النافوره :

عشوقه طيب لما اشتريتها يعني من ريحتها انت وش تحسين مكوناتها اما عاد لو اسئلها بتعلمني ليش هذا سر المهنة ماراح تقول اكيد

عشوقه طيب لما اشتريتها يعني من ريحتها انت وش تحسين مكوناتها اما عاد لو اسئلها بتعلمني ليش ...

نوووررر123 :

السلام عليكم يافتوكات ،النهاردة جاية احكيلكم قصة ولادتى المفاجاءة بمولودى الثالث فى بريطانيا مع زوجى البريطانى ،احم احم yes زوجى بريطانى مسلم من عشرين سنة هبقى استاذنه واكتبلكوا قصة اسلامه ان شاء الله ،بصو بقى قبل الولادة بثلاث ايام جالى إسهال وده طبعا كان عجب العجاب لأنى طول حملى بشتكى من الإمساك والحقيقة مخدتش فى بالى لأنى كنت فى نص الثامن تقريبا،فى حملى ده كنت عمالة أدور وادعبس على حاجة تخفف وجع الطلق عند الولادة لأنى فى ولادتى اللى قبليها قعدت اطلق 8 ساعات وكانت مع حقنة الضهر والماسك كمان، كنت حاسة وقتها أنى هولد صاروووخ مش بيبى،نرجع لولادتى المرة دى فطبعا كانت نتيجة البحث والتمحص والتفحص عرفت كام حاجة كدة عند الأجانب بيستخدموها لتسهيل الولادة،وبدأت اشرب مغلى أوراق التوت raspberry leaf tea ،من اول الثامن مش كل يوم يعنى،اما افتكر ..قبل الولادة جالى مغص بسييييط جداً كان بيروح ويجى مخدتش فى بالى قلت أكيد بردت،يووووم الولادة الصبح زوجى سألني قبل ما يروح الشغل فى جديد ؟طبعا قولت شوية مغص عااااااادى متقلقش لسة بدرى انا فييييين والولادة فين،قالى اوكى لو فى حاجة اتصلى على طول،فطرت وقعدت مع الاولاد قدام اللاب توب نتسلى ولاحظت ان المغص لسة موجود لكن خفييييف جداً ،قمت احضر للغدا واتغدينا انا وحبايبى وهناااااا زاد المغص شوية استغربت واستبعدت انها ولادة خالصقمت عملت المشروب بتاعى وعدى اليوم وعلى صلاة العشاء عشيت الاولاد والمغص يشد اتصلت بزوجى قولت له شكل الموضوع جد واستأذنته انه يجى الصبح عشان كان مطبق ورديتين وشغله بعيييد،بعدين قمت على الشقة وهاتك يا تنظيف وتلميع وقعدت على الساعة 11 المغص زاد قولت لجوزى تعال دلوقتى ،جه زوجى على الساعة 1 بالليل وكان مخضوض قالى يالا قلت لا الصبح ان شاء الله افتكرت طلقى وماسخته وطوله،كان زوجى تعبان من السفر قولت له نام يا بابا شوية وانا فردت نفسى وما هى الا لحظات قليلات وحسيت بطرقعات عند الحوضات قصدى الحوض قمت مفزوعة وجوزى المسكين هب ولاقيت نفسى بنقط ماية زى الحنفية اتفزعت قولت لجوزى ايه ده شكلى هولد اتصل على مامتك علشان تيجى للأولاد قالى ماشى ،اتصل قالها تعالى كمان ساعة كانت نايمة طبعا قولت له ساعة اييييه بصراحة انا اتخضيت اول مرة تنزل عليا ماية قبل ما يسخن الطلق،بعدها بثوانى وانا لسة واقفة فى مكانى حسيت أنى عايزة الحمام جى معايا قلت له اخرج كنت محرجة قالى لا بعد الحمام مباشرة حسيييت بالصاروووخ جاى عرفت صرخت مقدرتش اقوم زوجى جرى يتصل بالاسعاف قالهم زوجتى هتولد انا بقى حسيت ان حاجة نازلة جري صرخت