الله ايخلي لج اهلج يارب والله عورتي لي قلبي احنا اهني بنعمة وامان الله لا ايغير علينا يارب
اختي ريما ماعليش انا بعد امس بكيت شوية عند الدكتور واحس الي بالمركز كلهم استغربوا لانهم متعودين علي دايما اضحك واسولف
المهم انا امس سالت دكتوري عن سبب فشل المرتين الي قبل قال ان زوجي مالقوا عنده الا 4 حيوانات كويسة من اصل 24 مليون ( زوجي عنده الحركة صفر والتشوهات نسبتها عالية) والبويضات عندي 9 فاسدين و3 الي لقحوهم وانقسموا بس جنينين وان نسبة النجاح اتزيد اذا كان عدد الاجنة اكبر
يعني انا طبيعية وايصيدني هلون والي عندهم مشاكل بالانجاب لان يعطونهم تنشيط وادوية اكثر يطلعون عندهم اجنة اكثر
هالمرة الحمد لله ماعطاني كلوكوفيج وقلل تماما كمية الحبوب بس اسبرين وفيتامينات والابر ميرونال الي خذيته اول مرة بالاردن عشان ايحسن من نوعية البويضات واينوهيب الي اهوا نفس الهيبارين بس مخفف حق سيولة الدم
هالمرة عاد باتوصي بالاكل وباحاول امشي يوميا طبعا حسبت معاه السحب بيكون تاريخ 2 اكتوبر اذا الله كتب
مساعدته بتقوم بالسحب واهوا بالترجيع
الله ايخلي لج اهلج يارب والله عورتي لي قلبي احنا اهني بنعمة وامان الله لا ايغير علينا يارب
اختي...
انا فهمت انه ما يعرفون عن العملية بس جايين زيارة يطمنوا لأن سمعوا انتِ مريضة قصدي يعني اكيد الي يزور مريض مايتوقع منه ضيافة وطبخ والله شي غريب كل شي صار بالعكس!!! الله يهديهم
يارب تبشرينا بحملج قريباً وتوأم ان شاء الله