بنت ابوووها


خطاك السوء وانتبهي وبالنسبه حق الاحساس انك خفيفه هذا عشان الرحم ارتفع عن الحوض وصار بالبطن فتحسين براحه وانك مو محشوره نفس الثلاث شهور الاولى

طريقتي بالسمك




اللي يصعب عليها فهم اي نقطه تبلغني انا بالشرح تحسينه صعب بس اهو جدا خفيف وبسيط وماياخذ وقت والاهم ل ذ ي ذ








تنظفينه من داخل عدل وتشيلين العظام وتغسلينه بماي وملح وطحين وتخلينه ساعه
تحطين طشت فيه ماي بارد
وتحطين السمج لازم الماي يغطي السمج
تحطين نص فنجان خل وقفشة هيل مطحون وقفشتين بهارات كاري(يفضل القوطي الاخضر الحديد)
قفشه وسط دارسين مطحون
قفشه وسط كركم
قفشه وسط كمون
ملح خشن ترس ايدج
ليمونه وحده تعصرينها وتقطينها اهي وقشرها
تخلينه يتبل ساعتين
(( بالجدر))
تقطعين بصل واجد تقريبا ٤ بصلات كبار وتحطينه بالجدر لين يصير لونه اشقر قصري عالچوله حيل وتصبين زيت عليه
وقفشة بهارات عاديه
قفشة حوس لومي مطحون
قفشة حوس فلقل اسود مطحون
حبتين لومي
حبه عود دارسين
٥ حبات هيل
١ طماطه مقطعه
٢ كزبره + ١ بقدونس مع عروقهم
تحمسين تدل لين يذبل وبعدها صبي الماي ع حسب كمية العيش + ملح ( ذوقيه )
تحطين فوقه السمج
اذا زبيدي بس فوحه وحده وتشيلينه
واذا هامور او نوع ثاني قضيه بالسكين ع الجنب اليسار واليمين عشان يدخل الماي داخل ويستوي لان الهبر ماله قوي
بس لين تشوفينه نضج
طلعيه برا بصينيه كبيره ورشي ع طول عليه ملح وفلفل اسود وخليه بالصينيه يبرد
تشخلين اللي بالجدر الخضره والبصل
تشخلينهم عدل وتكبين العيش
تحطين صحن مدور او صينيه فيها طحين للسمج ماتقلينه واهو حار انطر يبرد عشان ما يتفتفت حطي الطحين وحطي بالمقله بس انتبهي بس حبتين بالكثير بالمقله حتى لو كبيره عشان ما يلزق ويتقطع
واذا نشف ماي العيش اخذي قفشة الدقوس او المرق من دهن السمج اللي قليتي فيه صبيه عالعيش من فوق وحطي الحشو
الحشو الاحسن تكونين مسويته من الظهر اول شي سوي الحشو
لان حوسه بس لذيذ لازم تسوينه وتقدرين تخلينه حشو العيش وتقدرين تخلينه حشو للسمج تحشينه
(( الحشو ))
تقطعين ٤ بصلات كبار
حطيهم بالمقله لين يصير اشقر قصري عالجوله حيييل لان اذا احترق خرب كل شي
اذا صار اشقر حطي زيت شويه
بعده ضيفي
قفشة الحوس لومي مطحون
قفشة الحوس هيل مطحون
قفشة الحوس ملح ناعم
بهارات قفشه كبيره
دارسين بس رشه خفيفه بين اصابعج
تقلبينهم عدددددل
وتكونين فارمه بقدونس + كزبره + شبنت بدون عروق
تحمسينهم عدل لين يذبل
وتمت ☺️
المطلوب
٢ بقدونس مفروم للحمسه مالت السمج وللحشو وحده معاه عروقها
٣ كزبره ٢ للحمسه مع عروقها وواحد للحشو
١ شبنت
افرميهم واخلطي مالات الحمسه مع بعض ومالات الحشو مع بعض عشان ما تتخربطين
ويفضل يكون عندج بهارات الكاري الاخضر الحديد القديم
باقي الاشياء كلها موجوده
وبالف عافيه ترى مو صعب بس انا شرحت بالتفصيل الممل عشان ما تتخربطين

انا اسوي معاه مرق


مادري شنو تسمونه بالسعوديه


بصلتين اقصصهم صغار حيل وثوم ثلاث فصوص صغار مفرومين


احمس البصل ع النار لين يتغير لونه بعده احط الثوم والزيت وبهارات ملعقتين كبار مع فلفل اسود شوي وكركم ملعقه
تكونين بالخلاط البلندر حاطه ٢ طماط واخلطيه مع سكانة ماي بعدها حطيه ع البصل بالقدر وحطي عليه معجون طماط او ممكن تسمونها صلصه طماط حطي واحد كامل وخليها لين تسبك


تكونين فارمه حزمة شبنت وحزمة كزبره خضرا فرم صغير حطيه ع الكشنه اللي بالقدر واحمسيها خفيف وبعدها ضيفي عليها ماي حار او من ماي الطبخ السمك نص عشان تصير فيه نكهة السمك وخليه يطبخ واذا قليتي السمك بالزيت اخذي بملعقه المرق من دهن السمك وحطي ع المرق وقلبيه بعدين طفي عليه


وبالعافيه

الله يعططيك العافيه ام الفيصل ع الطريقه باين لذذذذذذذيذ ان شاء الله اجربها


مررره شهيتيني 😩😩😩

لا للاسف 😞
لكن ابحثي عن افضل دكتوره في الرياض لتحديد جنس الجنين

فيه دكاتره لعبتهم السونار 😂💗