قولت له بسرعة انا بولد الولد ناااازل جوزى يقولى مش معقول ياحبيبتى ،انا كنت كده صرخت الولد ناااااازل وحسيت ان البيبى عامل هجووووووم حسييت بالراس ،المسعفة سمعت صراخى قالت لزوجى خليك معاها ،خرج جزء من الرااااس جوزى شافه صرخ فى التليفون انا شايف راس البيبى بسرعة بليييز ،قالت له روح هات فوط نظيفة بسرعة وقف جمبها وانا هقولك تعمل ايه بالضبط ،جرى حبيبى يجيب الفوط وانا صراخى سمع برمنجهام كلها وزوجى ملبوخ اخر لبخة كل اللى عليه يصرخ ويقول فيييين الفوط فييين الفوط وعمال يدور وانا طبعا فى عالم تانى حسيت بالبيبى وكنت بحاول اشفطه لجوة كنت خايفة هو عمال يزق صرخت صرخة ولاقيت حاجة نطت على الارض فى اللحظة دى جوزى جاى ومعاه شوية تيشرتات (ملقاش الفوط)،ولقى البيبى على الارض وانا مفتحة عينى بالعافية مسكت الولد ونشفته بالتيشرت والإسعاف وصلت نزل جوزى يفتح لهم لقاهم رجالة رجعهم وقالهم ابعتوا نساء زى ما طلبت فضلوا واقفين لحد ما المسعفات وصلوا بعدها بخمس دقايق ووصلت سيارة شرطة ،مش عارفة ليه ؟فى الوقت ده نزلت المشيمه من غير دفع والله ،،سبحان الله،دخلوا المسعفات الفاتنات ولقونى قاعدة شكلى صعب وماسكة بيبى لابس تيشرت رجالى ،اتفزعوا من منظر الدم رفعوا المشيمة من على الارض وقالوا لزوجى تحب تقطع الحبل قالهم اوكيه قطعوه وكان مخضوووض وايديه بتترعش من اللى حصل ،جت حماتى شافت الإسعاف على الباب والشرطة طلعت لنا تجرى دخلت وشافت المنظر وكانت مش مصدقة أخدت البيبى المسكين ونشفته كويس ولبسته لبسه الجديد والإسعاف طبعا اتصلوا بالمستشفى علشان يجهزوا لاستقبالى،نزلت وكان معايا زوجى والبيبى طبعا وسيبت مامة زوجى مع الاولاد ادعوا لها يابنات ان ربنا يهديها للإسلام هيا اللى نضفت المكان وطبعا انتم عارفين إد ايه صعب تنضيف مكان الولادة ،المهم وصلت المستشفى والممرضات كانوا واقفين مستنيين السوبر وامن اللى هو انا وقعدوا يهنونى ويقولوا well done well done،وانا كنت عايشة فى الدور ،ودخلت اوضتى الجميلة واخدوا البيبى يفحصوه كويس خصوصا لما عرفوا انه وقع على الارض لكن الحمد لله جت سليمة وووو. وبس يارب مكنش طولت عليكوا ياحبايبى يابنات انا ولدت بعد عشر دقايق بالضبط من نزول المية وصدق او لا تصدق ،شكرا لدخولكم لموضوعى وبالله عليكوا ادعوا لاولادى ان ربنا يحفظهم ليا ولباباهم وادعو لحماتى ان ربنا يهديها للإسلام فى القريب العاجل جداً لأننا مستنيين اليوم ده بفارغ الصبر،...وربنا ييسر لكم ولادتكم ويرزقكم بأجمل وأصح واصلح بيبيهات فى الدنيا يابنات علشان اللى بيسالوا ازاى الولد وقع،انا ولدت فى مكانى ملحقتش اقوم من على الحمام والولد الله يهديه نزل برأسه على الارض ملحقتش امسكه كنت ميتة من الخوف يكون حصله حاجة من الخبطة لكن ربنا كريم ......

السلام عليكم يافتوكات ،النهاردة جاية احكيلكم قصة ولادتى المفاجاءة بمولودى الثالث فى بريطانيا مع...