نانا___الف مليون سلامه على هشام و بجد برد الصيف بشع ربنا يستر على ولادنا


مادو _____ايه يا بنتي الكلام الكبير ده ؟؟؟؟يعني شطاره و سناعه اهو ؟؟؟ماشاء الله انا مش بحسد بس بحب ارذل عليكي شويه هههههههههههه


شيماء -----مش ممكن مش مصدقه تدخلي من غير ما تسالي عليا؟؟؟؟؟دانتي الوحيده اللي واخده بحسييييي اهئ اهئ اه يا ظلومتي اهئ اهئ



ماما زوزو___حبيبه الكل انا واثقه ان ولادك اسعد ناس في الدنيا عشان انت امهم ربنا يخليكي ليهم و لينا



مدام وائل____انا بعثلك رساله ياريت تكوني فهمتيني و بليييز متتاخريش علينا



سما-سهاب_____فينك بقى لك مده مش باينه


عروس النيل______نصائحك كلها جميله و ميرسي انك عملتي انتر


ايجيبتي____يلا تعالي طمنينا ولو بكلمتين



ارحموا حالي____ان شاء الله تكون ازمه و تعدي المهم انك تكوني دائما اقوى عشان الولاد



باقي البنات كلكوا واحشني جدااااا و متابعاكم مرتين في اليوم و بطمن عليكوا دائما


انا لا جديد الحر مهمدني جدااااا و التكييف مكسرلي جسمي و الواحد مش عارف يعمل ايه في الجو ده
و المشكله كمان الرطوبه فظييييييييييعه لدرجه اطلع من الدش عرقانه

النهارده عملت بيتزا و طلعت تحفه لاني زودت لها حاجه شفت الشيف حسن عملها

بعد ما حطيت كل المكونات و قبل الفرن ارش عليها زيت زيتون و رشه زعتر
و بجد فرقت فرق رهيييييييييييييب بقت زي بتاعه السوق الجبنه سايحه و بتشد و منشفتش خالص

على فكره بقيت اعمل كميه كبيره من العجين و اشيله في الفريزر ووقت الزنقه اطلعها و اعمل بيتزا بجد طريقه مريحه جداااااااااااااااااااااااااا

و ربنا يخليكوا ليا لانكوا انتوا اللي علمتوني اعمل كده


يلا سلام يا قمرات

نانا
الف سلامه على زوجك ربنا يتم شفائه على خير ومتزعليش ياسيتى دة كله فى ميزان حسناته ان شاء الله

ماما زوزو
الله يخليكى لينا يا رب ما شاء الله عليكى عطاءه بدرجة كبيرة ربنا يجزيكى عنا كل خير

مادو
عطر
الرمال الناعمة
عروس النيلازيكم يا قمرات

شيماء
فعلا يا شيمو الحمل عامل عاميله ربنا يرزقك يارب بس من غير ما يعمل عميله وتكونى فى اتم صحة وعافيه

طبعا معملتش اكل النهردة لانى مبقيه اكل من امبارح
كنت ناويه اعمل النيش بس صحيت من النوم مكسرة جدا مقدرتش خالص
بس عملت كيكه علشان طومى حبيبه قلبى وطبعا كلتها انا وهى باعينى حتيتين بس اللى كلتهم طول النهار

على فكرة انا كنت الاول بعملها كيكة وبسبوسه كتير ومكنتش باكلها اى حاجة من الشارع خالص ولا كيكه ولا بسكويت
ولا شيبسى وكانت كويسه وبتاكل كويس حتى لو كترت فى اكل الكيكه
ومن ساعة ما حملت وانا مش بقدر اعمل اى حاجة طبعا فبقيت استسهل واجيبلها البسكوت والكيكات الجهزة
من ساعتها بتاكل بالعافيه دة ان كلت اصلا
فبحاول ارجع زى الاول وجبلهاش حاجة من برة لانها خست جدا وتحت عينها اسود وبقى شكلها صعب خالص

ونزلت اخر النهار علشان اجبلها حذا علشان فرح عمتها وبعدين طلعت على ماما
وجه زوجى اخدنى من هناك وعشيته سندوتشات جبنه بطماطم
شوفتو شطارتى ست بيت درجة اولى
بس هى دى يومياتى اللى طبعا مش هتفيد حد منكم خالص
بس اهو الواحد بيستريح لما بيتكلم مع ناس بيحبهم


احبكم فى الله

فطوم ربنا يكمل لك على خير
فعلا البسكوت والحاجات الجاهزه ما بتخليش الاولاد تاكل وكفايه مصيبة المواد الحافظه
طبعا الحمل كل يوم بحال فحاولى اليوم ال تكونى فيه كويسه تعملى حاجات لبنتك تنفع للزنقه
بس كفايه انها تكون مضمونهانا منتظره صلاة الفجر لكن قلت اطمن عليكو قبل ما انام
اقول لكم على تجربه حلوه انا كنت منتظمه على ركعتين قيام كل يوم قبل ما انام لامنى كنت بخاف تروح عليا نومه والشيطان يكسلنى
وكنت نفسيا مرتاحه جدا لكن الشيطان كسلت فتره
كنت نفسيا تعبانه ومش عارفه السبب وعلى طول مخنوقه
بما اننا فى اجازه وطول الليل سهر قلت فرصه اصلى كل يوم ركعتين لان احب الاعمال الى الله ادومه وان قل
اقسم لكم اخواتى انى نفسيتى تبدلت تماما هدوء نفسى وراحه لا يمكن وصفها يعلم الله انى احبكم فى الله جربو وستجدو الفرق
الاسواق هنا مغريه جدا كنت بخرج شراء وفسح وتسوق لكنى كنت غير مرتاحه نفسيا
ومحتاره نفسى اعرف السبب حتى اتغلب على حالة الاكتئاب لكنى الحمد لله عرفت السر وان شاء الله
لن اتركه ابدا جربو وطمنونى بالنتيجه تصبحو على خير

ما شاء الله عليكى يا عروس النيل
كل اقتراحاتك مفيدة وكمان سهله
سواء عن الدنيا او الدين
جعله الله فى ميزان حسناتك ان شاء الله

ازيكو كلكو مش عايزة أقول أسامى عشان منساش حد

عاملين ايه فى الحر و الرطووووووبة حاجة صعبة قوى

آخر أخبارى بشتغل فى البيت الحاجات الضرورية
و معنديش طاقة للتنظيف العميق
عملت كمية صلصة للأستعمال خلال الأيام اللى جاية
وفرمت بصل وحطيته فى الفريزر سهل عليا كتير

على فكرة صحيح مجتش فرصة أقولكم على ال cv بتاعى
أنا أسمى هبة خريجة هندسة أسكندرية
وعندى بنت عندها سنة اسمها مريم
عندى 30 سنة-مشتغلتش قبل كده
بس الكام يوم اللى فاتو حاسة انى عايزة اشتغل
عشان أما بشوف واحدة بتشتغل بحس
ان أنى من الحفريات على رأى نانا

على فكرة أنا بدأت ريجيم من أول الأسوع مين حيشجعنى
بعد الولادة زدت حوالى 20 كيلو معرفتش أنزلهم
وخايفة مقدرش أقاوم مغريات الصيف

صحيح فينك يا إنجى مش هنروح نادى سموحة مع بعض
ونبقى أول اتنين يتقابلو سوا ولا رجعتى فى كلامك

-ماما زوزو -
عايزة منك وصفة لبنتى شعرها خفيف جدا هى عندها سنة واحدة
يعنى لو فى وصفة مخصوص لشعر الأطفال ياريت تشوفيلى
وشكرا مقدما