حبيبه البقاء لله
ربنا يرحمها ويغفر لها ويفسح لها فى قبرها ويجعله روضه من رياض الجنه

سلام عليكم

اذيكم يا بنات وحشتونى اوى اوى اوى

بس والله مش منعنى عنكم الا الوقت

وكمان وائل عندة امتحانات قريب يعنى تقدروا تقولوا بعد 4 شهور كدا
ههههههههههههههه

بس بالنسبة له قريب فشبة مطنش العيادة والمستشفى علشان يذاكر يعنى لالالالالالالالالازق فى الكمبيوتر

بس كل يوم بابص على النت ربع ساعة أقرأ فى السريع وانام


تانى سبب كالعادة بودى

تخيلوا النهاردة شرب كلور صافى ووقع على كل جسمة

كان مع باباه لمده5 دقائق عند جدتة ولقيتة طالع فى فوطة بعد ما حماه طبعا فى نفس الثانية وجلدة ملتهب خالص واخد طبعا ادوية كثيررررررررر

ربنا يهدية بجد يا بنات اللى يفتكرنى يعدعيلة ربنا يهدية وينجة من عمايلة فى نفسة

الموضوع بيتطوور ومتقوليش خرجية

جربنا و**** ولا فايدة وعاقبت وعملت كل حاجة لحد ما حاسة بالفشل والاكتئاب

الله المستعان

المهم

فى كلامكم كلام حلو اوى عن القنوات

سبحان الله كنت ناوية اقولكم على برنامج خطير شاددنى جداااااااااااا الايام دى وفرق معايا كثير

وهو على قناة الرحمة
للدكتور حازم شومان هو استاذ فى طب المنصورة وداعية اسلامى

كلامة ماشاء الله علية ربنا يبارك فية

بيجى يوم الجمعة 12 وربع بالليل وبيتعاد الاحد تقريبا 10 الصبح

كمان احيانا بشوف عمر عبد الكافى بس للاسف مش بصفة مستمرة بنسى ميعادة بس بأذن الله اتابع

ومحمود المصرى يوم الاتنين على قناة الناس روعة

وطبعا حسان ويعقوب وابو اسحاق على اى قناة وفى اى توقيت

كمان بقى حبيبة قلبى

فتافيت بشوفها من يوم ما كانت لسة شري اعلانات وكنت هاموت لما كانوا هيقفلوها من سنة كدا وبقيت اقول لبابا يشتريهاهههههههههههههههههههه اه بجد متستغربوش كنت معجبة بيها اوى

ومازلت

بحب الكونتيسة وسمر وطبعا نيجيلا وعاجبنى شوية اندروا

وبكرة عبااااااااااااااس عار على المصريين

وباشوف احيانا اسامة على دبى طبعا تابعته سنتين كاملين وزهقت

وشريف على الاسرة والطفل نفس القصة

فية الشيف رمزى على الفيوتشر تقريبا 11 الصبح

والشيف انطوان على تلفزيون لبنان الساعة 4 العصر

لازم شريط الاخبار على الجزيرة ولو مرة فى اليوم

آه واقرأ عليها بنامج مصطفى حسنى برضو مميز

ومنى فى العاشرة مساء

ورئيس التحرير على دبى يوم الجمعه الساعة 9 بتاع حمدى قنديل

والطبعة الاولى الساعة 9 على دريم 3
وطبعا طيوووووووووووور الجنة طول الوقت علشان بودى

واحيانا يستغبى ويتابع قناة تميمة

كل دة وباكرة التلفزيون امال لو بحبة

طبعا الحمد لله سبت المسلسلات من زمن هى والافلام وماسحة كل القنوات دى من عندى وحافظة اوى ان بودى مسشفهمش عند حد

وبأنب فى ضمير اخواتى انى مش عايزة اربية كدااا

طيب كمان سما سألت على الكاتشب بكرة اكتبة ليكى

بجد ربنا ما يحرمنى منكم كل اللى سألوا واللى مسألوش

والله بحبكم اوى اوى
عوس النيل

وائل بعد ما كتب اسم الدواء بيقولى البنوتة كام سنة قلت لة مش عارفه اعاطنى محاضرة طويلة عريضة فياريت بس تقوليلى سنها ويستحسن وزنها علشان يحدد الجرعة بالضبط
حبيبة

