هذا هو واللي تجي تقول خلي ريلج يفحص ولا ليش ماحملتي المشكله من من 😕😕
خير يمكن المشكله في زوجي ومابي اقول يمكن احنا متفقين مانجيب عيال على طول مب كل شي لازم تعرفونه خلاص حبيبتي من حملي في بناتي الناس عرفت ان حياتي الخاصه خط احمر ماعاد حد يسال
تدرين والله اني تزوجت وتأخرت بالإنجاب عمتي ام زوجي في حياتها لا سالتني ولا سالت ولدها ليش ماجاكم حد الله يعطيها الصحه والعافية
خواتي زوجي ماعرف عنهم الا متاخر وحده منهم كانت حامل معاي ومادريت عنها يعني انا ماسال وزوجي مايقول وفترة حملي نادر كنت اروح لهم المسكينه ولدت ولاده مبكره كانت في السابع جابت توام عيال واحد منهم الله يجعله شفيع لها كلمني زوجي قال فلانه ربت جابت توام علمني بالسالفه تخيلي انا من الخرعه دخلت المستشفى جاني طلق خفت يصير لي مثلها تخيلي انا وهي في نفس الدور ماجيتها ماقدرت وطرشت عليها ورد وشوكلاته وتحمدت لها بالسلامه وقلت لها ماقدر الممرضة ارفضت أتحرك من الغرفه
وأخته الثانيه شفتها صدفه في بيت حماي وبعد ماربت علمني زوجي رحت لها
في حياتي مازعلت ولا بزعل عليهم ماجاني منهم اي شي يضايق بزعل علشان خصوصياتهم
مرت اخوي مادرينا الا وهي بالسادس وهي معانا بنفس البيت وولدت وجيناها وعادي كل شخص له الحريه يبي يقول يقول مايبي براحته
هذا هو واللي تجي تقول خلي ريلج يفحص ولا ليش ماحملتي المشكله من من 😕😕
خير يمكن المشكله في زوجي...
انا تاخرت بحملي الثاني وكل من سألني اقول كذا مرتاحه ماافكر بالحمل ومايسكتو طبعا بمحاولات الاقناع وفلانه صار عنذها ٤ وفلانه ٣ كأن سباق مين يفوز واطنش خلص اسكتوو اكيد في ظروف مو ضروري كل الناس تعرف ليش ماحملت بس عادي ماكنت اهتم لكلامهم لين ربي كتب الحمل