ريماتاليا
المركز الي في رام الله هو كمان مركز رزان وبشرف عليه الدكتور سالم ابو خيزران واحمد ابو خيزران ومجموعة اخرى
والدكتور سالم هو المسؤول في مركز نابلس ايضا وحتى فتح مركز رزان جديد في بيت لحم وما شاء الله دكتور شاطر وطيب
ووطني كمان قام بزراعة اجنة لزوجات اسرى مؤبدات بعد تهريب النطف من السجن بواسطة الاهل وهلا يمكن صار اربع اطفال من خلف القضبان وطبعا كل العملية مجانية لزوجات الاسرى

ريماتاليا حبيبتي ...خليكي متفائلة جدا ...واوعى اي شي ياثر عليكي هي رزقة مقسمة لو الي نصيب كان اخدتها ...بس لسه مو هلا وقتها ربنا ما اذن لسه واكيد خير ان شاء الله
ام ايهم والله حبيبتي حطيتي ايدك ع الجرح ارهاق وتعب ع جميع النواحي ...الله يصبرنا ويرزقنا ويفرح قلبنا
لونلي ....الله يعينك ويصبرك 8 مرات والله شي قاسي كتير ...انا بعرف انو مامن حقي ازعل قدام القصص الي عم شوفها ...بس غصة كبيرة بقلبي...الله يفرجها علينا
ردينة ...آآآآآآخ شو صعبة والعلة انو متل ما حكيتي اذا بدي اعمل شي تاني فهوة بس ارجاع الجنين المجمد وبس ...مافيني اعيدها لانو مرهقة ع جميع النواحي
ورد الصبار تسلميلي ع دعواتك حبيبتي ...وانا فعلا كنت موكلة امري لله ...واكيد اختارلي الخير الحمدلله على كل حال

بنات قبل يومين اجت عندي جارتي عندها 5 اولاد اخر تنين عندهم تأخر نمو ياحرام ...والله العظيم شي بيقطع القلب 24 ساعة من دكتور لدكتور وادوية ومراكز ...وقت الي سمعتها شو عم تحكي وعن معاناتها قلت والله الي انا فيه ارحم بكتير ...الحمدلله
وبدي احكيلكن قصة وحدة حكت معي عندها 14 محاولة انابيب والمشكلة عندها وعند زوجها قالتلي انو بيسحبو النحيوان المنوي من الخصية انا مابعرف كيف بس المهم وضعها سيئ جدا قالتلي مرة رجعولي جنين مجمد وهاد الجنين تلقح بنطفة كتير ضعيفة وقالولها نسبة نجاح هالعملية 1%...وسبحان الله وقتها حملت وهي هلا عمرو 9سنين ...
حبيت خبركن هالقصص ...لانو وضعنا نحنا احسن من غيرنا ...والحمممممممدلله ...ع فكرة هي اول مرة بتكون ردة فعلي هادية مرة عملت تجربة حقن وفشلت كسرت الدنيا وبكيت وصرخت وبقيت مكتئبة شهر ...هالمرة مسكت دمعتي وبس طلع زوجي بكيت دمعتين ورجعت مسحتن ....بس الي صار فيني انو ارتفعت حرارتي وجسمي صار نار مخنوقة ...اذا ما بكيت بمرض ...مشان هيك ع بستنى جوزي يطلع ع الشغل وافتحلا ههههههههههههههههههههههه....اذا غرقت بيت لحم اعرفو من دموعي...لانو عن جد اتحمل كتير وماعم يورجيني نهائيا انو مدايق بالعكس صار يقلي نحنا تعودنا مايكون عنا ولاد وانتي عندي بالدنيا كلها ...طبعا عم يطبطب علي ...بس هالحكي ما كتير بآمن فيه ...وفتحت معو مرة موضوع الطلاق انو نبقى مع بعضنا كمان سنة ماصار حمل بدي نطلق ...لانو مابدي بعد 12 سنة يطلقني او يتزوج وانا هون مغتربة لحالي مالي حدا وتكون الي الضربة القاضية...ع الاقل القعدة مع اهلي بتونسني وبرجع لحياتي ولشغلي ولناسي ...

ردينة
الله يكون في عونك ويجبر خاطرك ويا رب رقم 15 تكون احسن نتيجة بتوأم سليمين معافيين
الحلو فيكي انك ما يأستي وان شاء الله نتيجة صبرك وتعبك تكون خير

تالا
فعلا الي بصبر الانسان الناس يلي مصايبها اكبر من مصيبته والالم والحسرة بتزيد عند الانسان لما يقارن وضعه بوضع حدا
الله انعم عليه بنعمة هو فقدها ولكن لو نظرنا من جميع الزوايا لوجدنا ان هذا الذي تغبطه يشكو من امور هذا الشخص غير مبتلى بها
والارزاق كما قلتي الله قسمها وكل انسان ونصيبه
وبالنسبة لعدد الاجنة ودرجتها ما هي عبرة كثرة الاجنة ولا درجتها بعد التجربة والبحث والاطلاع
كل انسان ونصيبه يعني 22 جنين درجة اولى و2 درجة ثانية بكل محاولاتي وما صار نصيب
والكثير الكثير صار الحمل من عدد قليل ودرجة ثانية وثالثة حتى الدكتور حكالي قصة وحدة رجعولها جنين درجة ثالثة
والنسبة المتوقعة للحمل ضعيفة وبعد اسبوعين اتتنا هذه المراة وهي حامل فسبحان الله