السلام عليكم
ازيكم يا بناتيت

عطر تروحي و نرجعي بالسلا مه ان شاء الله و يارب تبقي اجازه لزيزه

مادو
عايزه اقولك ان الاساس في البيتزا و العيش الفينو انك تعلي الفرن جدااا و كمان يكون سحن من ابل ما تدخلي البيتزا عليه علشان دا هيسويها بسرعه و من غير ما تنشف و تطلع مقرمشه في نفس الوقت لكن الحراره القليله بتنشف اوي حلي 160 للكيك بس و دي والله قريتها في كزا موقع اجنبي خاص بالعيش و الباكينج عموما

الرمال الناعمه
الاكل في الحضانه اعمليلها كفته فراخ/كفته بطاطس/برجر و بطاطس مجمره/بطاطس بيوريه بالحضار المشكل/حضار سوتيه مع فراخ مقطعه دا طبعا للغدا و ممكن تمشيها ساندويتشات لو هي بتجبها و الاحسن يبقي توست و قطعيه مثلثات صغيره و مدهون بجبنه او لبنه و دايماااااااااااااااااا اعمليلها علبه صغيره للسلطه و متفولييش دي صغيره لاء عوديها علي السلطه و ممكن تبقي من غير تتبيل يعني ملح بس و ممكن تبقي نوع واحد خضار او حطي عليها دره لان الاطفال بيجبوا شكلها اوي في الاكل

ايجبتي و سما انا كمان اصلا من المنصوره و عيله ماما كمان بس انا اتربيت في اسماعيليه و عايشه فيها حاليا

مدام واءل ايه يا قمر فينك؟

عروس النيل
مواضيعك حلوه اوي يا قمر و الاكلات جميله فعلا و التسبيح فعلا من نعم الله علينا عايزه افكركم و ازكر نفس انا كمان باظكار الصباح و المساء فعلا اليوم بيفرق بيها جداا
كمان في فكره يمكن تعرفوها اني باعمل نوت بوك للاكلات و متفسمه يعني جزؤ للسلطه و جزء للشوربات و هكزا
عندي افكار هازودها علي كلامك
كفته الفراخ بالبطاطس
كبيبه بالبرغل
كفته الارز و ممكن تتاكل من غير الصوص يهني متحمره صاحيه كده
بيض اسكتلندي
روستو
صينيه البطاطس بالبرغل و الحضار
فريك مفلفل و شوربه فريك
بيتزا رول بتبقي عجينه زي الكريب و محشيه بخلطه اليتزا و ملفوفه رول و متجمره بالبيض و البقسماط
باي الجبنه و البيض
حاجه كمان في التجمير جربوا بدل البقسماط العادي دقيق الدره الاصفر بيدي قرمشه فزيعه جدااااااااااااا
الفراح تعملها زي كنتاكي علشان نقلل منه
سلطه المكرونه الملونه
سلطه الفاصوليا البيضا
سلطه الفاصوليا الحضرا
سلطه السبانخ و دي بقي اكتشاااااااااااااااااف جلوه جداااا
صدقوني دخلوا السلطات بجميع انواعها انا باعملها كوجبه فرعيه مه العشا
سلطه بحريه (جمبري مثلا)
ايه تاني؟؟؟؟؟

اه روشانا
اعتقد اللي قالت علي المكرونه السايبه كانت ايمان اساليها تاني لما تدخل ان شاء الله لانها اعتقد انها مش في القاهره حاليا
كفايه كده
احبكم في الله
سلام لكل البنات

الوردة الاسبانية

انا اول من رحب بيك فى التجمع ومكنتش اعرف انك شخصية معروفة كدة ههه

انا لقيت معظم البنات عارفينك

بس بعد ماقراتلك دلوقت فهمت انك شخصية مهمة وتستاهل الترحيب هههههههه
بس متبخليش علينا فى الدخول

وشكرا على معلومات الفرن
انا قرات كدة فعلا بس بوتاجازى اليونيفرسال مغلبنى شوية
ومش هطول عليك
شكرا

اهلا يا مادو
ازيك يا قمر
انتي سهرانه انا الساعه عندي هنا 6 و نص و خمسه شويه كده و اصحي الشعب علشان ننزل ان شاء الله
و لا مهمه و لا حاجه يا جميل يمكن تقدري تقولي قديمه و بقولك كمان ممكن تقوليلي رانيا او سبانش لان الورده الاسبانيه دي بتخض منها و مش باعرف انك بتكلميني من اول وهله هههههه
يلا سلام

رانيا
صباح الفل ياجميل
ويسعد صباح الاسرة كلها ان شاء الله
ومصر بتسلم عليكو ا ههههههههه

سبانش - صباحك فل وافكارك ما شاء الله جميله
وان شاء الله حا اجرب دقيق الذره واقول لك النتيجه وما تنسيش اذكار الصباح لان غرضنا من التجمع الجميل اننا نذكر بعض بالخير
ايجيبتى - نورتينا ومعلش الرغى مخليكى مش ملاحقه
مادو - تصورى فعلا انا نفس الحكايه كنت داخله على مود اكتئاب لكن التجمع غير نفسيتى جدا انا كنت متصوره انه بسبب الغربه
التجمع عطانى نشاط فى البيت وطول اليوم فكرى مشغول كل فكره حلوه اوتجربه ناجحه عايزه بسرعه احكيها
بس بخاف تملو منى
عطر انا كنت كتبت فى موضوع الايتام ان اى واحده لو ظروفها مش حا تسمح تنشر الفكره لغيرها ولها الاجر
واكيد كلنا اى خير بنعمله او عباده فهى فى السر مش للتباهى لكن كلنا لا نعرف بعض معرفه شخصيه
لو كل وحده عندها باب خير تحكى عنه من باب الدال على الخير كفاعله لان بتنصحينا وبتدلينا للخير
فلكى الاجر واجر كل من قرات بدون مشاركه لو خمسه من التجمع ده اتاثروا بفكره واثروا على خمسه كمان غيرهم
تخيلى كم الحسنات فاحكى لانها ان شاء الله تجاره رابحه مع الله والاجر لن ينقطع حتى بعد الممات
فى شيخ قال معلومه انا سعدت بيها جدا ان كل حاجه خير علمتيها لابنك مثلا التسميه عند الاكل
فلكى الاجر وهو لما يعلمه لابنه لكلى ايضا اجر تخيلى مع كل جيل لكى اجر
ولو كل واحده اثرتى فيها بفكره وعملتها مع اولادها تخيلى كم الحسنات
وده ان شاء الله يكون الغرض الاساسى من تجمعنا اننا ندل بعض للخير