اخواتى بالنسبه للشبه انا كنت مرتاحه عليها جدا واستخدمتها فتره طويله لكن زوجة اخى حذزتنى منها ما اقتنعتش لحد ما سمعتها من كذا دكتور فى اكثر من قناه وحتى قريتها على النت فياريت تسالو وقولو لى لو ما فيش منها ضرر ارجع لها تانى على فكره انا عمرى 35 وعندى ثلاثة ولدين وبنت وكنت عامله غدا خفيف من بليل قطعت صدور الدجاج مكعبات وعملت خلطه طلعت حلوه جدا ثوم وزبادى وطحينه وبقدونس بدون عدان ملح خل ليمون فلفل بهارات وكله ضربته فى الخلاط وتركتها من باليل والصبح فى صينيه وغطتها بفويل وفى الفرن قعدت نصف ساعه ومعاها مكرونه وسلطه عباره عن برغل منقوع ومصفى وحمص الشام مسلوق طماطم فلفل بقدونس وممكن بصل بس بتعب منه ما حطيته ملح ليمون زيت زيتون ده غدانا اليوم وياريت فعلا فكرة الجدول لان عمل الاكل سهل كتير من اختيار حا اعمل ايه بالنسبه للكبه انا عندى براون ممتازه ما بقدر استغنى عنها بس هى مش حلوه فى فرم اللحمه زى الجزار المفرمه الكهربائيه افضل فى فرم اللحمه وكمان الخلاط اليدوى ال هو على شكل عصايه ممتاز جدا وعملى فى ضرب كل شىء اسهل من الخلاط العادى وتنظيفه سهل جدا

انا رجعت لكم تانى لان النت شكله ناوى يخرب قلت الحق افضفض معاكو بمشروع نفسى اعمله لكن مش حا ينفع اعمله غير لما استقر فى مصر بس جات فى بالى فكره وانا بعمل الغدا ان احكى معاكم فى مشروعى لان ممكن انكم تنفزوه بسهوله ادخل فى الموضوع اكيد كلنا بيكون عندنا اوقات فراغ وملل ومشاكل وامراض واولادنا ربنا يهديهم ما فيش حد مش بيشتكى من اولاده على اختلاف اعمارهم فمشروعى ده ممكن يحل مشاكل كتير لانك حا تلمسى ثمرته فى حياتك انا نفسى ربنا يرزقنى بمال وفير ويعلم الله انى صادقه فى النيه انى اعمل دار ايتام وزوجى كان عنده تحقيق صحفى وعمله فى دار ايتام هنا فى البلد الى احنا مقيمين فيها رجع متاثر جدا قال الدار فيها رعايه غير عاديه نظافه واهتهام ورعايه صحيه من اكفا الاطباء ملاهى داخل الدار بيخرجوهم فى مطاعم ومتنزهات ورحلات عمره وبيسفروهم رحلات لمصر وبلاد كثيره يعنى اهتمام غير عادى فسال المشرف يا ترى ايه مشاكلهم فبكى المشرف قال له مشكلتهم ان انا بالنسبه ليهم بابا وانا موظف ممكن اتنقل لاى مكان فبكون الامر ماساه بالنسبه ليهم انهم فقدونى والمشكله تتكرر مع غيرى يرطبتو بيه ويحبوه وممكن يمشى وسال مدير الدار ايه مشاكلهم قال له هما مش محتاجين اى رعايه ماديه لانها متوفره جدا هما محتاجين رعايه نفسيه امنيته انه يرجع من الامتحان يلاقى حد يسال عنه عملت ايه لما ينجح يلاقى حد يشاركه فرحه فعملو مشروع اسمه ابو اليتيم وهو ان يكفله نفسيا وليس ماديا الشخص هذا يزوره فى الدار يسال عنه فى التليفون ويكون ابوه ويتولى شاونه وحل مشاكله فياريت تفكروا فى الموضوع ده لو مش قادره تكفلى يتيم ماديا اكفليه نفسيا زوريه فى الدار لو الدار بعيده والامر صعب خليكى على اتصال بيه فى التليفون اسالى عنه شاركيه فرحه وحزنه وتعالى شوفى الثمره حا تكون ايه اولا صدقه جاريه مصاحبة الرسول صلى الله عليه وسلم فى الجنه والثمره فى الدنيا كلنا نشتكى من اولادنا على طول زهقانين مش عاجبهم حاجه لا اكل ولا لبس كل حاجه معترضين عليها فلو اخدنا اولادنا معانا الدار حا يحس بالنعمه ال هو فيها نعمة الام والاب والاستقرار يحافظ على العابه عشان يهادى بيها اخوه فى الدار لو عندك مشاكل او مرض لما تروحى وتمسحى على شعر اليتيم حا ترجعى بنفسيه مختلفه وحاسه ان مشاكلك هينه اى وحده اتاخرت فى الانجاب هما اكثر ناس محتاجين مشاعرك الفبياضه محتاجين امومتك وحنانك ياريت تفكرو فى الموضوع وعلى حسب امكانياتك الماديه حاولى لو مش عارفه ماديا خليه ماديا اتمنى تجربو وتنفذوا الموضوع لو عندك ملابس من اولادك جمعيها من العيله والجيران هما اولا بيها ياريت نتناقش فى الموضوع ولو فى ايجابيات قولو ولو سلبيات اتمنى تفاعلكم

انا حبيت اوضح نقطه ان انا مش عارفه احقق امنيتى هنا لان الوضع هنا مش زى مصر يعنى صعب انى اركب تاكسى واتنقل بحريه لفقدان عنصر الامان وبعد الاماكن لكن يعلم الله نيتى وشوقى للامر لكن اوصيكم من تستطيع تنفيذ الفكره تتوكل على الله لو مش قادره انشرى الفكره لمن حولك ولك الاجر



أنا نقلت الموضوع إلى هذا الرابط
http://forum.hawaaworld.com/showthread.php?t=1294306

ايه يا عطر الكوارث ديه اللى ابنك عاملها
الله يكون فى عونك
دة انا اصلى ركعتين شكر لله بقى
وانا كنت فاكرة ان مفيش حد فى شقاوة بنتى
ربنا يهدى ليكى ويهدى ولادنا وولاد المسلمين اجمعين

بالنسبه ليومياتى طومى نامت على الكنبه فى الصاله الصبح فستغليت الفرصه
ودخلت على اوضه النوم ونضفتها حلى وشيلت كل الكراكيب ورميت كل حاجة مش محتاجاها
والدواليب كنت عاملاها من فترة
يعنى الاوضه دلوقتى عال العال
عقبال الصاله والصالون
ادعولى بقى الميه تيجى لحن بقالها يومين متواصل مش بتيجى وكل الميه اللى شايلها خلصت
عندى كمية مواعين مش عارفة ديه عتتعمل ازاى
بالنسبه لاكل عملت مسقعة وبطاطس محمرة
كنت ناويه اعمل كشرى بس مفيش ميه والحلل كلها وسخة
تخيلوا
والله تعبت جدا من موضوع الميه ديه
سلامى لكل البنات

السلام عليكم
ازيكم يابنات عاملين ايه

شكلكم نسيتوني

محدش سئل عني
انا زعلانة ربنا يسامحكو