سلام لاحلى تجمع
والله مجرد ادخل عالم حواء فورا بدخل عل تجمع هاد
يا الله والله بقرا بالصفحات وقلبي واجعني قديه فايتني ردود ما قراتها

مشتاقتلكم كلكم والله

حبيبتي تالا اسال الله العظيم انو يعوضك عاجلا غير اجل
وباذن الله الفرج قريب
سدقيني وانا بقرا كلامك مر قدامي 5 عمليات اللي مريت فيهم
مر فيي لحظات لما اخد النتيجة وتكون فاشلة
ومتل ما قلتي اتزكر كيف عملية كون فيها منهارة و ابكي واعتزل الناس و احزن
وعملية ما اعرف ابكي من الصدمة
وعلى قولتك امرض لاني ما بكيت متل الناس
سدقيني بجوز تصعب عليكي نفسك بهي اللحظات و تزعلي عليها بشدة
وتحسي انك وصلتي لمرحلة من الضعف ما حدا بحس فيها
لكن ايام و اسابيع وبعدها اشهر
بتكتشفي انك رجعتي وقفتي على رجليكي
ورجعتي انسانة اقوى
ورجعتي بامل افضل بالله
وغيرت هي العملية الفاشلة بشخصيتك اشياء ما توقعتيها
للافضل طبعا
وسدقيني حيجي يوم تمسكي فيه ورقة التحليل وتكون ايجابية
وبحلفلك بالله انك بلحظتها رح تنسي اقسى لحظات مرت بحياتك
وما رح تسدقي انو من عظيم عطاء الله انو خلاكي بلحظة تمحي سنين
انا ما بعرف لو انتي بتعرفي تجربتي
لكني انا مريت ب 4 عمليات كانت فاشلة
والخامسة الله راد و رزقني بتوام بنات
ثقي بالله انو حيجي يوم تكوني فيه ام
وثقي بالله حيجي يوم تنمحى فيه كل الايام هي
ما رح قلك رح تنسيها
ما زال محفور بقلبي لهلا اني انسانة متاخرة
بحياتي ما رح انسى ايام حياتي هديك
لكنها رح تضلها ايام وراكي تطلعي عليها وتبتسمي لانها جعلتك الانسانة اللي انتي عليها هلا

ريماتاليا حبيبتي اسال الله العظيم انو يفرح التجمع كلو بخبر حملك هالشهر يا رب
ولللعلم فقط
انا حملي ببناتي
كان عندي بويضة درجة اولى و الباقي درجة تانية و تالتة
يعني اتوقع بناتي وحدة درجة اولى وتانية درجة تانية
او التنتين درجة تانية :)

انا مجنونة...حبيبتي الله يخليلك هالبنوتات ويرزقك بتوائم صبيان سليمة معافاة يكونو سند الك ولابوهن ولخواتن ...ع فكرة حبيبتي كلامك كتير اعطاني امل ..وريحني ...انا متاكدة من رحمة ربنا وان شاء الله ربنا بيعوضنا جميعا باحلى توائم تفرح قلبنا...بس حبيبتي فينك تعطينا معلومات عن تجربتك الناجحة اذا التزمتي فيها باشيا معينة او لا حابة اسمع تجربتك

يا الله والله خليتيني انبسط يارب الله يعدي الايام بسرعه واروح احلل بسرعه وارجع مبسوطه وابشركم كلكم