السلام عليكم 
يسعد لي مساءكم بكل خير 
كيفكم حبيباتي .. يارب تكونون في أسعد حال  
من زمان مادخلت التجمع داومت لأن موظفة وأنشغلت ، الله لا يشغلنا بغير طاعته  
تعرفون وضعي أعاني مثلكم ومتزوجة من 12 سنة وأعاني من فشل المبايض 12 سنة هي سنوات زواجي والحمد لله على كل حال و خلال هذي السنوات نزلت الدورة بشكل طبيعي 4 مرات فقط 
في شي خواتي لازم تعرفونه 
خلال هالسنوات اللي هي عمر زواجي كافحت في كل مكان يخطر ع البال 
عالجت بمستشفيات و عند شيوخ وعند معالجات وعملت الخلايا الجذعية في الأردن وأكلت أدوية و أعشاب وعسل وحبوب أشكال و ألوان كل شي ممكن يخطر ع بالكم 
بس بدون فائدة تذكر 😭
تحليل Fsh دايم عالي و المبايض ضامرة ومافي بويضات
 
 
كنت دايم أبحث في النت عن سبب فشل المبايض بعمر مبكر و إرتفاع Fsh بشكل عالي 
وكنت حاطه في بالي مشكلتي الرئيسية هي في المبيض مو قادر ينتج بويضات 
وعلشان كذا يرتفع هرمون Fsh
وعلشان كذا كمان أرفض أسوي تحليل كل شوي للهرمون وأستغرب من اللي كل شهر تسوي !!!








عملت تحليل الكروموسومات و عملت تحليل الغدة النخامية  والأجسام المضادة والغدة الدرقية 
جلست 2 سنتين أعاني من هرمون الحليب كان يوصل 100 أحيان وبمجرد ماحجمت عنه شفيت منه 
وحتى الغدد الصماء ممكن تلعب دور بفشل المبايض ورحت دكتورة غدد صماء وشرحت لها الوضع وأكدت لي ممكن أمراض الغدد الصماء يكون لها دور بالفشل والحمد لله ماطلع عندي مشكلة




وكنت أتجاهل سبب واحد للي أنا فيه 😔
وهو الأمراض الروحية ( المس . العين . السحر ) كنت أتجاهلها في بحثي عن العلاج !!!!!!
وللأسف هي السبب الرئيسي في حالتنا 
لأن إذا ماكان في خلل بالكروموسومات و أورام بالغدة النخامية و الغدة الدرقية و غدد صماء و أجسام مضادة
راح تكون إهي السبب ( الأمراض الروحية ) 




وأنا متأكدة غالبيتكم هي السبب في فشل المبايض المبكر وإرتفاع هرمون Fsh

وفشل المبايض المبكر و إرتفاع Fsh عندي بسبب المرض الروحي 
وعارفه هالشي وعالجت وأخذت بالأسباب 
في بداية زواجي أصبت بعين حسد + إعجاب وطبعاً معاها مس
رحت للشيوخ أكثر من شيخ عالجت عنده أسمع بشيخ أروح ما أنتظر 
وأستخدمت الماء و الزيت المقري عليه و الرقية الشرعية
والحمد لله ع كل حال شفيت من العين بأخذ الأثر
لكن بقي المس !!!
والمس مستقر عندي في الرحم 
وفعلاً إذا كان في مرض روحي  مايستجيب الإنسان  لعلاج المستشفيات
ولاحظت هالشي فيني 
مافي شي كنت أسمع إنه مفيد للمبايض إلا وآكله 
أي شي ( عسل . لقاح النخيل . بردقوش . بذرة الكتان . الداهيه .............
حتى تنشيط بالإبر و كلوميد جربت 
بس أسوي تحليل لهرمون Fsh تجيني صدمة  عاااااااااااالي 




الله يجبر بخاطري 😔😔😔
تذكرت بيوم قررت أسوي برنامج طب البديل وأستمر عليه مدة شهر وأسوي بعدها التحليل
وإذا لقيت Fsh نازل راح أبتدي كورس ( أنابيب ) 
وأتفقت مع إستشاري ع هالشي وقال لي الله يرزقك يا بنتي 




