مادو

معلش يا حبيبتي من التوهه نسيت اقوللك على حاجة

بصي بالنسبة للاكل طبيعي ان كلنا بنحب اكل ماماهاتنا اكتر من اكل اي حد في الدنيا

بس بالنسبة للنفس هو فيه كذا حاجة كده انا اتعلمتها بالتجربة

لو بتعملي طبيخ

اهم حاجة كتري البصل و الطماطم هو ده اللي بيفرق في الطعم

و فيه لعبه كده باعملها
الاول باخد البصل مع السمن لحد بس ما يطرى و بعدين تضيفي الخضار (اي نوع خضار بطاطس-بسلة-لوبي..................) و تقلبيه شويه معاه علشان ياخد من الطعم
و بعدين لو بتحبي تضيفي ع الطبيخ توم تضيفي و قلبي تقليبتين و بعدين ضيفي الطماطم او الصلصة اللي تحبية

بس برضه ح اقوللك على حاجة كمان في الصلصة

ما تضيفيش الكمية كلها مرة واحد ه خلي شوية باقيين لنصف السوا بتاع الخضار تقريبا ثم ضيفي باقي الصلصة

صدقيني بتفرق في الطعم جدا

مش عارفه لو ينفع تجربي كده

و بالنسبة للثلاجة

انتي عارفه ان طعم الاكل بيتغير علشان انتي مش بتغطيه و علشان كده بينشف حلوة الفكرة اللي البنات قالوها بتاعه البلاستك دي عمليه جدا و حلوة
و بجد احسن ثلاجات فعلا هي توشيبا
حلوة و ماشاء الله اعطالها قليلة

عايزة اقوللكم على حاجا ت جديدة عرفتها في الختمة امبارح

هي جديدة بالنسبة لي ع الاقل

اولا ان يوم الجمعة لازم نكثر فيه من الصلاة على سيدنا النبي
لانه صلى الله عليه وسلم هو اللي بيرد علينا الصلاة اليوم ده بالذات

صلى الله عليه و سلم

كمان ليه بنقرا سورة الكهف

طنط قالت لنا ان المؤمن اي مؤمن لازم يكوزن عنده كهف يحتمي بيه في الزمن بتاعنا ده

بصوا انا مش عارفه اقول بالظبط اللي هي قالته بس ح احاول

بتقول ان الفتية دخلوا الكهف ليحتموا من الشرك اللي كان حواليهم وربنا جعلهم ايه و حماهم فاحنا لما نلجا لربنا و نحتمي بيه سبحانه و نحتمي بالمؤمنين ح نبقى زيهم
و ربنا سبحانه يزيدنا ايمان
و ان اللي يتدبر سورة الكهف يلاقي ان كل القصص فيها عبر و حكم و اتباع ناس لناس صالحين و انبياء فلازم نتبع الصالحين
بس

اه قالت كمان حاجة فرحتني اوي انا مش عارفه هي حديث ولا لا

بتقول ان لو فيه مجلس فيه ناس كتير
و كلهم منافقين و فيهم مؤمن واحد بس
ودخل مؤمن المجلس ده ح تلاقيه تلقائيا راح للمؤمن اللي زيه

والعكس لو فيه مجلس كبير كله مؤمنين و فيه منافق واحد
و دخل منافق ح تلاقيه راح للمنافق و قعدوا مع بعض

و احسبنا ان شاء الله على خير كلنا ف علشان حبينا بعض اوي

ان شاء الله نكون كلنا من اهل الايمان

شيمو .....كل كلامك النهاردة جميل اوى ..........ايه يا بنتى الحكمة دىكلها
مامازوزو.....مستنيين منك معلومات اكتر واكتر.....مش انتى مامتنا....وعندى ليكى سؤال "لو عندى مشكلة ممكن اكلمك على الخاص علشان اخد رايك فيها"
نانا... وحشتينا والله
mado
فطوم
om mariom
سما
عطر
عروس النيل
وباقى البنات بحبكو جدا جدا جدا..............
يلا سلام

ممكن ياستات البيوت ياشطور حد يقولي ازاي افرز المشمش عايزه اخزنه في الفريزر وكمان عايزه حاجه تبيض الملابس البيضا

شيماء حبيبتى .. انا من منيا القمح بس بيني وبين الزقازيق 10 دقايق ويمكن اقل .. انا كل طلباتى من هناك .. بس يا ترى اهل مامتك ساكنين فين فى الزقازيق بالضبط .. عشان لما اعرف انك عندهم اجيلك علطول .