جواهر انا بعد ماجيت من الحج ذبحتني الكحه والبلغم وانواع المذيبات والطوارد مانفعتني وصلت لدرجة الله يكرمك من شدة الكحه ما امسك نفسي لازم اقطر...تعرفين ايش نفعني بعد الله الزنجبيل كنت اخذ قطعة زنجبيل قد الانمله وامضغها وربي يومين وخفت الكحه والبلغم بشكل كبير...بس مدري الزنجبيل ينفع للحامل؟؟

ام الهنوف
انتي مثلي لو نمت اسبوع بدري لازم اخربو بعدها ما اقدر

والله يا ام الهنوف سافرت قبل إجازة الأضحى ..
وتعرفين في السفر قومة من بدري مرة عشان نلحق نلف ونشوف قبل الظلام ..
صايره أنوم بدري وأصحى بدري .. رجعت هنا وتعودت .. صرت فترة أقوم من بدري وأنام بدري والله والله طول عمري أقوم من النوم النفسية خايسة ومثل الزفت وراسي مصدع ومستحيل أفك إلا بعد العصر ..
لكن يوم صرت أنام بدري واقوم بدري النفس وش زيينها .. أقوم من الفجر الضحكه شاقه الوجه وأحس بنشاط وحماس لكل شيء
وراااايقة
من جد نظام السهر مرض بس وش نسوي ... مجتمعنا غصب تسهرين وإلا ماتقدرين تشوفين أحد أو تتواصلين مع الناس
حتى المشاوير مستحيل أطلع قبل المغرب ... لأن اللي بيوديني في العمل ثم نايم مايصحى إلا المغربية

وشلونكم بنات مع السمنه مين وزنها زاد ومين زي ماهي انا تدبدبت صراحه وشهيتي من اسبوع كذا يالطيف بس جوعانه وانا خلقه ماابي اسمن زود انا خلقه دباااا

هااه تجمعن ويبلعن بعد ماشا الله تبارك الله عليكن بالعافية
ام الوتس اظني متوحمة عليه من حملت وانا مقاطعته الا اذا بغيت شيء من احد خواتي اوشي هيك
ريمووو
وين غطيتي اليوم لايكون دورك اليوم بالصنفرة والحلاوة