انا سويتها قبل بعيالي .. بس ناسيه مره ، مدري وش كانت النتايج ..!
ان شاء الله تبشرينا بكره ، ويمكن تطلع بنوته دام النسبه متساويه ..
انا سويتها قبل بعيالي .. بس ناسيه مره ، مدري وش كانت النتايج ..!
ان شاء الله تبشرينا بكره ،...
باذن الله نبدأ نسولف عن الولاده من الشهر الثامن
بالنسبه لي كبكريه
جلست يوم كامل بالمستشفى
لان المويه انفتحت علي بالبيت ولا اعرف عن الولاده شي ابدا الا من جارتي وكانت تهول الموضوع علي انه قوي وم ادري ايش وكنت اخاف😬😥 ويوم جاء الصدق وانفكت المويه م حسيت ببوادر طلق سالت امي قالت مثل الام الدوره وزيدي عليها شوي وارتحت وفعلا طلق البنات بالبطن لكن لاني اخذت عليها صناعي كان الطلق متمركز بالظهر والاولاد طلقهم بالظهر لكن بنتي الثانيه بالبطن كنت ابي امسك بطني ماني قادره بس الحمدلله ساعه وولدت لانه طبيعي تحملت بالبيت حتى خلاص نفذ الصبر رحت للمستشفى وجلست ساعه عندهم وولدت
وبالنسبه لبكري المشكله م فيه طلق خلوني ٢٤ ساعه منومه بعدها بدوا بالطلق الصناعي
وجلست حوالي ٤ ساعات لحتى م شرفت بنوتي وكنت فرحانه فيها ووزنها كيلو٨٠٠ جرام
وكانت متنفخه من الطلق عاد اتوقع بعد يوم من الولاده نزل وزنها ٣٠٠ جرام
لانها صغرت زياده
وولدت لحالي بس زوجي اللي معاي
والحمدلله اهتم فيني وجارتي م قصرت وزوجة عمي جلست عندي يوميين تطبخ لي الله يذكرها بالخير
يعني اموري تسيرت لا وازيدك من الشعر بيتين وولدت وانا ادرس ثاني ثانوي وفي وقت الاختبارات الشفهيه عاد م ادري تتذكرونها وجلست اسبوع بعد الولاده ورحت اختبر E
وبعدها بدات اختباراتي النهائيه على طول
وبنتي كانت مع ابوها هو اللي يهتم فيها ويغير لها ودوامه صار بعد الظهر
لان اختباراتي بالصباح
والحمدلله تيسرت اموري
وخلفت بعدها وحسيت بالالام الطلق لاني مجربه
لكن البكر كانت تجربه م تدرين ايش فيها
لكن تجربه حلوووه لما تشوفين بعدها مولودك بيدك شي غييير
الله يرزق كل محروم بالذريه ذريه صالحه تسعده
وبالنسبه لأمي
كانت مع اختي نفاس سبقتني بكم يوم
ولاقدرت اروح لها لان عندي اختبارات
وزوجي قال انا بهتم فيييك قلت خلاص 😍😍 وارتحت
الله يسهل لنا ولكم ونولد على خيييير