Aml al7ob :

زوجي هديتي انا عندي ثلاث قيصريات القيصريه على كلام دكتورتي ترفع الرحم فوق حملاتي اطول بينهم فوق السنتين وشي يعني يوم اولد يكون بين البيبي واللي قبله ثلاث سنوات وكم شهر مشكلتي الحوض عندي صغير يتم البيبي في بطني فوق مش مثل الناس الطبيعيه يلقى له مساحه يتمدد فيه يجون عيالي طبيعي وزنهم صغير سبحان الله عشان مافي وسع فالرحم لهم واذا زاد وزنهم وصل ٢.٩ وأتعب من وزنهم اذا زاد القيصريه اول الحمل ما احس فيها بس يتقدم الحمل تبدا تجي نغزات وحركات بس الحمدلله الوضع يعدي على خير لو خيروني اولد طبيعي كنت أتمنى بس الحمدلله على كل حال عيب القيصري انه لك ولادات محدوده ولازم بين حمل وحمل مده جسمك والعمليه ترتاح عندي يولدوني قبل عشان اكتشفوا انه جرح العمليه يترقق وهذا خطر علي واحتمال يولدوني على الاسبوع ٣٦ هالمره عشان مايكون في اي خطوره على الرحم هذا حملي الرابع وبربط خلاص باذن الله وربي ييسرها الم القيصري اول مره مؤلم ولازم مسكنات والوضع غريب ولاتقدرين تكحين ولا تضحكنين تشد عليج بس القيصريه الثانيه تكون اهون لكنهم كلهم الم حتى لو ماولدنا طبيعي ترى يكفي عمليه فتح بطن وتخدير نصفي وألم العمليه اللي ياخذ اسبوع اسبوعين وتنظيف الجرح عن الالتهاب غير الالتصاقات اللي ممكن تصير من العمليه وأخطارها ربي يحفظنا من كل شر وهذي تجربتي مادري كل وحده لها شي من القيصريه تختلف حالاتنا 😂

زوجي هديتي انا عندي ثلاث قيصريات القيصريه على كلام دكتورتي ترفع الرحم فوق حملاتي اطول بينهم...

noura86n :

عمري ٣١ سنه متزوجه من ١٠ سنين جبت ولدين قيصري وووقفت من فتره طويله ويوم نويت احمل صارت إجهاضات فا عشان كذا اذا ولدت بالسلامه وعقب ٦ شهور بحاول احمل نصيحه الي صغيره بالعمر تحاول تجيبهم ورا بعض وتوقف في عمر ٣٥ لا تسوي مثلي💔

عمري ٣١ سنه متزوجه من ١٠ سنين جبت ولدين قيصري وووقفت من فتره طويله ويوم نويت احمل صارت...

أسعد فتاه بالعالم :

كنت اقول مثلك بأجيبهم كلهم في العشرينات .. مخططه كل 5سنوات طفلين .. تزوجت بعمر ال٢٠ حاليا عمري٢٨ ماقدرت انفذ خطتي😑 التربيه مو سهله .. قررت كل ٣ او اربع سنوات .. يكون الطفل الصغير دخل الروضه واعتمد على نفسه في كثير اشياء .. وانشغل في المدرسة اجيب اللي بعده .. انا ما اقدر اتحمل رعاية اطفال متلاحقين في العمر .. والله يكتب لنا اللي فيه الخير بالنسبه للموانع ماقررت لسى

كنت اقول مثلك بأجيبهم كلهم في العشرينات .. مخططه كل 5سنوات طفلين .. تزوجت بعمر ال٢٠ حاليا...