كيفكم بنات انا متابعة معكم بس حبيت ادعي لكم من كل قلبي الله يثبت لكل وحده حملت ويرزقنا الذرية الصالحة ودعواتي الخاصة لعاشقة الحرم والله يعوضك ان شاء الله
بس حبيت انبهكم قبل ما تتابعوا في التخصصي سو التحاليل الشاملة وخصوصا تحليل الأجسام المضادة للحيوانات المنوية لأن ما سوها لي بالتخصصي وانا الحين اتابع عند مركز سمير عباس بالخبر سألت الدكتور عنها وطبعا بعد بحث في النت عنها وطلع انه مايدري اني ما سويتها من قبل ولما عملتها عندهم طلعت النتيجة ان تحاليلي كلها كويسة مع عدا " الأجسام المضادة للحيوانات المنوية "
تخيلوا بنات بعد 5 سنوات من تاخر الحمل ولا دكتور قال لي اسويها المهم اني عرفت السبب والدكتور قال لي ان العلاج يبدأ من يوم السحب ولمدة 3 ثلاث شهور اخذ فيها الحبوب اذا حصل حمل طبعا وانا بدأت البرنامج الطويل بس لسه ما اخذت الإبر المنشطة
يابنات لا تنسوني من دعواتكم الحلوة

**** يسر لك يا شوجي
ألتخصصي يسوي التحليل الا جسام المضادة وأغلب التحاليل
**** يرزقنا ويرزقك يا أختي وتسلمين :27:

بنات الحمدلله اليوم اتحددلي موعد المنظار ان شاءالله يوم الثلاثا الجاي تكفون ادعولي والله اليوم مكتاءبه والوالده زعلانه علي تبيني اروح للمرخه وانا رفضت للعلم امي ماتدري بشي بخصوص المنظارمو حابه اضايقها وانقلها همي والله اني بهم مايعلم به الا الله

ليش يا تومة منظار؟
وش فيك يعني يستدعي حالتك لمنظار-- ومين ئلي بسويلك المنظار00 في نفس التخصصي بتسوينها
كان حاولتي بالممرخة أول **** يكتب لك التيسير والشفاء ياأختي

هلا والله بتوته انا قالي الدكتور بعد ماشاف اشعة الصبغه ان فيه كور صغيره ويبغا يتاكد اذا كانت لحميه او من الصبغه المحقونه ماهي باينه ورحت اليوم للمرخه وقالتلي ان ارحامي ولله الحمد سليمه والتبويض سليم بس قالت فيك كوره بجنب رحمك وهاذي تطلع اذا كانت عندك نفس وهي معك من ايام العرس وهي مانعه الحمل وتحتاجين رقيه اما الدكتور الي بيعملي المنظار د/رافت الرجال