روح :)
الله ييسرلك وهني وعافية مقدما ..

بنوتات : بالنسبة لملابس الحمل فانا مرا ما احبها .. احسها بايخة علي .. مالي غير الفساتين الي موديلها واسع من تحت وتنفع بعد الولادة كمان .. كل لبسي الان منها .. كمان البلايز الي نفس الطريقة .، يجي موديلها امبير .. ‏​بِــ̯͡سّ مو حقت حمل ..
عندي افرول للحمل اخذته من مذركير من ايام بنتي جينز مرا روعة .. وبناطيل ستي ماكس كمان ‏​​حلـِۈۋ‏و?ّ .. والتنانير حاليا اشتريت مقاس١٦- ١٨ :) وموديلها يجيك مطاط من فوق لكن مو للحمل .. عادية .. لكن لسا ما جربتها علي :( .. باخذ كمان من ماما مقاسات كبيرة ..

ام حبيبه
جافيسكون
انتي شريتيه من الصيدليه او وصفته لك الدكتوره

تكلمتوا عن الفرق بين العيال ..
زين يكون كل أثنين ورى بعض بس من تحمل ..
أنا بين الأول والثاني 4 سنوات طبعا تخللها إجهاضات
وبين الثاني والثالث سنتين ..
والله كان إرهاق وتعب بس حلو إذا كبروا وشالوا أنفسهم شوي
وبين الثالث والرابع 7 سنين .. من الله وإلا أنا تركت المانع قبلها بسنين
والحمد لله حملت بعد الرقية ..
وهالحين إذا جبت الخامس يصير بينه وبين الرابع 3 سنوات و10 شهور
وعلى فكرة أنا تركت المانع من قبل حملي هذا بسنتين بس ربي ماكتب لي حمل
ودي لو أحمل وأجيب السادس بس خلاص ماعاد فيني حيل مثل النافورة
أبي أدخل الأربعين وأنا مرتاحة ماعندي بزر أغير حفاضه أو أرضعه .

والمانع اللي دايم أستعمله مارفيلون ومرتاحة معه ونحفني مع انه مكتوب
انها تسمن بس الظاهر الأجسام تختلف .. عني قللت شهيتي ..
ياسمين مو زينة أبد اللي أعرفهم إستعملوه قالوا انها جابت لهم البرود
غير الإكتئاب .

نانا الفنانه
الحمد لله على السلامة والله يتممعليك الصحة والعافية .

جالكسي
إذا أنت في الرياض
تلقين هالتنانير في طيبة والعويس كثر التراب ..
غالبا في الأسواق الشعبية .. مقاسات خذي الكبير يناسبك وقت الحمل .
وزارا أنت قشي وخلي وجك يوقف ويحاسب .

روح قلبي ..

الولادة بحد ذاتها في الحلم فرج وزوال هم ..
والولادة بالبنت رزق وخير ..
لكن يتغير التفسير على حسب حالك ..
كونك حامل إحتمال دلالة على نوع الجنس
سمعت انه الحلم يتحقق كما هو يعني تجيبين بنت ..
وأيضا سمعت انه يجيك عكس اللي جاك في الحلم !!
أيهم اصح .؟؟ الله أعلم !
بس أميل لوقوعه مثل ماهو بالحلم هذا إذا كانت اختك مو مفكرة فيك قبل النوم
وعلى كل حال هو خير ورزق من الله سواء جالك بنت او ولد .


نسايم عليلة
الله يأجرك في مصيبتك ويخلف عليك بخير منها
سبحانه أرحم بنا من أنفسنا وهو أعلم عن الخيرة في أمرنا
كله بأجره وجعله تكفير .. وجعله شفيع لك في الآخرة .
لكن نصيحتي لك المرة الجاية لأني مريت بنفس تجربتك بالضبط وقف على 15 اسبوع
والسبب كانت عين .. ومن بعده سنتين نزيف لدرجة تحسست من الفوط
وعشان يوقف النزيف مالي غير حبوب منع الحمل ..
لكن ربي دلني على الرقية .. ورأيت وقتها رؤيا في وحدة أخذت من اثرها
والله الذي لا إله إلا هو إني غسلت بأثرتها في غسلي لطهري من الدورة
إني حملت بعدها علطول ببنتي !!
إذا صار حمل لا تخبرين احد وعليك بشرب ماء الرقية ودهن رحمك وجنوبك وظهرك
بزيت الرقية إلى آخر شهور الحمل وداومي على الأذكار هذي نصيحة الراقي لي
وإذا فيه ناس معينين تشوفينهم بأحلامك أو حاسة انهم حاسدينك خذي من أثرهم
والله يكفيك الشر .


لاهية بعيالها
أما التبديل في وضعية النومة مايحتاج .. كني حبة في مقلى
ما أقر على حال .. زوجي يقول أزعجتيني بالتقلب ماترقدين أنت !


شاء الهوى
طبيعي .. هالشيء جربته بأول حملي .. وجربته بالشهور الأخيرة
لكن هالحمل صار كله بهالشكل أشحن بسرعة لو قمت من مكاني لمكان ثاني
تلقيني ألهث !!
وصديقتي في كل حملاتها كذا من الشهور الاولى للأخيرة ..
يعني طبيعي .

بنات بالنسبة للواتس أب ما احسه زين ..
يخلينا ننقسم مجوعات لأن المجموعة الوحدة ما تتحمل أكثر من عدد معين ..

غير كذا والأهم ما تلحقين تقرأين اللي فاتك !! وحنا هذرتنا واجدة .. غير كذا تعليق الجوال إذا كثرت البربرة ..

هنا نأخذ راحتنا ونسولف مع الجميع ونفيدهم إذا قدرنا و ما ننقطع عن أحد ونقدر براحتنا نرجع للسوالف اللي فاتتنا
ونشوف الأسئلة اللي ما شفناها .