صباح الخير على أحلى بنات
أنا عضوة جديدة ممكن تقبلونى معاكم و على فكرة أنا قعدت أقرا الملف القديم كله والملف ده وحاسه أنى بقيت عارفاكم واحدة واحدة
سلامى لكم جميعا و دايما متجمعين فى الخير يا رب

[

صباح الفل على احلى بنات في الدنيا

بصراحة الواحد بيتوه من الردود ماشاء الله

بصوا بقى ح اسلم الاول على حبايبي نانا و عطر و فطوم و مادو
و ايجبتي
انتي مختفيه اوعي تزعلي انا ما نسيتش المجفف بس محمد مايعرفش غير سعر الايديال زانوسي2300 جنية و بعتنا نسال على الاسعار التانية


عايزة اقول لكل حد انخدع فيا و في الشهادة بتاعتي ..................انا اسفة جدا بالنسبة لموضوع تربية الاطفال انا صفر و الحمد لله لاني كنت باذاكر بس علشان انجح و بما اني عندي زهايمر فللاسف كل اللي ذاكرته نسيته تماااااااااااااااااااااااااااااااااااااااما
هههههههههههههههه بعدين انا مش باقول لكم اني ما استحملتش في ايد العيال غلوة هههههههههههههه
بس هو انا عندي ملاحظة من ايام الشغل و من الحياة و اللي باشوفه قدامي ...... بجد لازم تشغلي كل ثانية في وقت الطفل
لان الشقاوة باحسها تفريغ طاقة و هو مش عارف يعمل فيها ايه
و كلام مام زوزو انك تكوني حازمة صح
بجد اوعوا تستسلموا لصراخ الاطفال و البكاء لان الطفل مش غبي هو عارف كويس انه بيزهقك كده وفي الاخر ح تنفذي له اللي هو عايزة

ابن اخت جوزي عنده اربع سنين بس لاحظت اسلوب مامته معاه هو بيخليها تنفذ له كل طلباته و هي مغمضه ازاي؟؟؟؟؟؟؟؟؟؟ الاول يطلب منها الحاجة او يقول لها يالله نروح حالا
وهي مش عايزة تروح
يفضل كل دقيقة يالله نروح
و هي تقول له لا
لحد ما يبكي او يضرب في اخواته بلاسبب و في وسط اللعب و يخلي اخواته يعيطوا هما كمان فتضطر تلمهم و تروح ونفس الشئ لو عايز يشتري حاجة مثلا و قيسي على هذا


و انك ترتبي الحياة و ما تفقديش اعصابك صح

لاحظت ان الطفل الاصغر سنا ( سنة و سنتين ) لما تحبيه ينفذ شئ و تطلبية بهدؤ ينفذة اما لو طلبتيه بعصبيه يتنرفز و يزهق لن ينفذه ابدا
الصريخ اخر حاجة بتجيب نتيجة و في الاخر بتلاقي نفسك بتصرخي و العيال بيعملوا الللي هما عايزينه برضه و بيضحكوا عليكي اما في سرهم او قدامك
و الله ليا واحدة صاحبتي ماشاء الله عليها (و لا الهوا في التربية هههههههههههههههههههههه) الاخت سايبة الحابل في النابل طول النهار صريخ و زعيق
و النتيجة ان العيال في الاخر بقوا يستهيفوها و يحسوا ان ده اخرها ح تزعق شويه و خلاص
بس بلاش الدلع الزيادة لانه بيقلب بخل في الاخر

اما بقى بالنسبة ليوميتى امبارح
فانا جهزت ورق عنب علشان الفريزر وطبعا بمساعة الوالدة ربنا يخليهالى يارب
وجهزت بامية برضوا بس الكمية كانت صغيرة يا دوب تكفى الغداء

وجبت زجاجة لصابون سايل كانت فاضية عندى ومليتها تايد ع كلور وماء وحطيتها فى الحمام علشان كل يوم الاقيها جهزة واغسل بيها الحمام وفعلا الحمد لله سهلت عليا كتير وشجعتنى

معلش من كتر الكلام نسيت

التورته يا جماعة انا عامله صور بالتفصيل للطريقة و هي سهله خالص بس ح انزلها واقوللكم

بالمناسبة احنا امبارح اتغدينا فته و لحمة و كانت تجنن و نضضفت المطبخ والحمام و دعكتهم دعكة تمام بس و بعدين رحت شفت ماما علشان كان ضغطها عالي والحمد لله بقت كويسة بس مش عارفه حاساها كبرت كده في يومين ربنا يشفيها

بس اخر الاخبار احمد اخويا على وشك يخلص امتحانات ههههههههههههههههههههههههههه و كل يوم نديله انذار اننا ح نولع في الاوضه و مش قادرين نستحمل هههههههههههههههههه وهو عامل حظر تجول و مانع اي حد يدخلها تماما للنظافة ههههههههههههههه قال ايه ح نخل بالتوازن البيئي اللي هو عامله هههههههههههههههه جتك القرف يا معفن هو انت خليت فيها اي بيئة دا الدبان يقرف يخشها هههههههههههههههههههههه

بس هو الصراحة كل يوم جمعه بيعمل عليها تنظيف قبل ما اجي علشان عارف اني ما بالتزمش بحظر التجول بتاعه ههههههههههههههههه
المهم ماما قالت له اخر يوم في الامتحانات ترجع زي الباشا تشيل المراتب و تطلعهم البلكونه و تطلع الهدوم كلها من الدولاب و تطبقهم و تقوللي ده عايز غسيل و تمسحها و تطهرها بكلور و ديتول هههههههههههههههو هو يقول حااااااااااااااااضر

بس قلت لكم الموجز و مش عارفه ح اعمل ايه النهارده بس محمد بيقوللي عايز يا كل فته برضه هههههههههههه شكله ح يدمن

مرحبا بيكى يا زهرة 77

شيماء
فعلا معاكى حق فى اننا لازم نبقى حازمين مع اولادنا وان لما نقول مينفعش نعمل الحاجة دى يبقى فعلا مينفعش لان اخرة الدلع مش كويسة وهاتيجى على دماغنا ف الاخر