الي عملو العمليه عند الدكتور عصمت القضاه شو طريقته بترجيع الاجنه؟
المثانه فاضيه ويلا ممتلئه ؟ وعن طريق السونار؟

الله يسهلك ياحووور وتبشرينا بالحمل - ام محمد الله يعوضك يارب بس جربي تروحين عند عصمت القضاه البنات مدحوا فيه- انا اخباري دزيلي ايمل لدكتور عصمت وكان جداً متعاون خبرني انو اتصل بي وأعطيه الهستوري والتحاليل وان شاء الله عله الثامن او التاسع أجي لعندكم لعمان ويارب خييير

مراحب ياحبايب
زوجي حاب الذهاب الى لبنان لمقابلة دكتور مختص بعلاج العقم بس ماني عارفه
كيف الاوضاع في لبنان متخوفه جدا من ذهابه الى لبنان :confused-:confused-

reematalia


اختي الدكتور عصمت بيرجع والمثانه فاضيه وبالسونار موفقه يااارب

ام الهيوف


انا سمعت انو الخليجين ممنوعين من السفر للبنان لدواعي امنيه مدري السعوديه منها او لا

خليه ينتظر حتى يشوف الاوضاااع او يشوف دكتور ثاني

موفقه

بسم الله الرحمن الرحيم
رح احكيلكم عن افضل مطاعم تجربوها بعمان خلال سياحتكم للاردن

طبعا اي رقم مطعم بتحتاجي فيكي تحكي تلفون من اي رقم ارضي على 1212
وهو خدمة اعطاء الارقام
اطلبي رقم اي اسم مطعم بدك ياه بيعطوكي ياه
طبعا فقط من رقم ارضي لهاد الرقم ما بزبط من موبايل

اولا مطاعم الفول والفلافل و الحمص :
1: مطعم ابو جبارة ... في شارع المدينة المنورة
مطعم فاتح 24 ساعه , اكلو كتير نضيف , وقعدتو كتير حلوة ... اسعاره مو اسعار فول وفلافل يعني اغلى لكن طبعا سعر مقبول و مو غالي

2: في مطاعم الكلحة ايضا فول وفلافل عدة فروع ... منها فرع الجاردنز و فرع الرابية وفرع خلدا ... قعدتها صغيرة تعتبر لكن فيكي تاخدي وتطلعي افضل

بالنسبة لمطاعم الوجبات السريعة :
اكيد معروفة للجميع بس رح اذكرها
كنتاكي ... بيتزا هت ... ماكدونالز ... تشيلي هاوس ... هارديز .... برجر كنج ... بابايز .... تكساس تشكن .... سب واي

بالنسبة لمطاعم الاكل العربي :
1: مطعم جبري ... شارع الجاردنز
بعتبرو الافضل من ناحية المنسف ... الرقاب ... صرر الاوزي ... الاوزي العادي ...بوريك باللحمة والجبنه ... وبعض الاكلات متل الفاصولية او البامية مع الارز ... كبة لبنية وكبة مقلية
القعدة مو حلوة تعتبر
الافضل اخد الاكل من عنده وما تعقدي يعني
جنبو بنفس المبنى يعني في مطعم ارض الديار
عبارة عن بوفيه مفتوح لكل الاكلات العربية كتيييييييييييير اكلو طيب
من مقبلات للاكل للحلويات لكل شي بجد رهيب
على الشخص 17 دينار يعني يساوي 85ريال شامل مشروبات وضريبة
وبيفتح برمضان على الافطار كمان بوفيه مفتوح
بس بكون عجئه كتير
قعدتو حلوة ومتل قعدات الشام في نافورة ومشجع صراحة
بس الو اوقات معينة بيفتح فيها والافضل الحجز فيه قبل ما تروحي وتعرفي ايا ساعه بالزبط


2: مطعم قصر الضيافة.... شارع المدينة المنورة :
ايضا بقدم جميع انواع الاكل العربي والمندي والكبسات والمشاوي
بحسو كل اللي بدخلو اهل الخليج والسعوديين
معروف يعني الهم

3: مطعم قصر المندي ... جانب مختار مول
للمندي والزربيان و الكبسة والمضغوط
اكلو نضيف وسعره كتير مناسب

بالنسبة لمحلات المشاوي والاعدات الحلوة فيها :
1: مطعم ريم البوادي ... قرب دوار الواحة
قعدتو كتير حلوة ومميزة بس مشاوي عادية
بس بحس الناس بتروحلو لاعدتو

