سجاياا34 :

انا بالنسبة لاسم ابوي خلاص خلصت منه لأن ولدي حمد هو صح مسميه على ابوه بس انا بعد اسم ابوي حمد.. ابوي وابوه نفس الاسم. بس هو بالنسبة له كسب اسم ابوه خلاص خلصنا من سالفة ابوي وابوه.. الحمد لله 💓 شكرا لك لولو.. العشر مباركه علينا وعليكم يا رب 💓

انا بالنسبة لاسم ابوي خلاص خلصت منه لأن ولدي حمد هو صح مسميه على ابوه بس انا بعد اسم ابوي...

lolo1406 :

والله مادري وش اقولك صعبه تعاندينه لانه بيعاند وتتسببين في مشاكل على موضوع تافه .. بقولك سالفة وحده انا مااعرفها بس تقولي السالفه قريبتها ياطويلة العمر هذي وحده جابت ولد وسماه زوجها على ابوه والحين توها والده جابت ولد طبعا قبل لاتولد تعبت وتنومت بسبب السكر والولد تعب في بطنها جلست عنهم ٣ شهور لين ولدت وحطوه في الحضانه لانه جا في الثامن ومتفقين يسمون الولد على ابوها والزوج كان موافق لدرجة طلبت من متجر يسوون لها بشت عليه اسمه مطرز بالزري الذهبي وملابسه مطرز عليها اسمه والقبعه ومهاده والمدس وكلللل شي تتوقعينه مجهزته بمبلغ وقدره مجهزته بالاسم الي متفقين عليه ولدت والولد تعبان المهم طلعت من المستشفى وبشرت ابوها وفرح بالاسم وجا موعدهم بيزورون الولد في العنايه راحت الحرمه مع زوجها نزل قبلها شافه ورجع قالها يلا انزلي وانا انتظرك المهم راحت للعنايه قالت بشوف فلان بولد فلان قالت الممرضه نووو ماما هذا اسم اول جا بابا وسوا اسم جديد انصدمت وراحت تتاكد تقول اكيد مقلب طلعت لها الاوراق والشهاده طلع فعلا نزل قبلها غير الاسم بسبب امه قالت له تسميه على ابوي تخيليييي!!!! والتجهيز والاتفاق الي بينهم المهم الحرمه تعبت وتعب قلبها اتزيمات القلب ارتفعت وتنومت والسكر لعب فيها لان كان معها سكر حمل تخيلي موقفها قدام ابوها شلون بتنحرج الي يشوف مصيبة غيره تهون مصيبته .. انا ماراح اقولك عاندينه وتمم رايك وكلمتك لازم تمشي وووو اذا ماودك بالاسم حاولي تقنعينه باسلوب يمشي معاه مانفع اشتري راحت بالك وصحتك كلها اسم مايسوى وفوق هذا كله استغلي الايام هذي ايام فضيله الدعوات مستجابه باذن الله ادعي ربك ان الله يسخره لك ويهديه ادعي بالي تبينه بالاسم بالهدايه بالسخره بالرزق استغلي هالايام لاتضيعونها ويوم عرفه الله يبلغناه الحي بالدعاء اعتزلي كللل شي عيالك وزوجك سكري عليك باب الغرفه الحالك وادعي وادعي والحييي في الدعاء والله يهديه ويسخره لك يارب ..

والله مادري وش اقولك صعبه تعاندينه لانه بيعاند وتتسببين في مشاكل على موضوع تافه .....

M!ss Rana :

يالله ارتفع ضغطي 😤😤 اقسم بالله لو انا لاروح واتفل بنص عينه واقوله تقلع انت وامك ما انت اخر حبه بمووت عليك مالت على ذَا الوجه اذا صرت رجال وعند كلمتك ديك الساعه ارجع استغفر الله استغفر الله انبطت كبددددي بس فرحة ابوها تكفي نخليها تسوي كذا

يالله ارتفع ضغطي 😤😤 اقسم بالله لو انا لاروح واتفل بنص عينه واقوله تقلع انت وامك ما انت اخر حبه...

سجاياا34 :

بنات بسألكم انا الحين اذا فيني ولد زوجي مختار اسم عبدالله وانا ما اشتهيت الاسم ابي اسميه يزن وش رايكم أرفض بقووه أو استسلم علما انه اسم ولدي الأول حمد هو مختاره على ابوه والبنت ساره هو مسميها على امه والحين هو مختار الاسم على جده ابو ابوه.. وكان قايل البنت الثانيه منيره على جدته ام امه َوش رايكم 🤔 انا منيره هو اللي رافضضضه مرره الحمد لله استسلم أن البنت الثانيه انا اختار اسمها بإذن الله.. بس الولد الثاني ما رفضت مره مع ان ودي أرفض اسم عبدالله مره خلاص هو سما الأول و الثاني مفروض الثالث دوري سواء بنت او ولد.. وش رايكم 🤔؟ هو يوم اسم امه واسم ابوه وكذا كان يهدد إذا ما وافقت يقول الشرع محلل اربع الحين ما هدد مره بس يزعل.. انا قلت له بسميه مازن وعيا قلت بسام وعيا .. الحين مفكره ابدا اقول ابي اسم يزن.. علما انه ما عنده إمكانيات يتزوج ثانيه يادوب راتبه يكفي مصاريفنا ولا شرا لنا بيت وسيارته قرمبع.. بس اذا جاء موضوع الأسماء بدأ يهدد بالثانيه مدري عشان يسكتني من اولها ولا كل هذا إجبار أن رأيه هو اللي يمشي مدري وش سالفته 😪

بنات بسألكم انا الحين اذا فيني ولد زوجي مختار اسم عبدالله وانا ما اشتهيت الاسم ابي اسميه يزن...

الفراشة 12 :

يمممه يا الموقف قسم بالله لا ازعل زعله ما صارت ولا استوت وامه بعد وش ذا الحريم اعوذ بالله الله لا يبلانا معليش حتى لو قالت ابسمي يقول الجاي ان شاء الله هذا خلاص كتبناه وخلصنا بعض الحريم عاشت حياتها وتاخذ حياة غيرها اعوذ بالله معليش بعد زوجها اللي ما يستحي قسم انقهررررت وانا ما لي دخل كيف هي الله يشفيها

يمممه يا الموقف قسم بالله لا ازعل زعله ما صارت ولا استوت وامه بعد وش ذا الحريم اعوذ بالله الله لا...