التجمع الجديد لستات البيوت الشاطرين جداااااااا

ارد على ما Mama zozo

فى سؤلها وليكم لكلم

عندى ليكم مكرونة تحفة وجديدة

ا
مكرونة بينى او اى شكل مسلوقة بس لا تشطف بعد السلق
ونجيب طاسة نحمر فيها بصلة كبيرة وشوية ثوم
وصدور فراخ مقطعة مكعبات نقول للكيس 3 صدور بيكون كافى جداا
وبعدين نسيبها بس شوية تتحمر ونضيف عيها سبانخ لو فية طازج اوك لو مفيش عادى المجمدة انا باضيف حاليا اللى مجمدها ونقبل شوية ونسيبها تستوى
ونضيف عليها جبنة شيدر مقطعة صغير اوى علشان تذوب
وكوب لبن او كريمة بس باللبن اخف ونهدى النار ونغطيها لمدة ربع ساعة مش اكثر
نضيف عليها المكرونة تكون سخنة برضو وتركها ربع ساعة كمان وبس ومتنشسوش البهارات بتاع الفراخ ورشة قرفة للسبانخ بتخليها روعة بالهنا

دى بقا بتاعة الزنقات عندى

وعلى فكرة عمرى ما كنت بحب السبانخ طول حياتى اكلتها بالطريقة دى وبالشاميل

مشكوره يامدام وائل
على الاهتمام
انا هنفذها بجد النهارده
بس فيه مشكله
مش بحب السبانخ الا بالطمام
مش بأكل الكريمه ولا اللبن
مش باكل الباشميل نهائى

بس هنفذها بباق المكونات

وهجرب الطعم
مشكوووووووره ياحبوبه

انا بافتح الموضوع القديم لقتكم فتحتوا واحد جديد قولت ابدا معاكوا فيه على طول
الف مبروك الملف الجديد
انا مبارح نويت اعمل فول فنقعته حوالى الساعة 9 وشغلى بيخلص الساعة 4.30 فعادى لو بدأت اسويه على خمسة ولا ممكن يبوظ معايا

يا ويلكم يا ويلكم
صباح الخير ع الحلوين كلهم و ان شاء الله يكون تجمع في الخير ان شاء الله
ايوة كده حمد الله على السلامة يا قمرات
ماما زوزو الله يكرمك فعلا شوية البنات الحلوين دول عايزين ماما ...................وجودك اكتر من رائع في الموضوع .............و بجد ربنا ما يحرمنا منك يا ماما

بصوا بقى يا بنات بجد الاكلات دي كلها و اقتراحاتكم لماما زوزو تحفه و سهله و سريعه بس مش عارفه ياايمان سبانخ على بشامل على مكرونه الوصفة دي مش صعبه شويه مش عارفه حاساها صعب اوي اصل انا اساسا مش باحب السبانخ نهائي الا بالحمص و الصلصلة اللي هي الطريقة التقليدية فاني اجرب الطبق ده مستحييييييييييييييييييييييييييييل عموما بالهنا و الشفا


كل البنات مستنينكم اوعوا تغيبوا علينا مش عايزة اقول حد و حد لا كلكم

انا اخر اخباري عملت حملة نظافة و تطهير للشقة امبارح مع اني كان عندي يوم عمل حافل و اجتماع طويل في الشغل و راجعه حوالي اربعه و نص بس رجعت سلقت اللحمة و عملت لوبيا و رز و عجنت زلابيه بس للاسف ما كانش فيه صحه اقف اقليها فسيبتها في الثلاجة للنهارده باذن الله و عملت حملة نظافة شامله على كل اركان البيت تغيير فرش السراير و كنس و تلميع و كله و الحمام بالكلور و البريل خليته فله و كذلك المطبخ ....مش عايزة اقوللكم طلعت روحي و محمد امبارح ما جاش ع الغدا فاكلت رز و شوربه ع السريع لحد ما رجع ع الساعة تسعة
بس كانت واحده صاحبتي الله يسترها اجدع واحده في الدنيا عارفه واحد في سوق الجملة بيجيب لها فاكهه و قلت لها انا عايزة خوخ بلدي و مشمش بصراحة ماشاء الله اللي اكلته بس الخوخ و طلع روع بس المشمش بقى اللي عايز معركه حربية علشان اغسل و افرز مشواااااااااااااااااااااار ادعوا لي ربنا يقدرني لاني ابتديت الحقن للعمليه بتاعتي يوم السبت و مخلصة عليا باخدها و يجيلي حالة من اللاوعي كده لحد الصبح فان شاء الله اعمله النهارده

بس خلاص خلصت كل الحكايات بتاعتي ميت ح يحكي لي عمل ايه

و ميرسي ع البنبوني ماما زوزو

الله يبارك فيكي يا قمر

عادي جدا الفول المفروض يتنقع علشان يبقى صحي بس عادي لما تسويه بعد نقع الكام ساعة دول انا ساعات بانقعه من بالليل و اسيبه لحد لما ارجع من الشغل برضه ما بيجرالوش حاجة و بالهنا و الشفا