اللي ردوا علي مشكورين الله يسعدكم ويفرحكم بشوفة جنينكم 
واللي تقول انتي باي اسبوع والله مدري بس احتمال. 17 هههه
بنات اذا جاء العصر اشتهي شوكلاته هههه دايم كذا الله يعين بس 
لا بعد اشتهي سومطرا مره مشتهيته بس خايفه تضر الجنين عاد بكري الله يحفظه ويخليه لي 
 

مبروك علينا التجمع الخامس

كيف حالكم جميعا وحده وحده

اليوم رحت موعدي مع دكتورتي قالتلي بالاسبوع العاشر و الحمدلله الجنين كويس نبضه

بالدموع روحي للدكتورة هي ماراح تضرك
اكيد فيك التهابات وراح تعطيك غسوول

وانتي مثلي انا اسلبت شهر ١٠

وكنت خايفة اول شهر
بس الحمدلله نفسيتي الحين تمام توكلت علئ. الله وفوضت امري إليه
هو خير الحافظين

اللي تقول مشتهية سومطرا نفسك تماماً توي تغديت مكرونة مع سومطرا هههه
وماراح تضر الجنين بس راح تضرك انتي تجيب حرقان بالمعدة

والله يعيننا ع هالوحام
انا قبل اسبوع اشتهيت ذره مشويه ههههههه
والحمدلله لقيتها صدفه واحد يسويها بقيت انهبل عليها

اشتقت لكم حيييل كروشه كروشه .. و اشتقت للتجمع و سواليفكم ..

رجعت من السفر قريب و قلت اطل عليكم .. التجمع الرابع ما شفته فاكيد فاتني كثير و عساها اخبار حلووه ..

بشوفه اذا فضيت .. مبروك للي عرفوا الجنس و عقبالي .. و في القاب جديده مرحبا فيكم ..

رحت موعدي و انا بالاسبوع الحادي عشر و مو واضح الجنس لسى ..

و يا فديته هو ورجوله و راسه طبعا صغير فيه اشياء ما تكونت ..

طبعا بكل زياره يعملون سونار من دون اطلب و هو مستشفى حكومي بس روووعه و اهتمامهم بعد و يعطونك صور من السونار ..

طبعا شكل الكيس هلالي مع انه قبل كان دائري استغربت .. اهم شي انه بخير و كل شي سليم و الحمد لله ..

و الوحام انتهى و امارس حياتي طبيعي ..

ربي يسهل لكم