والله يا عرروس النيل نفس مشكله اخوتى نحيفه جدا
وضعيفه ومش عارفين نعمل معاها ايه
ياريت فعلا لو حد عندة اقتراحات يكتبها

عطر

مساء الفل يا جميل

عروس النيل وفطووووووم

كيفكم
بالنسبة للنحافة فى مواضيع حلوة مثبتة فى قسم التغذية اقراوها ان شاء الله تفيدكم
بس مطولوش هناك
ولو انى شايفة النحافة فى الزمن دة حلوة من كل النواحى
ولو بنت هتتطخن بعد الجواز اكييييييييييييييد

انا برضو ابنى نحيف ومش عرفه اعمل ايه :(










رضو عليا :22:








بتحبو تغيرو نظام البيت ولا كل حاجه ليها مكانها

امال انا بكلم نفسى يا حبيبه


اشد فى شعرى

اذيكم يا بنات

وحشتونى جداااا


اخيرا بودى ناااااااااااااااااااااااااااااااااام ربنا يهدية يارب

جرى على الكمبيوتر علشان ارغى معاكم
الواحد بيحس كد انه لية اصحاب بجد عايز يتكلم معاهم

وان كنت مشغولة اليومين دول بالتفكير الجدى ان يكون لنا مثلا ذى جوب على الياهو او الفيس بوك اى حاجة
لانى عاملة اقول دا لو المنتدى ده اتقفل يوم واحد يتحدث مثلا هنتجنن

فشوفوا الفكرة ولو عجبتكم ننفذ بأذن الله

اما يومياتى

هاكتبها الاول وبعدين ارد عليكم اوك

اخيرااااااااااا


خرجت من جنينة الطماطم اللى كنت واقعه فيها

كنت اشتريت 20 كيلو طماطم على 4 مرات كل مرة 5 علشان مضطرش اعملها مره واحدة
عملت 15 كيلو صلصة بطريقة شيماء
وال 5 التانيين عملت نصهم تسبيكة هتكفى شهرين بأذن الله
وعملت كاتشب وطلع روعة الحمد لله بطريقة ماما ربنا يخليهالى يارب

ودا خلص الحمد لله امبارح بالليل
وخللت باذنجان بموت فية جداااااااااااااااااا
ونمت طبعا والمطبخ كان يضرب يقلب بس مكنتش قادرة

قلت بما انى مطرودة بكرة ابقى استلى فية واشغل المحوسة الغسالة اشوف اخبارها اية لقيت اخبارها متسرش والحاجات فيها لما وائل يرجع من المستشفى بقى يبقى يتصرف فى الغسالة دى والله كرهتها ربنا يسهل فيها بقى المشكلة انى مستغناش عنها
وهو عمال يتريق عليا ويقولى يابنتى بس لوحين ثلج واقلبيها ديب فريزر ولا اقولك اعملك لها نظام تبريد احسن من الثلج بس مين بأذن الله هايصلحها

وغسلت البوتجاز وطبعا مخدش وقت علشان كنت مغطياه كالعادة بالفويل من الشهر اللى فات وغسلت الشفاط هو كمان ونضفت الثلاجة من برا

وكان مفروض انضف باقى الحمام والصالة علشان دا ميعا التنظيف الشهرى بتاعى بس كسل رهييييييييييييييييب وقلت اكتب لكم احسن وربنا يسهل بكرة

بس خلال الاسبوع كان لاجديد اوى يعنى الواحد هلكان من الحر جداااااااا وعملت كنافة يوم الثلاثاء وطلعت هايلة وائل بيموت فى الكنافة وفى الحلويات عموما هو حاليا بيحلم بتشيز كيك وانا ناوية برضو بس الحر يبقى شوية حلو مرة بالليل كدا اعملها

ارد بقى عليكم واحدة واحدة علشان محدش يقول بكلم نفسى

نبدأ بمين ولا بمين محتارة

يالا نبدأ بمادو


انتى وحشانى جدااا واحلى حاجة انا حساها اوى ان الشطان هيفرقع مننا حاول يوقع بيينا بس على مين بيقتوا كلكم احب الناس ليا واكثر من الأول الحمد لله

المهم بقى تسألى ذى ما انتى عايزة بجد على اى اكلة وطريقتها مش لازم تضيعى وقتك فى التدوير والبحث انتى تأمرى بس

دى طريقة الباتون سالية لاسامة السيد
كنت عملاها فى عيد ميلاد بودى والكل افتكره جاهز واهوسوا لما عرفوا انى انا اللى عملاة

