند المصريين صراحه اايدهم فيه اللي يقول داري على شمعتك تئيد 😂 ماعليها اما بالنسبه للعين ترا صح فيه ناس مب صاحيه تطالع اللي عند الناس حتى لو عندها انا واخواتي خمس كل وحده منا تزوجت وكان بينا فترات طويله طبعاً انا شوي تاخر زواجي برغبه مني وحكمة من رب العالمين وكنا كلنا في سن انجاب حملوا خواتي ثلاث الكبيرة وثنتين اصغر مني وانا كنت توني متزوجه وحده من خواتي حملت بعد تاخر خمس سنوات المهم يعني وحده ولدت شهر ثلاثه بعدها بست شهور ولدت الثانيه وبعدها بشهر الثالثه بعد فتره فيه ثنتين صار بينهم مشاكل جات وحده منهم من كثر ماهي زعلانه تنقل حكي الثانيه لخواتي تقول فلاته تقول بنات فلان كل كم شهر والده وحده فيهم تعبنا واحنا نوجبهم ياختي لا توجبين ولا تطالعين الناس وش عندهم ويتأخر حملي وماحملت الأبعد علاج حقن مجهري وكنت اروح السعوديه عند شيخ اقراء وطبعاً الفضل لله رب العالمين وحده ووحده من خواتي لها ثلاث سنوات متزوجه ماحملت ووحده من خواتي جابت اثنين ووقفت صادتهم مشاكل هي وزوجها حتى الدكتور يقول لزوجها لو حد ثاني مايعرف حالتك بيسالك الاثنين اللي عندك شلون جبتهم انا ماقولج عين هي اكيد قدرة رب العالمين وحكمته هذا الحديث رواه الإمام مسلم (2188) في صحيحه عن عبد الله بن عباس رضي الله عنهما عن النبي صلى الله عليه وسلم أنه قال : (الْعَيْنُ حَقٌّ ، وَلَوْ كَانَ شَيْءٌ سَابَقَ الْقَدَرَ سَبَقَتْهُ الْعَيْنُ)

لا والله مايجي في بالي انه عين ولا خوف منها الحافظ الله مع انه في مثل عند المصريين صراحه اايدهم...