وحشانى يا سما ليه كل ما افتح الماسنجر مش بلاقيكى

التوت الاحمر

نفسى اعمل انقلاب زيك ولو ليوم واحد فقط بون عيييييييييييييييال
قلت لجوزى نفسى اطفش وارجع اخر النهار بس مستنيه الفرصه المناسبه

حبيبة اوسو فعلا الحياد مطلوب جدا لعدم المشاكل فالمطلوب الكلمه الطيبه وعدم قطع العلاقات عشان
صلة الرحم وتكبير الدماغ تماما لو كلنا عملنا كده اكيد ان شاء الله مش حا يكون فى مشاكل
سما نورتى بس اعذرينى انت طريقتك غلط جدا مع ابنك ابعدى عن العصبيه تماما وبعدين عامليه على قد سنه
فعلا مشكلتنا اننا بنطلب من ابنائنا الكمال وبننسى تماما مراعاة سنهم وانا فى غربه مثلك وحاسه جدا بالوضع
انا فى بلد كلها ترفيه واسواق لكن طبيعة الجو قاسيه جدا فتقريبا محبوسين فى البيت وانا اشجعك جدا
على عدم النزول لوحدك مصر لانه ده ضرره اكبر من نفعه من اضراره حا يكون فى فجوه بينالابن والاب
الاب بالنسبه له ضيف معاه هدايا حا يفرح بيه اول يومين وبعد كده مش حا يتقبل منه اى توجيه
بالنسبه لظروفك زوجك معذور لعصبيته لان طبيعة العمل فى الغربه قاسيه لكن انت دورك كبير مع ابنك
ابعدى تماما عن العصبيه احتويه اشغلى كل يومك معاه لو كنتى ما بتشتغليش قصص العاب
احنا فى عندنا هنا مكان للرياضه والتمشيه بجوار البيت فا
ده متنفس بالنسبه لى وباخد معايا الاولاد مع جارتى بيكون تغيير فلو فى طريقه انك تخرجيه فى حدود ظروفك حاولى
بس نصيحه بلاش عصبيه لانها حا تنعكس سلبا على نفسية ابنك وخليكى على تواصل معانا عشان نستفيد من افكار بعض
فى كمان طريقه حلوه للتغلب على عدم الاكل عند الاطفال كنت بعملها مع اولادى وقت الاكل اما بجيب قصص
وافرجه على الصور واحكيها فبيكون مشغول وياكل بدون عناد او رفض او اضع العابه فى البانيو ويحركها فى المايه
او فى البلكونه وكل وجبه بطريقه مختلفه فا كانت بتجيب نتيجه انا ياخد الوجبه وهو سعيد بالعب