المقادير:-
2/1 1 ملعقة كبيرة خميرة كيماوية
2/1 1ملعقة كبيرة سكر
4/3 كوب ماء دافئ
3 كوب دقيق
2 ملعقة صغيرة ملح
1 كوب زبده طرية
1 بيض مخفوق للدَهن
سمسم أو حبة البركة أو كمون صحيح للتزيين

الطريقة:-
- تُذاب الخميرة في الماء الدافئ و يُضاف السكر مع التقليب وتترك جانباً لمدة 10 دقائق حتى تتفاعل.
- يُخلط الدقيق مع الملح و يُوضع في العجانة مع إضافة الزبدة و العجن الجيد حتى تتجانس كل المكونات.
- يُضاف خليط الخميرة بالتدريج ويُعجن للحصول على عجين لين متماسك.
- يُغطى العجين ويترك جانباً لمدة 10 دقائق ليرتاح العجين.
- يُشكل العجين على هيئة أصابع رفيعة نفس طول الصاج الذي ستُرص عليه و تُدهن الأصابع بالبيض المخفوق.
- يُوضع كمية مناسبة من السمسم أو حبة البركة أو الكمون الصحيح في طبق ، و تُدحرج فيها أصابع الباتون ساليه و تُرص على الصاج و تُترك لمدة 10 دقائق أخرى لترتاح.
- يخبز في فرن درجة حرارته 160 درجة مئوية لمدة 10- 15 دقيقة حتى يصبح لونه ذهبياً.



سما

اذيك وحشتنينى فينك يا بنتى مش بتظهرى

جاية مصر امتى ولا لسة محددتوش شكلك كدا جاية على رمضان

عموما مستنياكى بأذن الله والسمك فى الفرن بس انتى تشرفى

اما بودى فلا جديد ادعوله ربنا يهدية والله النهاردة فضلت اعيط منة ساعتين واقوله قول يارب اهدينى يقول يارب هههههههه مجنونة صح؟؟

بس والله العظيم هو خطر على نفسة بشكل رهيب مسيطر على كل تفكيرى الثانية فعلا بتفرق معاه ربنا يحمية يارب ويبارك فية

مشكلتة حتى ذى باباه مبيقول ان شقاوتة سابقة اوى سنة ودى الخطورة ان المفروض تتناسق مع الاحساس بالشىء والوعى بس على مين الله المستعان

انتى اخباركم اية ؟ واخبار يويماتكم اية؟؟
آه يا سما من ترتيب الغسيل آآآآآآآآآآآآآآآآآآآه

تعرفى اللى عاملة فيها شاطرة وكاتبة الموضوع دى عندها غسيل فى الطبق بقالوا 5 ايايم عايز يترتيب بس باكره حاجتين ترتيب الغسيل وغسيل الاطباق وان كان ترتيب الغسيل اهون بس برضو وحش اوىىىىىىىىىىىى

ايبجبتى

مفختفية؟ فينك كل ده وحم

انا حاسة كدا والله اعلم اننا تبع الوحم هههههههههههه يعنى مثلا بنعمل غممان نفس وحاجات من الحاجات الحلوة دى

هههههههههههههههههههههههه

فطوم

كمان مختفية فينك يا بنوتة برضو الوحم ؟؟؟

طمنونى

هتخلونى هاقول توبة ابدا معملهاش

بتتكلكك الأخت قال يعنى كانت ناوية اوى وهما اللى عمقدوها ههههههههه
تماحيك

عروس النيل

كان المفروض اسيبك للآخر علشان محتاجة صفحات وصفحات ارد عليكى فيها

ماشاء الله عليكى

بتثرى لموضوع بافكارك الرائعة وتجاربك و ماشاء الله عليكى وعلى ثقافتك ربنا يزيدك يارب

وبجد ياريت تقوليلنا وتكملينا بقى على اهتمامتك فى تربية ولادك من البداية كنتى بتعملى معاهم اية

اما صيام الاثنين والخميس بأذن الله معاكى والله من اول الشهر وبالنسبة لموضوع الصداع انا بقا عندى صداع مستمر ليل ونهار باخد دايما بندول قبل الصيام فى السحور اخر حاجة واريح دماغى بس دا طبعا مش صح بس خلاص لازم اخد كل يوم اى مسكن ومع كدا والله دايما صداع واحيانا يصل للنصفى ربنا يعافينا يارب

فنصيحة اول يومين اللى بتتعبى فيهم خدى بندول بعدها الحال بيسر بأذن الله

بأذن الله نقرأ كمان سورة الكهف

ويارب يارب منساش موضوع الصة على الرسول علية الصلاة والسلام كل اجمعة انسى اكثر من الصلاة علية علية افضل الصلاة والسلام

