ازيكو يا بنات عاملين ايه وحشتونى جدا - ازيك يا انجى وحشانى وشكرا على سوءالك عليا
معلش الكمبيوتر كان فيه مشكله و مكنتش عارفة ادخل النت ولما اتصلح دخلت وقريت كل يومياتكو الأول
عايزة احكيلكو على عيد ميلاد مريم - اشتريت كل حاجة من برا بأسعار معقولة وكان هو ده موضوعنا لو فاكرين
وجبت الزينة البلالين والزمامير والفرافير ولوازم الأطفال فى انتظار الأطفال اللى حيجو مع مهمهاتهم ويلعبو مع مريومة
اللى حصل باختصار ان الأطفال اللى كانو جايين اتأخرو مع ماماتهم اللى جالهم ضيوف فجأة واللى اتأخرو فى السكة
وماجوش بدرى قولت مريومة تلبس وتتصور شوية معانا ومع التورت و شوية حركات بتاعة أعياد الميلاد
ونطفى الشمع أما يجى باقى الضيوف
لبست مريومة واتصورت كام صورة :27: ومعيطتش ولا حاجة من اللى كنت خايفة منها
وبعدين راحت فى النوم :04: وهى على أيدى قبل ماتتصور مع التورت
وأحاول انى أصحيها مافيش فايدة أبدااااااااااااا ماصحيتش
وكان الوقت بدأ يتأخر :time: قولنا نطفى الشمع
ووزعت الطراطير والبلالين والماسكات على الكبار والطفلين اللى كانو موجودين
وطفيت الشمع ومريم نايمة لأنها حلفت براس جدها الأعظم ماهى صاحية
وبعدين بدأ يجى ناس متأخر وجم الأطفال -اللى كنت زعلانةانهم جايين متأخر-
وابتدا العياط من ابن واحدة صاحبتى عنده سنتين ونص عياط متواصل
وأطفال تانى من اللى جم بدأو يفرقعو البلالين ومهرجان مش عارفة اسيطر على حاجة
وبعدين مريومة صحيت على الهيصة دى وعيطتلها شويتين من نفسهااشمعنى هى
وده ياولاد كان عيد ميلاد مريومة كان لازم احكيلكو عليه عشان العبرة والعظة هههههههههه
انكو متعملوش عيد ميلاد قبل الطفل مايكمل 20 سنة يكون واعى وفاهم هههههههههه
وفى الآخر بعد آخر ضيف مامشى قعدت أغنى أغنية المطرب المشهور
أحمد زكى اللى غناها فى بداية فيلم مستر كاراتية
توبة إن إن - توبة إن إن
ازيكو يا بنات عاملين ايه وحشتونى جدا - ازيك يا انجى وحشانى وشكرا على سوءالك عليا
معلش الكمبيوتر...
المهم انا همشي دلوئت اشوفكو بليل
سلام ياقمرات