أنا الحمد لله الولادة الثالثة كانت عندي أسهل ولادة وأسرعها بس سبحان الله ماتوقعت إنه بسرعة يحمى الطلق فما طلعت للمستشفى بسرعة والمسافة تقريبا ساعة وشوية لحد مانوصل وقضيت فترة الطلق القوي في السيارة عشان كذا زوجي كان معي وعاش فيلم الأكشن 😆
بس رحمته مسكين كان كله خايف إني أولد في السيارة وهو مايعرف يتصرف وقبل لا نوصل بشوية انفتح الماي وعاد أنا عيشته برعب زيادة لأني أعرف نفسي اول ماينفتح الماي معناته خلاص دقايق والبيبي يطلع 😥
وصلت الطوارئ وبسرعة يركض يدخلني على كرسي ولما استلموني الممرضات قالولي يلا نوديك على صالة الولادة قلتلهم خلاص ماألحق 😣
الله وكيلكم كان شكلي يضحك قمت من الكرسي أركض على أقرب سرير قدامي والدكتورة والممرضات منفجعات من تصرفي بس سكروا الغرفة وأنا بسرعة أبطل ملابسي ودقيقة بالكثير ونزلت البنوتة اللهم لك الحمد والشكر 💕
أنا الحمد لله الولادة الثالثة كانت عندي أسهل ولادة وأسرعها بس سبحان الله ماتوقعت إنه بسرعة يحمى...
بس صراحة ارتحت من سالفة كل مرة وحدة تجي تشوف كم الرحم فاتح أكره ماعندي ذا الشي 😣