كمان حلو اوى فكرة قصرالشعر انا عايزة الصور ضرورى

واية اخبار الحر انا سامعه ان الكويت الصيف دا فظيعة بيقولوا 60 الحرارة بالنهار ربنا يرحمنا يوم القيامة يارب
متحرميناش دايما من نصايحك


نانا

فينك يا رومانسية المنتدى مختفية لية بس

ان شاء الله خير

والله وائل ذى هشام جوزك حاليا دور برد رهيب حتى من شوية كلمنى من المستشفى قالى هاقفل الموبايل وحزارى تتصلى على المستشفى البرد هلكنى وهنام وقلقانة علية جداا برضو دور البرد بيكون معاه صعب اوى ربنا يشفيهم يارب

ماما زوز

ماشاء الله عليكى بجد روعة
وفكرة لا افكار الايشاربات روعة روعة

والاحلى الموضوع اللى عملاة مع بنوتك miss-violit واللى مش هتنازل انها لازم تجى عندنا زيارة كدا على السريع انا عارفه انها لسة بنوتة بس برضو ترجعنا شوية لايام الشباب والدلع
أيا ليت الشباب يعود يوما ويرى ما خلفة الجواز
ههههههههههههههههه

وبعدين اللى قرأتة هناك دا احفادى؟؟

احفاد ايى بس معقول ؟؟ بجد؟؟

طيب قولينا اد اية وسنهم كام

كمان بقى يا ماما موضوع حساس جداااااااااااا بس بصراحة علاقتك بمراتات ولادك شكلها اية بيتحبيهم وكدا ولا هما كمان؟؟
اوعى تقولينا الكلام المذوق طبعا دول شى ولادى بالضبط اكيد مهما كان برضو

بس بجد ياريت تعلمينى لان الموضوع دا هيجننى اصلا

تلاقى حماه مبتحبش مرات ابنها خاااااااااااااااالص وطبيعى البنت هتخليها ف حالها وتتجنبها وخلاص
وساعات تلاقى الحماة حبوبة جداا وطايرة بمرات ابنها والبنت غلسة مصرة تأخذ الولد وبس مش عايزة عيلتة

وساعات تلاقى الحماة حبوبة وبجد بتحب البنت وطبعا مهما كانت لو هى طيبة البنت يعنى هتلاقيها بتموت فى حماتها

فية فزورة بقى

اللى كبت عنهم الثل حلات بقى دول انا واختى ومرات اخويا تفتكروا انا مين فيهم؟؟
هههههههههههههههه


شيمو

ماشاء الله عليكى

ربنا يارب يخليكلى ميدو يا ستى ويبارك فية يارب

ومستنيين يومياتك بتاع الخميس والجمعة بصراحة دول بقى فاكهه الموضوع بيبقوا بجد حلوين اوى وبتحسيهم زحمة كدداااا

اما قصة الدكاترة اللى حواليا فى كل حتة فعلا بحس ان بيتنا بقى ذى المستشفى والله ههههههههههههههههه

لا وذى لية ما بابا فعلا قلبها عيادات كمان فى العمارة كلها قال يعنى مخلصناش
بس انا واخواتى مقسومين انا واختى وجوزها مهندسين
انا ديكور وهما الاتنين عمارة
وجوزى طبيب أطفال واخويا ومراتة صيادلة واختى كوكى بقى اخر العنقود مشروع طبيبة فى رابعة طب لسة ربنا ينجحها يارب دى بقى اهم شخصية فى حياتى بس اوعى تقولوا لوائل وبودى لتبقى حكاية بس باحساها كل الدنيا عندى وهى بتتقل عليا ههههههههه وبودى كل دنيتها


قصة حياتنا مش كداا مملة

عطووووووووووووور


وحشانى والله جداااا


اولا نخلينا مثقفين شوية
المقال هايل هايل هايل ومشجع ان يستمر الوضع على ما هو علية

بس ربنا يعطى على اللى عايز يارب

انا فرحانة اوى ان العجينة عجبتك وعلى فكرة لو حطيتى النشا كمان بتفرق متخافيش منها خالص والله هى ليها تأثير بس حلو فعلا


بالنسبة بقى لمشروعك

انا اعرف واحدة صحبتى من المنتدى برضو عاملة مشروع ذى كدا بس هى متخصصة فى التورتات على ما اعتقد وكمان احيانا بتعمل عزومات وفى مناطق راقية جداا وهى دلوعه خاااااااااالص

بس مشروعها ماشاء الله ناجح جداااا

اعتقد انها بدأت بنفس الفكرة اللى قالولك عليها البنات اناه وزعت على معارفها ومعافها لمعارفها وهكذا والموضوع اتشهر جدااا

