يسعد صباحكم جميعا

ومش هسلم
عشان كتر السلام يقل المعرفة

النهااردة انامسحت الشقة كلها بجاز اول مرة انا دايما بستخدم الكلور بس
الاتنين حلوين والتغيير مطلوب
وعملت رز بالشعرية وفراخ وملوخيية بس بشربة اللحمة بتاعة انبارح
بس انها بتبقى احلى باللحمة

وعملت سمبوسة مين فيكوا بيحبها

وفضيت شوية
جبت شوية اسمنت ابيض عندى على شوية ماء
ورممت مابين السيراميك
عشان بيطلع من الفلاش
واكتشفت خرم نافد على بلكونة المطبخ سديتة والحمد لله
اصلى بقالى اسبوع كل يوم الاقى صرصار كبير فى المطبخ ومكنتش عارفة بيجى منين
اكيد من الخرم ابن الاية دة
وطبعا مسحت الطربيزات والتلفزيون وال.......ززز
اصلى فاتحة البلكونات علطول واللى يحصل يحصل
ومبحبش التكييف الا فى الضرورة مع الرطوبة

شوية فضفضة
باى باى

شيماااااء
مرضتيش على سؤالى بالنسبة لتصفية الطماطم
فى فرق؟؟

و الله مادو مااخدتش بالي انه سؤال معلش

اه يا حبيبتي

فيه فرق كبير طبعا في المجهود و الكمية فعلا

لما بتسلقي الطماطم الاول طبعا كمية القشر اللي بتطلع طبعا بتكون اقل بكتير من لما بتكون نيه

مش ح تصدقي ان الحلة دي فيهااكتر من 10 كيلو

عروس النيل .. ماشاء الله جارتك باين عليها ست بيت نمرة واحد .. وعندك حق البيت لو منظم ومترب بجد بيبان انضف من البيت امكركب حتى لو بيلمع من النضافه .. تنضيف التراب والمسح عندى والله اسهل من لم الكراكيب والهدوم .

وحشتونى جدا جدا .. النهارده ماعملتش حاجه طول النهار غير نشرت الغسيل ولميته وطبقته ويادوب سلقت اللحمه وعملت طبق شوربة خضار عالسريع .. هشام زاد عليه البرد قوى وابتدا جسمه يسخن .. ويادوب راح فى النوم قلت امسى عليكم .. احمد بيسلم عليكو كل ما يشوفنى عالنت يقولى بتكلمى اصحابك يا مامى ؟ طب بوسيهم بقى .. مصر ينام جنب باباه .. خلاص النوم احلو دلوقتى وانا كل يوم بابوس ايده عشان ينام الضهر شوية ولا يرضى .. انا بس خايفه يتعدى .. اخر النهار هننزل للدكتور او يمكن ما يقدرش ينزل يبقى هانطلب الدكتور هنا .. برد الصيف مشكلة فعلا احد من السيف ادعولي ربنا يشفى حبيبي يا رب .