ملاك ..
عادي اذا حابه تخبرين المقربين عن جنس الجنين .. مثل امك وخواتك..
بس اذا زوجك رافض تتكلمين اقنعيه تعلمين امك بس عشان تفرح..
اما اللي من برى ماله داعي يعرفون والعين حق.

ام ساري حابه تصبغين..
والله ياختي اخاف من الصبغات انا وما انصحك صراحه يعني انتي بوضع عندك جنين ببطنك وربي استخلفك فيه لا تسوين شي يضره حرام والله ..
انا من رأي البنات جربي مسكارا حق الشيب شفتها عند اختي مره عمليه وتنفع اتوقع ماخذتها من جيفنشي والله مو متذكره .. بس جربي انتي المسكره اللي عندك لاخفاء الشيب وان شاء الله تأدي الغرض.

اللي تسأل عن الرضاعه الطبيعيه .. انا بولدي مابغيت والله اشتري رضاعه بس بعد مارحت عند امي للنفاس قالت خذيها احتياط واقنعتني واخذت..
لكن الحمد لله ماحتجتها كثير ورضع مني ولدي رضاعه طبيعيه ..
افضل الرضاعه الطبيعيه يابنات ترجع الرحم لمكانه الطبيعي بعد الولاده ولايصير عندك كرش ويصير ارتباط نفسي وعاطفي بينك وبين طفلك وتعطيه مناعه ضد الامراض..
لاتحرمون ابنائكم من رزقهم هذا رزق ربي ساقه لهم وطبيعي مليان أجسام مضادة واشياء احنا مانعرفها ربي حطها في هالحليب..
مو مثل الصناعي اللي فتره وتشوفين الطفل منفوخ ع الفاضي ودايم مريض..
لاتقولون مافيني حليب لازم تعطين الطفل اذا ** بيدر تلقائي سبحان الله ..
وانصح البكريات من الان هيئوا صدوركم للرضاعه الطبيعيه واقرأوا عن الموضوع لاتسمعون للي يقولون تخرب الصدر.. حرام لاتحرمين الطفل من رزقه ربي يسألك عنه يوم الدين..
ادهني صدرك وبطنك بزيت الزيتون كل يوم واسحبي الحلمه لبرى ماراح تحسين بعد الولاده بتشققات او أي ألم وقت الرضاعه وباذن الله ماتحتاجين الحليب الصناعي .

بنات حابه اذكر بالأشياء المهمه لاغراض البيبي غير الملابس و الاسره والرضاعات..
لان ماراح يجيبونها هدايا..
● مشط خاص للبيبي
● شنطة لاغراض البيبي وقت الخروج وبيكون فيها لباده لتغيير الحفاظ .. تسدحين عليها الطفل وتغيرين
● اكياس لتغيير الحفاظ مهمه تلقونها في ماذركير او سنتربوينت
● مقياس الحراره
● شفاط للانف.. لان بيكون انف البيبي صغير وصعب تنظيفه
●مناشف استحمام ماذكروها البنات في القائمة.. مجموعه تلقونها في مذركير او حبات في سنتربوينت.
●شامبو وكريم مرطب وافضل مجموعه سيباميد.
● فرشه لتنظيف الرضاعه
● أعواد لتنظيف الأذن نفعتني صراحه بس قرأت مقال قريب انها مضره.. وبكيفكم
● شرابات نيوبورن
● اسفنج واقي الملابس للصدر عشان إدرار الحليب .. لقيتها بسنتربويت مجموعه من ٣ ازواج
● قطن لتنظيف الطفل وقت التغيير او بدل الاستحمام.. تبللينه ماء دافي وتمسحين جسمه.. لان مو شرط يوميا الاستحمام.
● مسحات زيتيه لتنظيف الطفل للرقبه او الفم او الاماكن الحساسه.. وقت الزنقات ولا الافضل ماء وقطن نظيف .


هذا اللي اذكره ولو تذكرت شي بإذن الله ما ابخل عليكم ❤

اي تذكرت مخده خاصه للرضاعه وهذي نفعتني انوم عليها ولدي بجنبي عشان كذا ماحتجت سرير الا سرير طقم النفاس جلس فيه قريب الشهر وكبر بسم الله عليه وماصار يكفيه صرت انومه جنبي ع مخدة الرضاعه.. ونفعتني بعدين يوم كبر شوي وصارت تدعمه عشان ماينقلب.
هذي تجربتي❤