هى صور اكلاتها عملاها على الفيس بوك كمان علشان اللى يطلب وكدا

بس مش عارفه اقول اسمها الا لما استأذن منها لانها من الأعضاء المشهوريين جدااااااااااااااااااا فى قسم الطبخ

بس توكلى على ****


واتعلمى كمان السليزونات والباتون سالية د برضو بتمشى اوى مع المخبوزات وسهلة جدااااا

جربى الطريقة اللى كتبتها لمادو طريقة تحفة

Enn

اهلا بيكى يا عسولة وبحس انك بتوحشينى وبدور على اسمك لما بادخل

طبعا موضوع السنعة اللهلوبة دا تحفة الجزء الاول والثانى وفرق معايا كثير جداااااااااااا

وبقأة دايما كمان علشان منسهوش

وكان نفسى بجد تكون بيلكان معانا اوى فى التجمع دا كان هتفرق كثير يارب ترجع المنتدى ونعرف نقنعها هى بلديات شيماء على فكرة


نيرفانا

وشى منك فى الارض والله

متزعليش يا حبيبتى حقك علينا ولك علينا حق السؤال

وبجد فية بنات كثير اختفوا دايما باسأل واقول فينهم وياريت بس يطمنونا عليهم

حبيبة اوسوا

الحمد لله ان الموضوع خلص على خير

بالنسبة لموضوع تبديل العفش هو طبعا بيرجع لذوق اللى بيسكن فى البيت اولا وطبعا مفيش مشكلة طالما فية ترابط ف الالوان

بس لازم التغيير يكون هيفرق فى الشكل بالنسبة لحد مثلا متعود يزورك يحس بفرق اكثر شوية من انه يقولك الله انتى نقلتى السفرة مكان الانتية لية فهمانى يعنى على الاقل تغير فى الاكسسسورى شوية سواء فى لوحات او نزلات للستائر او مخدات صغيرة جديدة للانترية او شال او اى حاجة تعطى تجديد على مفرش السفرة على النيش واكسسوارات البفية

فهمتينى

وطبها بالصور هاساعدك اكثررررررررررر

الرمال الناعمة

ربنا يكرمك يارب

وبجد انتى عسولة جداااااااا

توتة

وحشتنيى فينك يا بنتى؟؟

ارحموا حالى

احنا فى انتظارك


سمسمة المصرية

هادور لك على لينك حفلة بودى

هى كانت ماشاء الله روعه وفى الموضوع طرق كل حاجة بالتفصيل

http://forum.hawaaworld.com/showthread.php?t=968968

دينا السيد
اهلا بيكى بس بجد فية كلام كثير وقع منى بسبب الفرنكو اراب بس هارجع تانى اقرأ وارد عليكى

وطبعا نورتى الموضوع




على فكرة يا بنات العجينة اللى جربتها انجى على الرابط دا وبالصور ويارب تعجبكم اصلها عزيزة عليا اوى علشان انا اللى مخترها اصلا حبة تفانين

واللى غايظنى فيها انى يوم ما جيت اعملها عند ماما مطلعتش حلوة خالص واخواتى بقى فرصة هات يا تريقة مع انى عملتها 10 مرات وطلعت هايلة

بس بجد تقولوا رأيكم بامانة
http://forum.hawaaworld.com/showthread.php?t=1268860
يالا بقى بحبكم فى الله

تخيلى يا عروس النيل

انا مانعه تماما او مش انا باباه مانع اى مواد حافظة نهائى نهائى يعنى حتى ميعرفش الشيبسى خالص ولا الكولا كمان الشيكولاتة يمكن مرة فى الشهر

انا عارفة انه صعب بس وائل دايما يقولى تأمرون الناس بالبر وتنسون انفسكم

يعنى اقول للناس بلاش مواد حافظة واديها لابنى استحالة وطبعا هو لسة مرحش حضانة فمش عارفه بس اكيد لام يخرج هتكون مشكلة

اما انا فعلا شاكة فى موضوع فرط الحركة جداا بس وائل ببأكدلى انه مفيش عندة حاجة هو ماشاء الله عملة قريب اختبار ذكاء كفى الجامعة كمان وكان ماشاء الله الله اكبر فوق الممتاز اوحسن من سنة فدا اكد لة انه معندوش فرط حركة مع انى بروض شاكة ربنا يستر

معقول يعنى كل الاطفال فى السن دة بالشقاوة دى ما انا بشوف والاد كثير جداااااااااااا اكبر منة ولا عندهم نفس او ربع شقاوتة ة ربنا يهية ياربب
امية



يالا
نفسى حياتى تستقر وهو كمان يستقر والله العظيم مش بينام انا مش عارفه لية المفروض يكون تعبان والاكل اة
تخيلوادا