حكـاية قلـب♥️ :

السلام عليكم 💖🌸 مساء الخيرات ياكروشات.. اخباركم ان شاءالله الكل بخير ياارب 💕 والله هالفتره تعبت تعب 🤕 مايعلم فيه غير رب العالمين الالم وصل حتى من خلف ظهري احسه مثل الخنجر من جهة المعده من وراء ونزل باعظااامي اون ون منه ليل ونهار من غير الاستفراغ الي ماوقف ومن غير النفسيه الي ابككككي بكاء من حرقه قلب وقهر واكتئاب بغيت اموووت منه لان اصلا النفسيه ماثره عليا والحمدلله على كل حال يارب وللآن تععبانه وربي 😢😔 اشكر كل من دعت ليا الله يسعدكم ويوفقكم ولايريني فيكم اي مكروه ويتمم ليا ولكم على خير يااارب ويارب يتمم لام خالد على خير وتشوف جنينها سليم معافى كامل خلقته لازياده ولا نقصان يااارب وتفرح ام عبدالملك بشوفة جنينها سليم معافى كامل خلقته لازياده ولا نقصان يااارب وطمن قلوبهم وتشرح صدورهم ياارب وتفرح اختنا جومانه بسلامة ولدها وهو بصحه وسلامه وعافيه يارب ويتمم على الكروشات ويقومهم بالسلامه يارب والحمدلله على سلامة التعبانات ياارب اختي غيووم تغاضي عن امك وتجاهلي حركاتها والله مافي مثل الام لاصار لها شي الوحده تندب حضها بريها واسكتي عنها والله كله باجره وتغاااضي عنها كثير ولاتتدققين بحركاتها ومشي الدنيا والله يبيلها صبر وتحمل 😔 والحمددلله لرب العالمين 💕 والله افكر اترك التجمع 😭😭 من النفسيه الزفت والظروف الخايسه والضغوووط الي احسها بس اممانه اذا مادخلت وطولت عنكم ادعوولي بظهر الغيب لاتنسوني من دعواتكم الله يسعدكم حبيباتي 💞♥️

السلام عليكم 💖🌸 مساء الخيرات ياكروشات.. اخباركم ان شاءالله الكل بخير ياارب 💕 والله هالفتره...

غـيوم :

امي غيرر مستحيل فيه ام مثلها قلبها مثل الحجر تخيلي انا بالغرفة ابكي وهي بالصالة مشغلة اغاني وتترقص وتجي تترقص وتهز وتضحك قدامي وهي تشوفني منهارة بكي حامل عقب بطى ومثبتات وجاية من سفر لها وماراعتني ولا رحمتني

امي غيرر مستحيل فيه ام مثلها قلبها مثل الحجر تخيلي انا بالغرفة ابكي وهي بالصالة مشغلة اغاني...

ام منار ١٤١١ :

والله مدري وش اقول بس يمكن ماعندها اسلوب يمكن تبي تضحكك يمكن ماتعرف تعبر يمكن اسلوبها وطبعها كذا اكيد مو كره لك بس فيه ناس ماتعرف تعبر ومن خوفها تتكلم زي اختي اليوم زوجها حيوان من العيد ماشرا لبناته ملابس وماعندهم وهم صغاررررر يعني كل شهرين ٣ تتغير مقاساتهم بذات ام سنه ويوم شفتها اليوم قمت ع اختي وش ذا اللبس الي عليها لاحلاقه ولاقص شعر ولاترتيب ليه كذا حالها وهي تطالع وساكته وانا من القهر طلعته فاختي منقهرررره ع حال بناتها ، وهي مابيدها شي يمكن هي من الثهر والخوف تقول كلام بس ترا منقهره وخايفه ربي شال الحنان من عندها ماتعرف تعبر ولا والله خايفه عليك وماشغلت الاغاني تكيد لك انتي بنت بطنها فرحتها فيك زي فرحتك الحين بحملك فيه امهات فيهم قسوه بس ولو يحبون عيالهم بعدين ليه ماتقولين لها الجنس منقهره يمكن بنتها وتخبي عنها بدات لو اول مولد لك انا تراني معك ماني ضدك بس احاول افهمك طبع امك وترا طبع امي اشد واشد واشد الله يعينا بس وربي كنت انقد اسلوب امي ودايم ازعل والحين كبرت وصرت نفس اسلوبها معي مع بنتي بالذات الكبيره ندري عقاب من الله علي مدري وش القصه