2: مطعم طواحين الهواء .. قرب دوار الواحة
مكان مشاوي واعدات حلوة

3: مطعم الواحة .... قرب دوار الواحة .... بجانب طواحين الهواء
اعدتو ومشاوي كتير طيبة

4: مطعم كباب اكسبرس ... في سيتي مول ... الفرع التاني في الصويفية
فرع الصويفية اعدتو طيبة
بقدم الكباب على شكل وجبة سريعه وبجد مميز

5:مطعم ورد ... قرب شارع المدينة المنورة جنب الهوليدي ان
مطعم بجددددددددددد اعدتو رهيبة
بس اسعاره شوي غالية

6: مطعم السروات .... شارع الجاردنز
مطعم مشاوي ايضا لكن قعدتو عادية يعني في ناس ما بفضلو يعقدو فيه
بس اكلو طيب واسعاره رخيصة



مطاعم اخرى
1: الريحانة ... داخل مكة مول الطابق الثالث التوسعة
مطعم رااااااااااااااااااااااائع بنصح الكل يجربو
مطعم لبناني و مشترك مع 5 سنيسز الايطالي
بقدم اكل لبناني وايطالي ومشاوي
مقبلاتو مميزة جدا جدا
اسعاره متوسطة
والاكل الايطالي عندو رهيب كمان
واعدتو حلوة

2: مطعم ماكارونيز ... عبدون ... الفرع التاني داخل مكة مول
مطعم ايطالي اكلو رائع بجد

3: مطعم هيوسن ... عبدون
ايضا اكل ايطالي
مشكلتو بقدم مشروب

4: مطعم المحيط ... شارع المدينة المنورة
اكل بحري من اروع الاماكن بالطبخ البحري
لكن سعره غااااااااااااااالي
بقدم السوشي كمان


5: مطعم نوديجيا ... عبدون
مطعم صيني بقدم يوم الاحد ليلة السوشي بوفيه مفتوح ( لمحبين السوشي )


6: مطعم تشاينيز فليفر ....داخل مكة مول الطابق الثالث ... طابق المطاعم
مطعم بقدم وجبات صينية وكتير اكله طيب


7: في طبعا مطاعم فرايديز وابل بيز وتشيليز الاميركية
موجودين بشارع مكة



بالنسبة للعصائر والكوكتيلات الطبيعية:
كيوي : خلدا جانب برادايس
افضل عصائر وكوكتيلات بجودة عالية
بنصح الكل يجرب عندو عصير الافوكادو و سلطة الفواكه وغيرها من العصائر


مطاعم الشاورما :
1: مطعم الضيعة ... فرع شارع المدينة المنورة + فرع عبدون
يقدم وجبات الشاورما ونضيف ومرتب

2: مطعم ريم ... شارع المدينة المنورة
وفرع تاني في الدوار التاني
مطعم صغير جدا لا يوجد قعدة
يبيع فقط شاورما لحمة
لكن كتير مميزة

3: مطعم غزال ... شارع المدينة المنورة + فرع تاني قرب مجمع جبر
يبيع شاورما وجاج مشوي وغيرها لكني ما بحبو بس كتير ناس بفضلو


بالنسبة للحلويات :
حبيبه : شارع المدينة المنورة
بقدم حلويات وكنافة وجديد صار اله قعدة فخمة

حلويات عرفات.... شارع المدينة المنورة
في فرعين مقابل بعض
واحد للكنافة والحلويات ... رائع بجد بس مافي قعدة يعني تيك اوي
وواللي مقابلو اسمو تمرية ... ببيع اطيب تمرية موجودة بعمان


في جانب حلويات عرفات اللي تمرية.... ايضا شارع المدينة المنورة
حلويات اسمه الحمدانية ببيعو الحلويات العراقية والمن والسلوى على مستوى عالي



ولو ما عرفتو اماكن المطاعم وخايفين تضيعو
غالب المطاعم موجودة بمكة مول طابق المطاعم
في ايضا سيتي مول طابق الاخير طابق المطاعم
يوجد غالب مطاعم السريعة هناك
طبعا مكة مول هو المتنوع اكثر من ناحية المطاعم




طبعا انا بحكيلكم فقط المطاعم اللي مجربتها
اكيد في مطاعم كتير غيرها ما جربتها
ايا اخت بتنصح بمطعم تكتب مشان الاخوات يستفيدو