البقاء للة

والله اللى بتحكية كلة حصل ادامى يمكن 3 او 4 مرات خلال شهرين بس لخالتى وعمى وجدة وائل

واخيرا شاب قريبنا عمرة 32 سنة نام الساعة 2 مراته بتصحية للشغل مردش ودوه المستشفى طلع مات من ساعة ما نام من بالليل

كل دا اكيد رسايل من ربنا لينا

يقولنا دا الأخ فوقوا بقى

ومش عارفة حسيت كدا محتاجين صفحة جدية كدا بقى مجهود فى القراءة على اللى بينضموا لينا جديد

يالا تعالوا هناك

نقطة ومن اول السطر
التجمع الثالث لستات البيوت الشاطرين جداااااااا

اه يا بنات حلو اوى فكرة اننا نتجمع فى عبادة كلنا فى نفس اليوم أنا بأيد دا جدااا

وبفكركم كلم رجب بدأ النهاردة كل سنة ا انتوا طبيبن وهنبدأ صيام من يوم الاتنين الجاى بأذن الله ذى ما انتفقنا ولا نسيتوا... ادينى بافكركم اهه

ههههههههههههههههههههه

بحبكم فى الله

ايمان

ROSHANA

بصراحة انا شايفه ان من غير تليفزيون احسن
وبعدين انا منزللها كرتون على الكمبيوتر
وفلاشات تعليميه
ولما تكبر شويه هحطلها لعب
كدة ومش بيقبى عندها وقت فاضى فكدة احسن بكتتير انا شايفه مضار التليفزون اكبر من منفعه

وربنا يباركلك ويكرمك على النصيحة

منال من المغرب
وعليكى السلام ورحمة الله وبركاته
دة تجمعنا نور بوجودك

esabel
وعليكى السلام ورحمة الله وبركاته

عروس النيل
الله يجزيكى خير
وبعدين كل اللى على التليفزيون موجود دلوقتى على النت
بختار اللى انا عايزاه وانزله
ودة كويس جدا ومريحنى ولله الحمد
تعرفى انى خايفه على نفسى من التلفزيون اكتر من خوفى على بنتى
حاسه نفسى ضعيفه
فالواحد بيقفل باب ممكن يدخل منه الشر
ولا انتى ايه رايك

سما سحاب

الله يعينك يا حبييبتى على غربتك
وما شاء الله عليكى شطورة
الله يقويكى

مادو
شكرا يا حبيبتى على النصيحة

ام حلا555
اهلا بيكى بنا
فعلا التجمع دة بيفيد ويشجع جدا
انا واحدة من الناس اللى استفدت منه حاجات كتتير جدا
ومش بقدر استغنى عنهم
رغم انى مش بفيدهم باى حاجة

شيماء

امييييييييييييييييييييييييييييييييييييييييييييييييييييييييييييييييين
حلو كدة
وبعدين انت ما شاء الله عليكى جدعة جدا فلازم ان شاء الله تلاقى حد جدع زيك يقف جمبك
وجزاكى الله خيرا على النصيحة
لكن والله يا جماعه بتعب جدا من الوفقه
حتى لو قاعدة لازم ارفع رجلى على حاجة
اصلى عندى دوالى حمل بتجيلى بس فى الحمل
وعملتلى مشاكل كتير فى حملى اللى فات
واضطريت اعمل عمليه بعد الولادة
والمرة دى جايه اشد من المرة اللى فاتت
وبتتعبنى بمجرد ما اقف او اعمل اى مجهود
عرفتو ليه بقى انا مش بعمل اى حاجة فى الدنيا
غصب عنى والله

ماما زوزو
بحبك فى اللى يا قمر

فطووم
ربنا يقويكى على بنتك وعلى حملك ويقومك بالسلامة

بسم الله ما شاء الله انا مش عارفه اكتب معاكو حاجه انتو ايه اللي وصلكو للقنوات حبيبه البقاء لله فكرتيني بامي اللي انا مش عارفه انساها اصلا بس وحشتني قوي الله يرحمها اول رمضان ان شاء الله يجي وهي مش معانا ياريت يا جماعه تقبلوني صديقه والله بحبكو قوي باي