يابنات ياشطورات
النهارده هقدم اول اكله
من تدوير بواقى الطعام

وللامانه مش هقدم ولا اكله الا اكون مجربها

وانا فى المواضيع دى فررررررى جود

( كل واحد وعلامه بقه )

الشورمه
========


احلى شورمه من بواقى اللحوم على مدار الاسبوع

( طبعا اولادنا المجرمين بينتفوا اللحمه ويطلعوا منها اشى سمين واشى مش عاجبهم واشى مش مستوى قوي)

علبه مخصصه بالفريز وبعد نهاية كل اكله نثرى بواقى اللحوم
مهما كان نوعها او طريقه سواها حتى لو كانت فى الخضا ر

فى اليوم الموعود وسميه يوم البواقى

طلعى اللحمه من الفريز
وضعى عليها الاتى
1علبه زبادى

نصف كوب خل

فلفل اسود

( لاتضعى ملح نهاااائى )

اتركى اللحمه فى التتبيل لمده ساعه على الاقل

ضعيها على النار بدون غطاء ( عكس الشاورمه الاصليه )

والنار تكون عاليه وقلبى باستمرار
لو فيها سمين اتركيه بها بدل وضع الدهون
وان لم يكون ضعى بعض الدهون

حضرى بصله مقطعيه بالسكين وغير ناعمه
حزمه بقدونس مقطعه وليست مفرومه
2طماطم مقطعه صغير
ضعى بالترتيب فى طاسه تيفال
البصله تقليبه واحده
وعليها البقدونس وبعده الطماطم

وضعيهم على الحمه سريعا
تقليبه وانزليها من على النار

يكون متحضر سلطه طحينه
وعيش شامى
او وجه العيش البلدى
او عيش كيزر
ادهنى بالطحينه وضعيى الشاورمه وابرمى العيش
مع لفه فى الشفاف

مع بعض البطاطس المحمره

اتحدى
====احلى من اى شاورمه

وممكن بنفس الطريقه مع بواقى الفراخ

خصوصا احب اسلق الفراخ وانثرها واقليها بالبيض والبقسماط
والزوايا والبواقى
حتى اللحمه فى الاجنحه او الدبوس
مرتين تلاته
وتبقى وجبه تجنن

جربوا وقولولى


يااارب تعجبكم

ازيكو يا بنات عاملين ايه
عطر الشموع - مقرتيش آخر مرة دخلت فيها قولتلك امتى نروح نادى سموحة سوا
مدام وائل - فكرة الجروب حلوة جدا أنا اشتركت بس مش عارفة أكتب فين وازاى
شيماء - عاملة ايه وحشتينى جدا
ماما زوزو - حضرتك مثال للأم و المرأة العصرية
عروس النيل - خبراتك هايلة وكلامك جميل ربنا يجعلة فى ميزان حسناتك
mado - عندى احساس انك عايزة تفضفضى وعندك حكايات ومش عارفة عشان الخصوصية
dalia - شكلك كده زى العسل بس نفسى أفهم اي حكاية الميكروباص
حبيبة اوسو- enn - التوت الأحمر البرى - سما - سمسمة المصرية - الوردة الأسبانية -فطوم
ازيكو كلكو
نانا - egypty - أسيرة العشق (روئة) -نيرفانا - توتة البطوطة
انتو فينكو وحشتونا

شكرا ام مريوم

مرسي يام مريوم

هى خبره الحياه السبب

واسلوب تربية والديا
الاعتماد على النفس
والحمد لله
قوة الشخصيه
والحمد لله التمسك بالمبادئ

وشاكره لك ثنائك

ام مريوم
واضح انك حساسة جدا
بس والله انا بقول عشانكم انتم عشان خايفة عليكم
ومن تلقائيتكم الزيادة شوية
ربنا يسترها


ماما زوزو

تسلم اديكى
انا بعمل زيها مع الاختلافات البسيطة
بدل الطحينة --مايونيز
ولو مفيش عيش بعملة انا بدقيق وماء بس زى الكرب
وبزود عليها فلفل رومى

واية رايك فى المعلومة دى
( العنب ) :
يتعرض العنب للذبول بعد مرور أيام عليه ويصبح منظره غير محبب ولا يشجع على تناوله .لا مشكلة , قومي بفرط حبات العنب وغسلها في مصفاة وبعد ان تتخلصي من الماء إعصري الحبات بيديك ( النظيفة طبعا ) بعد أن تضعي المصفاة فوق طشت ليتجمع به العصير وبعد أن تعصري كمية وفيرة ضعيه في طنجرة على نار هادئة ودعي العصير يغلي ولا تنسي تحريكه بين حين وآخر حتى يعقد قليلا ويصبح لديك دبس العنب اللذيذ

( لب الكوسا ) :
عند حفر الكوسا لعمل المحشي لا ترمي اللب حيث يمكنك عمل هذه الأطباق :
أ- متبل الكوسا
ب- عجة الكوسا
ج-كوسا مقلي مع بصل ولحمة رأس العصفور
د-كعكة الكوسا
وانا مجربة استخدام لب الكوسة لعمل الكوسة بالباشاميل
او احطها فى قعر الحلة لعمل المحشى عشان ميشطش وبيدة نكهة