بنات بما انى اليوم مش حا اعمل غدا حبيت احكى معاكم شويه
انا فى موضوع حابه اتكلم فيه بس ال شجعنى ان تجمعنا كله مصريين فلو اى عضوه عارفه اى موقع فيه
تجمع مصريين يا ريت تنقل الموضع لتعم الفائده وممكن فى اى عضوه تعتبر ان الموضوع ال حا اتكلم فيه
بعيد عن فكرة التجمع وهو التنظيف والترتيب لكن انا من رأييى انه مهم جدا لست البيت لانها مش مسؤله
عن الطبخ والتنظيف فقط لكن مسؤله ايضا عن فكر ابنائها وتنشاة اخلاقهم فانا حا احكى ما حدث معى ومع بنتى
واقسم بالله ان كل كلمه سوف اكتبها حقيقه وليس من نسج الخيال فانا جارتى مش مصريه لما اتعرفت عليا
وبدات علقتى تقوى بيها بتقول لى انا محتاره كل المصريين ال اتعرفت عليهم محترمين جدا وبيحبو الحج والعمره
بس انا فى حيره انتو حياتكو فى مصر زى ما بنشوف كده فى الافلام خمره ورقص ولبس خليع ومخدرات
هو ده شكل بيوتكم انا ما بقدرش اسيب ابنى يتفرج على فيلم مصرى من كثرة المشاهد المخله
انا مش حا اكتب رضى عليها حتى لا اطيل عليكم وقصة بنتى تقريبا نفس المضمون
كان فى حفله فى المدرسه والبنت حا تقوم بالقاء بيت شعرعن مصر وحا اكتب الحوار بين البنت والمدرسه
المدرسه - انا عايزاكى تقولى الشعر بمياعه
البنت - يعنى ايه يا ابله مياعه
يعنى على طريقة سميه الخشاب فى مسلسل ريا وسكينه مثلا وتلبسى نفس طريقة لبسها
البنت - آسفه يا ابله انا بعتذر عن الفقره لان لابيئتى ولا تربيتى تسمح لى انى اتكلم بالطريقه دى
انا لو بابا عرف انى عملت كده ممكن يقتلنى
المدرسه ثانى يوم استدعت البنت فى غرفة المدرسات وقالت لها انا عارفه انك محترمه
وقولى الشعر بالطريقه ال تحبيها
وتدخلت مدرسه اخرى قالت لها احنا معذورين لان هى دى الصوره ال بنشوفها فى كل مسلسلاتكم
النت قالت اتمنى انك تيجى يزورى مصر وتشوفى بيوتنا وعادتنا وتقاليدنا لاننا من اسر محافظه جدا
طيب ليه كل مسلسلاتكم كده زواج عرفى ومخدرات احنا ما بنشوفش غير كده
البنت قالت انا بحب اتابع مسلسلاتكم كلها طلاق ومشاكل ومخدرات هى دى حياتكم
المدرسهقالت لا الاعلام مش بينقل حياتنا خالص الاعلام بعيد تماما البنت ردت قالت واحنا نفس الشىء الاعلام بعيد جدا
عن حياتنا ما بينقلش صورة البيت المصرى الصح الملتزم المحافظ على العادات والتقاليد
انا كتبت القصه دى مش من باب التسليه لان لازم يكون لنا دور فى فوضى الاعلام
فعلا افلامنا لاتخلو من رقص وشرب ولقطات خليعه
انا مش ضد الفن لكن انا ضد الاسفاف بدليل ان فى افلام اجنبى قصص حلوه جداغ بدون اى لقطه خليعه
وممكنيكون فى فيلم كامل بدون نساء
انا بحزن جدا لما بسمع ايرادات الافلام ملايين للاسف الناس دى ما احترمتش عقولنا وعلى قيمنا
لازم احنا كمان نقف ضدها فرجاء او اعتبروها استغاثه تعالو نقاطع كل فيلم بيبس فكر مسف
وفيه لقطات خليعه ولو حابين تدخلو سينما ادخلو بس الافلام المحترمه عشان يحسو اننا بنخسرهم
يبطلو افلام مسفه لو كل واحده فينا خدت القرار ده بقناعه مش حا ادخل بيتى اى فيلم او مسلسل
مسف حا اعمل فلتره ايه ال يدخل بيتى وولادى يتفرجو عليه ولو اقنعتى اختك جارتك صديقتك
ممكن نعمل حاجه ولو ما قدرتيش تقنعى حد يبقى حا ابدا بنفسى واحتسب الاجر انه من باب انكار
المنكر احنا صعب اننا نقدر نغير فكر شعب ونعلمه الصح من الغلط لكن اقدر على نفسى واقدر ابث القيم الطيبه عند اولادى
فلازم نبدا بنسفنا اولا ورجاء بلاش روتانا سينما طول اليوم مفتوحه لانها فيها لقطات صعبه جدا
اتمنى تفاعلكم فى الموضع واقترحات افكار جديده لمقاطعة الخلاعه والاسفاف

والله ضحكتينى يا عروس النيل

شر البالية ما يضحك فعلا

اصلك فكرتينى وانا صغيرة كنت عايشة فى دولة خليجية

وواحدة جارتنا بردة جات عندنا زيارة صباحا وانا كنت بنفض واخواتى
اللى بتغسل واللى فى المطبخ
تخيلى قالت لينا اية
بالنص
انتم تغسلون وتنضفون وتطبخون ******* ومتى ترقصون؟؟؟؟؟؟؟؟!!!!!1111
ههههه
هم يبكى وهم يضحك

انا رديت من قبل ما اكمل كلامك اروح اكمل وارجعلك

مادو شكرا على ردك انا زميلات بنتى بيسالوها انتو بتروحو الكباريه
واكيد بتقلعو الحجاب فى مصر فكان رد بنتى ليه هو كل المصريين محارمى عشان اقلع الحجاب