والله مدري وش اقول بس يمكن ماعندها اسلوب يمكن تبي تضحكك يمكن ماتعرف تعبر يمكن اسلوبها وطبعها...

غـيوم :

مافرحت فيني انا جيتها رابع بنت ورا بعض وهي كانت تبي الولد وفوقها مين قال مافي امهات قاسيات ؟ مفروض ما نخلي نظرتنا محدودة اذا هالمشكلة ما اعاني منها وهي موجودة بحياتي او ما عشتها بحياتي فما لها وجود بالدنيا وكل الامهات عسل وحبوبات وطيبات !! كبرنا وشفنا اللي تتعمد الاجهاض وشفنا اللي تحزن وتظلم الدنيا بوجهها لانها حملت بجنس عكس اللي تبيه وشفنا اللي تظلم وتهدم حياة عيالها بس دايم نغطي عيوننا عن اخطائهم ونتعذر بعذر البر للوالدين وهو مع الاسف حتى الابناء لهم بر والرسول صل الله عليه وسلم قال [ رحم الله والدا اعان ولده على بره ] ومستحيل من هالمواقف اللي حصلت عليها ابني عليها احكام انا ماحكمت الا اني مجربتتتها بامور كثيرة وبمواقف كثيرة من سنين طويلة مابي اقولها لانها ماراح تخبي عن احد بتعلم الكل بلا استثناء اذا هي رايحة وانا موصيتها ماتعلم سبب تاخر حملي ورايحة تقوله للحريم بالمجالس وهم معروفات نقالات حكي وانا حملي عزيز ماجاء الا بشقى وتعب وبعد عمليات وسنين انتظار وللان على مثبتات ماني متقبلة الكل يعرف بجنس جنيني من جماعتنا و معارفنا وجيراننا وهم منجبات بدال الواحد ٨ و مايعلمون حتى انهم حوامل لين نتفاجئ بخبر ولادتهم

مافرحت فيني انا جيتها رابع بنت ورا بعض وهي كانت تبي الولد وفوقها مين قال مافي امهات قاسيات ؟...

ام منار ١٤١١ :

شوفي والله العظيم لو اقولك وش سوت فيني امي ان تبوسين راس امك بس انا اقولك عشان اخفف عنك ، انا الحين صرت ع وحده من بناتي قاسيه جداً استغفر الله اقول يمكن لاني دايم اتلاسن معها ودايم اشكي لخالاتي منها ، بس بنتي الي اقسي عليها اكثر وحده احبها بس مدري ليه اقسو عليها وهي البكر انا ماقدرت افهمك وجهة نظري بس امك مبتلاه ماعندها اسلوب ابدددددددددد نفس امي والله العظيم لو احيك يشيب راسك اذا امك تقول عن جنس الجنين لاتقولين لها اعرف قولي زوجي حالف علي اني ما اشوف يقول مفاجاءه بنت ولا ولد كلها نعمه تكفين يا امي ادعيلي بالصالح ولد ولابنت والله مدري وش اقول بس عدي ياعمري بالك وبكرا قومي من النوم واضحكي وسولفي ولاكأن شي صار عشان تفسيتك ماتتأثر ولان الخلاف اصلاً مع امك يعني عديهاااااااااااا قومي توضي واقري كم صفحه قران لين يأذن الفجر وقومي الظهر وخلي البسمه شاقه الوجه

شوفي والله العظيم لو اقولك وش سوت فيني امي ان تبوسين راس امك بس انا اقولك عشان اخفف عنك ، انا...