انا و الله دايم اطنش و ما ارد اسوي نفسي ماسمعت و ما أزعل منها
بس يمكن هذي المره تضايقت لأني حامل و قاعده احاتي ولدي و شايله هم الروحه و التعب في المستشفى و هي الله يهديها من اول ماشافتنا وهي تعلق على ملابسه 😣
لا و ازيدكم من الشعر بيت 😅 انا اخترت اسم جمانه لبنتي اللي بتجي إن شاء الله و زوجي عاجبه وكل العيله صاروا عارفين الاسم وهي يوم سمعت الاسم عفست وجهها تقول لا سموها وضحى و الا ضحى علشان يكون قريب من اسم اخوها 🙄 شنهو جيمانه << ( يعني انها مو عارفه تنطق الاسم)
مع ان عيالها ماتدخلت في اسماء عيالهم و سموا اسامي غريبه للحين ماتعرف تنطقها عدل 😅
بس و الله ماهمني موضوع الاسم لأن مردهم بيتعودون عليه بس اللي اخاف منه انها تعاند و تناديها بعدين ضحى لأنها مسويه هالحركه مع بنت اخوها البنت الحين في الثانويه و للحين ماتناديها الا بالاسم اللي هي تبيه و البنت مسكينه عادي ترد لانها عارفه انها هي المقصوده 😅
انا و الله دايم اطنش و ما ارد اسوي نفسي ماسمعت و ما أزعل منها
بس يمكن هذي المره تضايقت لأني...
وام زوجك ماعليك منها اهم شى طنشي هم كذا الكبار الله يهديهم