-أنامل ناعمه- :

لمحه ابداع تم اضافتك للجروب خلاص

لمحه ابداع تم اضافتك للجروب خلاص

لمحة إبداع :

شكلك شايله في قلبك والرجال كلهم هيك بس بدهم مسايره وأكره شي عليهم العناد إياكي والعناد والردود إللي ما إلها داعي يعني قبل ما تردي عليه الكلمه فكري فيها ألف مره علشان ما تندمي في الأخر وبالأخير بتلاقيهم لحالهم صاروا زي الأطفال بس ما بقدروا يعترفوا بذنبهم كرامه و كبرياء شو نعمل الله ييسر أمورك كلها يا رب ويعينك هلى بيت أهل زوجك صراحه ما جربت وما شفت حماتي لهلا غير عن طريق المسنجر تطور لأنها في فلسطين وأنا بالسعوديه وسبحان الله بتمنى أعيش لو يوم واحد في بيت أهل زوجي يعني حاسه وضعي مش طبيعي يعني ما عشت دور الكنه لهلا بس والله من قلبي نفسي تحاولي مع أهل زوجك بطريقه مش مباشره وإدعي وإستغفري وإن شاء الله بتغيروا لأنها هادي مش عيشه بالذات إنوا أهلك بعيد عنك وأنا أهلي بعيد عني وبعرف كيف لما الوحده تكون مضايقه ولا متخانقه مع زوجها وما تلاقي أهلها جنبها فما بالك بكل العليه وزي ما بقولوا ( ولو أن تلقى أخاك بوجه طلق ) يعني حاولي دايماً تبيني مرتاحه ومسترخيه ومش مزعوجه أبداً قدامهم وصدقيني هادا الإشي حيخليهم يغيروا طريقة تفكيرهم وتعاملهم معك وبالأخر حتكوني إنتي بنظرهم وحده صبوره وبنت ناس وبتفهمي لأنوا في ناس بفتكروا إنهم لما يحترموكي ينذلوا إلك أو علشان ما تطلعي فيها الله أعلم بأفكارهم ما بحط بذمتي بس والله تصرفاتهم بتجلط بالذات حكاية البنت إللي بلزقوها فيكي يعني الوحده لما تكون حامل ما بتتحمل أولادها مش أولاد الناس وبخلوا الجلي عليكي هادا وإنتي بأخر الحمل يعني هادي شغله الله ما برضاها مع إنوا يمكن مبين الموضوع لبعض الناس لما يقرأوه عادي وتافه يعني شو شوية جلي بجليها وبخلص بس مش معقول وين الرحمه ويمكن إنتي عمرك صغير فبدهم يحكموكي علشان ما تتقوي عليهم بس زي ما حكيتلك في الأول خليكي سموحه وسامحي قد ما تقدري وفي أيه على بالي إلها يومين بدي أذكرك فيها (وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيم) لما إنتي تبدأي تغيري من أسلوبك هما لحالهم حيتغيروا وحيستحوا على دمهم والله من عنده بغيرهم بس وكلي أمرك لله ونصيحه في الوقت الحاضر ما تروحي في نفاسك عندهم لأنك حتتعبي إكتير وحتقضي مدة النفاس في نكد وحتصيري ترضعي البيبي حليب زعل زي ما بسموه وبقولوا مش كويس الوحده ترضع وهي زعلانه سبحان الله فخليكي في بيتك والله إللي بعطي الواحد القوه والله يقويكي أنا بحملي إللي قبل هادا ولدت بعيد عن أهلي وولدت الساعه 12 في الليل والساعه 9 الصبح كنت في بيتي حممت المولود ودخلت المطبخ وتاني يوم طبخت عادي مع إنوا بنت زوجي الكبيره كانت أول ثانوي وقتها بس أنا ما بحب أخلي لحدا جمايل علي بخدم حالي بحالي وعلى ذمة زوجي إنوا طليقته كانت لما تشتهي طبخه وهي حامل حتى لو بأخر الليل كان يقوم ويطبخلها بس أنا ما بتجرأ أطلب منه ولو كاسة مي مش يطبخلي كان مدلعها على الأخر بس لما طلقها تعلم الدرس وقال المره ما تنعطى وجه شفتي على حظي وزمان كانوا جداتنا يولدوا بكروم القمح وبحكوا الوحده كانت تولد وتلف المولود وترجع تكمل شغلها في الكرم سبحان الله وهادا كلام حقيقي مش مبالغ فيه لأن الله وحده بس إللي بعطي القوه للإنسان أنا لما كنت عند أهلي في أول ولاده كانت في وحده تقول مش معقول هادي ولدت جديد بس هلا صرت أفهم إنوا ممكن أنحسد على هيك شغله فالمره هادي حكون حريصه إن شاء الله أنا طولت إكتير بس هادا كلام طالع من قلبي وأتمنى تستفيدي منه ولو جزء بسيط وتتغير أمورك 180 درجه وأنا كمان إن شاء الله ببعت لوحده فيهم لأني نفسي أدخل معكم الجروب صراحه درس حلوا وأول مره أسمع فيه الزوجه هادي عبقريه الله ألهمها كيف تتصرف

شكلك شايله في قلبك والرجال كلهم هيك بس بدهم مسايره وأكره شي عليهم العناد إياكي والعناد والردود...