انا رجعت وحا اكمل معاكو حاجه مهمه جدا وهى مسالة القدوه
كل اطباء علم النفس وعلماء الدين بتفسر اى انحراف للابناء اوالشباب بيكون بسبب عدم وجودقدوه
حسنه فلابد من القدوه من الاب والام اخطر شىء اننا ننصح الطفل بشىء واحنا بنعمل عكسه
انا شايفه ان معظمكم تقريبا لسه ابناءكم قبل سن المدرسه وانا شايفه انها فرصه كويسه جدا
انك تقراى وتتثقفى لان الجيل ده صعب فى تربيته جدا لما تقولى لا ليه لازم ي
كون فى سبب مقنع
لازم مصاحبة الابناء مهمه جدا ودى انا تعبانه فيه لان زميلات بنتى يقولو لها انتى مجنونه
مش لازم تحكى لمامتك اى حاجه نفس الشىء الولد
فسالت بنتى ليه هما ما بيعملوش زيك كده وتحكى لمامتها فاالنماذج اما الام مشغوله ومعندهاش وقت تسمع
ومل ما البنت تحاول تحكى تقول بعدين
او انها بتتعصب على البنت وبتقابل اى موضوع بعصبيه وتوبيخ فا البنت خلاص استحاله انها تحكى
ودى حاجه مهمه جدا حذارى مهما كان سن ابنك انه ييجى يحكى على خطا عمله وتعاقبيه
او تعنفيه فى الكلام وده راى كل اطباء علم النفس لانه استحاله حا يكررها تانى
عاقبيه لكن فى وقت آخر
انا اكيد حياتى فيها مشاكل وبتقابلنى مشاكل مع ابنائى لانى تقريبا عندى كل المراحل
قبل المدرسه وابتدائى واعدادى لازم اتنا قش مع زوجى ونرسم خطه ولازم احكى له واكون مفهمه
اولادى ان بابا ما يعرفش لو دى رغبتهم ولازم يكون فى مرجعيه مع اولادى عشان يقتنعو
وهو راى الدين وراى العلم
وحا حا احكى نماذج عن غياب القدوه وتاثيره وكلها والله حقيقيه
صديقتى سعيده جدا البنت منتظمه فى الصلاه جدا حتى ضلاة الفجر
النت فجاه منعت الصلاه الم سالتها ليه كده قالت لها مش لما بابا يصلى الاول انا عمرى ما شفته بيصلى
بزور صديقه والتليفزيون مفتوح على روتانا وجات لقطه صعبه جدا امام الاولاد ما عرفتش اعمل ايه وقفت امام الشاشه
لحد ما اللقطه تنتهى وعاتبتها فى قنوات كويسه ليه على طول القناه دى شغاله عندك
قالت اصل جوزى مدمنها ولما بتيجى لقطه زى كده بيعمل ايه قالت لى ما فيش بيقول للبنت غمضى عينك
انا اصبت بحاله من الزهول وما عرفتش اتكلم نهائى والناس دى على درجه من العلم
زميل ابنى فى ابتدائى وبيدخن ابنى بيقولو انت بتشرب سموم انت مش عارف خطر التدخين
صاحبه قاله ماههو التدخين لو فعلا مضر ما كنش بابا دخن
نفس الشىء عند بنتى تم ضبط بنات بتدخن فالبنات سالوها قالت عادى ماما كمان بتدخن
البنت مع بنتى وبتحكى امام الفصل كله احنا لما بندخل ننام بابا بيفتح النت على مواقع
اباحيه
انا عارفه ان كلنا اكيد ما عندناش الاخطاء دى لكن انا بوضح تاثير الاخطاء دى على ابنائنا
فلازم احنا لما ننصح بشىء نكون بنعمله عشان البن ما يفقدش المصداقيه
انا سمعت كلمه من دكتوره عبله الكحلاوى حسيت بمصداقيتها جدا
قالت للاسف ( احنا بنعلم ولادنا لكن ما بنربهمش )
لو الاهل اهتمو بتربية الابناء قدر اهتمامهم بتعليمهم مش حا يكون فى زواج عرفى
انا بشوف نماذج على درجه من العلم ومناصب رفيعه لكن بعيده كل البعد عن اساليب التربيه
فاكيد كلنا محتاجين نتعلم وننصح بعض وان شاء الله تجمعنا يلبى الغرض وخصوصا ماما زوزو
لانها اكيد مرت بمراحل التربيه فاحنا محتاجين منها مجلدات انا فى انتظار تفاعلكم

السلام عليكم ازيكم ياحلي ستات بيوت شاطرين بس الخايبين اللي زي يعملو ايه انا عايزه احكيلكم علي حاجه لاني محبطه جدا انا عند حماتي ودخلت اطبخ كشري اصفر انا بعرف اطبخه وبطلع جميل كل مره بس المره دي طلع عجينه هههههههههه بصراحه تنفع للبط زودت ميته جدا نسيت ان اقلل ميته طبعا حماتي قاعده بره هي وجده زوجي انا في المطبخ جيت اشوف الكشري لقيته بصراحه عباره عن عجين مفيش ملامح للرز ولا العادس طب اعمل ايه حماتي بره وجدته بره ومستنين الغدا مش عارفه اصرف نزلت عياط طبعا انا لو عند ماما كنت رميته وعملت غيره او لو في شقتي كنت اصرفت كده برده اما هنا هعمل ايه قعت في المطبخ اعيط ويستنوني اطلع مطلعش يقولو بتعملي ايه اقول جيه اهو بصراحه يابنات احساس وحش اوي حسيت احساس صعب اوي اني مش قادره ارميه واعمل غيره لو كنت في بيتنا او عند مامتي كنت مفكرتش ورميته او سبته عمر محد هناك كان هيزعلني المهم انا رغيت كتير استنيت لحد محماتي دخلت تشوفني مبطلعش ليه اجراءت وقولتلها لما شافته قالت لاء الكلام ده مش عندنا ورمته وعملت غيره انا كنت مكسوفه اوي وعندي احساس وحش اوي مع اني بعرف اطبخ واجي قدوامهم وابوظ ياريت تخففو عني يابنات اللي مامته تحب تعلمه حاجه يتعلم وميزعلش منها طبعا الكلام موجه للخايبين اللي زي كفايا اتي كنت عامله زي الطفل اللي عامل حمام علي نفسه ومكسوف يطلع بره هههههههههههه ممكن تخففو عني لاني تفسيا تعباته

يا سمسمة

سمسمة
متزعليش يا قمر والله عادى
انت غلطانة بس انك مطلعتيش عادى جدا
تقولى على اللى حصل
بتحصل لاحسن الشيفات
انا بعمل كل حاجة تقريبا ولحد تلوقت بخاف اعمل عزومة ههههه

كل ما اكتب حاجة الاقى حد طالع لى اقفل الصفحة
اعزرونى بهبل النهار دة