والله يا حبيبه شجعتينى اجربه ان شاء الله .

ميرسي يا حبايب قلبي على دعواتكم .. والنبي تدعولى كمان .. نفسي اجرب الشغل يا بنات .. خلاص بعد 6 سنين جواز خللت من قعدة البيت والله .. احمد السنه دى ان شاء الله كى جى وان .. وهشام بيشجعنى عالشغل عشان وقت الفراغ الطويل اللى هايكون عندى واحمد فى الحضانه .. شوفتو جوز احلى من كده .. عاوزنى اشتغل عشان ماحسش انى اقل من اي حد ومابقاش مجرد ست بيت وبيقول ان من حقى اشتغل ويكونلى عالمى وحياتى العمليه الخاصه ورغم ان طول عمرنا طموحاتنا مشتركه لكن حبيبي مش عايزنى احس ان الجواز والبيت حبسونى وعطلونى عن بقية جيلى رغم والله انى باحس ان كل لحظه فى البيت بتعدى على معاه هو واحمد وهما سعدا كانها بعمري كله بس برضه اكيد يا بنات الشغل حاجه تانيه مش كده .. دعوااااااااااااااااااااااااااااتكم .

السلام عليكم ورحمة الله وبركاته

إزيكم يا حلوين كاكم وحشتونى اوى

ماشاء الله مبارك الملف الجديد ...........

شيماء ربنا معاكِ يا حبيبتى ويرزقك بالذريه الصالحه ويفرحك ويسعدك فى الدارين يا رب .........قولو آمين

..................................................................

بالنسبه للشطورات الى اقترحو بخاخ ماء + دوانى

أو ........................... ماء +كمفورت

نهوه الاحسن والى ريحته أحلى وقويه

عايزين رايكم بقه الى جربو الاتنين يقولو

................................................شوشو .......... الازانيا بتبقى طريه يا حبيبتى لانك بتسيبيها تبرد

لو حطتيها فى الشربات وهى سخنه خالص يعنى من الزيت على الشربات ويكون الشربات بارد هتبقى مقرمشه جدااااااااااا

لكن اعملى على قد اكلكم ولو لسه عجينه عنيها فى الثلاجه ..........لانها لما بتفضل شويه بتبقى طريه برده

وعشان الشربات يبقى جميل ويخلى الحلويات مقرمشه """" ضيفى له ملعقة سمنه قبل ما تطفى النار عليه على طول """""""" بيبقى روعه ريحته والحلويات مقرمشه جداااا

سلام يا قمرات

بالنسبه لليوميات .. التراب فى الصيف كاااااااااااااااااارثه جويه .. البلكونات عايزه تتمسح مرتين فى اليوم والتلميع ااااااااااه ..طول النهار الفوطه فى ايد والرياشه فى ايد .. وكانك بتنفخى فى قربه مقطوعه ولا حل .. ده غير ان الحر و الرطوبه مكسلين الواحد جدا .. بس على فكرة المسح فى الصيف متعه والسيراميك ثوانى وينشف .. وشوية ديتول فى مية المسيح وماتشوفيش ولا نمله ولا هاموشه .. احلى اكل فى الجو ده بقى الخفيف .. يعنى بيتزا ونواشف ومكرونات وسوتيه والحلو الساقع بانواعه طبعا ايس كريم وجيلي وكريم كارامل وترايفل حاجات كده سهله وسريعه .. انا برضه لسه باشجعكم نطبق فكرة ماما زوزو ونستعرض مع بعض _ حلوة نستعرض دى _ اكلات خفيفه وجديده واقتصاديه ويلا مستنيه الردود يا احلى بنات فى العالم .

نانا___اول واحده هرد عليها اصلك جيتي عالجرح بالنسبه للشغل.....اولا ربنا يكرمك و يوفقك و ان شاء الله تكون وظيفه كويسه و اهم حاجه ترتاحي فيها
بصي انا كنت بشتغل قبل الجواز بس بقى لي 4 سنين في البيت و بجد زهقت و اتخنقت و نفسي يكون عندي حياه مختلفه غير المطبخ و الحمام ..........زو على اد ما كان الشغل متعب بس كنت حاسه اني بعمل حاجه......كان في احداث في حياتي
انما دلوقتي للاسف لا شئئئئئئئئئئئئئ
المشكله كمان مليش قرايب هنا في اسكندريه ولا اخوات ولا اي حد يعني لما بخرج تلاقيني كده لواحدي انا و جوزي و ابني و ده بجد منغص عليا حياتي -----الوحده مرههههههههه جداااااااااا
بقى لي فتره بفكر في الشغل و رغم ان جوزي كان رافض الا انه دلوقتي حاسس باللي انا فيه و نفسه يشغلني بس بشروطه
تخيلي كل مالاقي حاجه يقوللي اروح اقابل المدير و اشوف الناس اللي حواليكي و اطمن الاول و طبعا انا برفض تماماااااااا لانها حاجه تكسف جايه و جايبه جوزي
اتكلي على الله و اخوضي التجربه لانها اكيد هتنفعك نفسيااااااا اكتر من مادياااااا و ربنا يكرمك ان شاء الله و ادعيلي




سما سهاب____عامله زيي انا و جوزي بنطلع غلنا كله في الولد بس بيصعب عليا اوي و قررت اوديه نيرسري عشان يطلع طاقته و في نفس الوقت انا اعصابي تهدا شويه
بصي المشكله ان محدش بيشيل عنا شويه يعني ليا اصحابي امهاتهم تاخد ولادهم يومين في الاسبوع مثلا او حتى ساعتين كل كام يوم انما صعب اوي انك 24 ساعه قاعده مركزه على تصرفاته فاكيد هطلعيله مليون غلطه
بجد حاولي تشوفيله نيرسري



حبيبه اوسو____طبعا البخاخ ده روعه بس انا بضيف له حاجه بتخليه يثبت جداا و ريحته تقلب الدنيا---------بحط له نقطتين مسك سائل و مقولكووووووووووووش على الريحه فظييييييييييييييييعه

و بعمل بخاخ كمان للمطبخ عشان ارش طول اليوم بدون تكلفه --------بجيب رشاش احط فيه ماء لاخره و احط فيه فانيليا و ارجهم كويس لحد ما تدوب و بسسسسسسسسس
ارش في الحوض و على الرخامات و اي حاجه تقع على الارض ارش بيها و امسح و في احواض الحمامات باليل و مقولكوش يا بنات عالريحه كانكوا في مصنع ايس كريم


نيرفانا____ميرسي يا سكره على الدعوه الحلوه اللهم امين و ربنا يهديلك احمد و محمد



يا بنات انا قلقانه على ايجيبتي بقى لها مده كبيره مختفيه يارب يكون خير