العلاج 
كل صباح ع الريق آكل 7 حبات حبة سوداء ( شفاء من كل داء إلا السأم ) 
وبعدها كوب حليب كنت أحط فيه ملعقة صغيرة لقاح النخيل وأحركها وأشرب 
وقبل لا أنام نفس الشي كوب حليب كنت أحط فيه ملعقة صغيرة لقاح النخيل وأحركها وأشرب 




مدة شهر كامل + حبوب البروجيلوتون علشان تنزل الدورة وأسوي تحليل 
وقبل العلاج كنت متفائلة جداً 
وبعد الشهر نزلت الدورة ورحت طيران عند الدكتور وسويت التحليل قال بعد 3 أيام تعالي 
خذي موعد معاي وبإذن الله نبتدي كورس علاج 
جيت بعد 3 أيام ودخلت عند الدكتور ومرة متفائلة طالع الدكتور في النتيجة 
وطالع فيني نظرات شفقة و حزن وقال لي أش البرنامج اللي أتبعتيه هالشهر 
قلت له البرنامج قال والله يابنتي تحليل Fsh ( 76 ) 😱😱😱
قلت تأكد ي دكتور يمكن غلطان مسكين حسيت كسرت خاطره وحزن علي 
قال هذي النتيجة الهرمون عندك ( 76 ) 
يابنتي الله قادر يشفيك منه راجعيني بعد 4 شهور 
شقول لكم حسيت وقتها بصدمة أشبه بالإنهيار خرجت من عنده وتمنيت ما رحت للموعد
تمنيت زوجي ماكان معاي 😖😖😖 




رجعت البيت خليت زوجي لين طلع من البيت 
وأنفجرت صياح وبكيت من قلبي 
غصب عني لاتقولون ليش تصيحين غصب والله العظيم غصب 
هذا الموضوع له سنتين وبعدها قررت ما أروح مستشفيات 
وما أحلل هالهرمون ومن الأساس ماكنت أحلل كثير أجلس 7 و 8 شهور لين أحلل
وحتى الأطباء ماكنت أروح كثير لأن يطردوني بس بأدب 








وكل مرة أقول المس مستقر عندي في الرحم بأمر الله سبحانه 
شلون راح أستجيب لأي علاج ؟؟؟؟؟؟

أنا ماقلت كل هالكلام إلا علشان أفيدكم 
ومتأكدة الأغلبية مثل وضعي ( مرض روحي ) أياً يكن ( عين . مس . سحر )
وأنصحكم نصيحة لوجه الله عالجوا المرض الروحي فيكم
ولا تضيعون وقتكم بالإبر والتنشيط والمستشفيات  
لأن المرض الروحي هو سبب فشل المبايض المبكر وإرتفاع هرمون Fsh 




وكلامي مايشمل اللي عندها مشكلة في الكروموسومات / أو أجسام مضادة /
أو مشكلة بالغدة النخامية أو الدرقية أو الغدد الصماء / 
لأن علاج المشكلة يسهم في الشفاء بإذن الله 




 أتذكر وحدة من الأخوات كانت في وحدة من تجمعات هرمون Fsh 
الله يذكرها بالخير عندها نفس المشكلة فشل المبايض المبكر و إرتفاع في هرمون Fsh
بس كان عندها أجسام مضادة هي سبب الفشل وإرتفاع الهرمون 
وبمجرد ماكانت تآخذ الكورتيزون ع طول تنتظم الدورة الشهرية عندها وتشتغل المبايض
يعني لها علاج ماشاء الله بس ماكانت تقدر تستمر 
لأن الكورتيزون أتعب صحتها وزاد وزنها بشكل هائل 





الشي الوحيد اللي ما جربته الكورتيزون 
أشوف البعض جرب الكورتيزون وجاب نتيجة 
وأنا صحيح عملت تحليل إجسام مضادة بس في أجسام مضادة كثيرة
وأفكر أحيان آخذ أخف نوع و بخاخ يكون وأجربه بس ما تجرأت لحد الآن 

اسال الله العظيم رب العرش العظيم ان يشفينا جميعا

الله يشفيك ويرزقك

انا مثلك اقول اكيد السبب سحر او عين او مس....طيب كملي علاجك بالرقية استمري وحجمي بعد الرقية عشان يطلع السحر والعين مع الحجامة

انا اخذ ثلاث كبسولات يوميا من عرق السوس شاريتها من جي ان سي...لان عرق السوس يحتوي على كورتيزن طبيعي ...