خلووود 444 :

كيف رضاعات تومي انا مجربه افنت ومررره تفرق بالغازات قبل كنت اعطيهم بيجون ويتعبوني بالغازات وحسيت بالفرق مع افنت مدري اذا تومي نفسها والا

كيف رضاعات تومي انا مجربه افنت ومررره تفرق بالغازات قبل كنت اعطيهم بيجون ويتعبوني بالغازات...

iiprel85 :

مساء الخير مساء مايليق الا ب احبابي نزلت السوق اخذت كل شي محايد رمادي وبيج واخذت لي ملابس البيت الحين لان كل ششي ضضاق بشكل مايتصور حتى الوساع ضاقت بطني كبر بشكل فضضيغ خلال الاسبوع بنتي الكبيره بسم الله عليها اقلقتني في سووق انعدمت الرؤيا منها جاتني دوخه تبغا كل شي لو بكيفها حتى الكاشير ناخذه في كيس حلفت ماعاد تروح معي 🥶 نسيت اشيااااء مهمه بسببها

مساء الخير مساء مايليق الا ب احبابي نزلت السوق اخذت كل شي محايد رمادي وبيج واخذت لي ملابس...

amooollla :

بنات تجيني حالات مالي خلق اقلب كذا فجأه والله من التعب والثقل مو بيدي احس اني مو مرتاحه عرفتو اللي جلستك ماهي زابطه وظهرك يعورك وجربتي الوضعيات كلها المتاحه ماريحتك يبان ع وجهك امي الله يعافيها اذا شافتني وش فيك منتي على طبيعتك وجهك ذبلان ومانتي نشيطه عاد انا والله ماودي اشيلها همي الحمدلله يارب على النعمه الله يهون الباقي ويسهلها بارب من عنده

بنات تجيني حالات مالي خلق اقلب كذا فجأه والله من التعب والثقل مو بيدي احس اني مو مرتاحه عرفتو...

- حبيبة الجمـاهير :

والله احاول ادخل واتطمن عليكم واطمنكم بس النفسيه احيانن ماااش 🤕 ولدي الحمدلله اموره طيبه نسيت اقولكم الدكتوره قالت لي ان ولدك شكله اكبر من عمره ما شاء الله! يعني تاريخ ولادته بين الاسبوع 29-30 بقولكم كل شي بتفاصيل دامني فاضيه .. تذكرون بنات لما شكيت لكم عن التقلصات الي تجي معي؟ تقريبا قبل اسبوعين ونص يوم اقولكم اني بطوارئ ! للاسف طحت لي في مستشفئ خياااااس حسيبهم ربي وقتها كان معي بداية طلق وجهاز التخطيط حق الطوارئ خربـان ولا بين طلق وطلعوني ماسوو لي شي بس تخطيط وسونار ابو ثانيه عشان يسمعون النبض قلت سوو لي تحاليل رفضوا وقالوا روحي للمراكز الصحية رحت وقتها وطمنتكم اني بخير واموري طيبه مع اني حاسه ان فيه حاجه غلط ..! وقبل ولادتي تقريباً بـ 5 او 6 ايام نزلت السداده بدون دم وكنت شاكه انها السداده بس كذبت نفسي وقلت افرازات حمل » على اساس انتظر موعدي عشان اسوي تحاليل في بالي انها مجرد التهابات .. بنفس اليوم الي ولدت فيه حلمت حلم طويل مارح اذكر تفاصيله بس بكيت في الحلم بكااااء قوووي .. ومن اصبحت ومعي تقلصات محتمله بس بعد شوي زادت وحسبت الطلقات والي بينها طلعت كل 4 دقايق تجيني قلبببي ذبحني خلاص قلت اجباري اروح موعدي اليوم بس يا بنات الطلق يزيييد والمه يزيد حده .. رحت تسبحت في ماء بارد بس ماخف ولا تغير الا بدأ يزيد وبعد شوي حسيت فيه شي نزل مني! دخلت الحمام الا اشوف دم شهقت بقوه وجلست ابكككي بعدين كنسلت موعدي وقلت بتوجه لطوارئ اقرب مستشفى و ربي كتب لي اروح لهذا المستشفى السيئ .. دخلت عليهم المغص يزيد وبكيت من المه وقلت ولاده معي ولاده امي كانت معي الله يطول بعمرها مابغيت اخذها بس هي اصرت تروح وجلسوني نص ساعه على بال ما جاء الدكتور يفحص كشف علي من تحت قال مفتوح 2 سم ولاده وقال مافي حضانات هنا الافضل تروحون لمستشفى ثاني .. انا رفضت وقلت اكتبوا لي تنويم وعطوني مسكنات عساه يوقف ويتم حملي وافق الدكتور وكتب لي اسوي سونار عشان يعرفون عمره بضبط ويالله جلسنا قريب الساعه ( 40 ) دقيقه ننتظر الدكتوره وعلى ما جات بدأت استفرغ هنا خلاص عرفت اني ولاده وان الرحم فاتح 4-5 سم سوت لي سونار بأسرع ماعندها خذت قياسات على السريع وقالت 28 اسبوع وانا ماقدرت اتكلم معها من الالم ورجعوني لقسم الطوارئ وجاتني وحده الله يذكرها بالخير شايفه معي ولاده وقالت نصيحة اخت لاتولدين هنا ترى اهمال وتعامل سيئ طبعاً ماقدرت اعطيها بال من الالم ابي اولد لدرجة دعيت على ولدي استغفر الله العظيم 😂🤭💔 جلسوني ساعه بطوارئ اصيييييح عندهم ابي مسكن طبعاً راح الدكتور الاول وجاء غيره الى يومكم اذكره وادعي عليه ماكتب لي تنويم ويقولي انتي تدلعين ما معك طلق كانوا حاطين لي تخطيط والجهاز مايطلع طلق يالله عطوني ابرة الرئه وحطول لي مغذي اخذت علبة المغذي رميتها على الدكتور اذكر قلت له الله لا يوفقك يا كللللب ياحقيييير وهو يضحك » رافضين يدخلون احد معي امي وزوجي برا بس انا والدكتور والممرضات وهذا قاعد قدامي يضحك ويسولف مع الممرضات قمت على حيلي مدري وشلون ربي عطاني قوه وسحبت شنطتي من يد الممرضه ماتبغاني اخذ الشنطه عشان مادق على زوجي و زوجي يحسب اني بخير وجوالي اتصالات من زوجي وامي وخواتي سحبت الشنطه منها ولها وجه تبي تاخذ شنطتي صحت بوجها بعدي عننننننني اخذت الجوال ورميت شنطتي عليها بقووه ودقيت على زوجي ابكككي ادخلي يا حماااار تعال شف الكلاب الي عندي 😂💔 يالله اتكلم من الطلق ودخل زوجي وقلب عليهم الغرفه ونادوا الامن وسار مد يدين ورجه وانا اصيح واستفرغ وامي تبكي عندي وزوجي يسحبونهم متمسك بدكتور 🤣🤣 وعلئ طووول بعد الفوضئ هذي قالوا يلا لغرفة الولاده جابوا لي كرسي صيحت ماقدر اجلس البيبي نازل يددف ماااقدر قالوا بلا دلع مافي سرير يلا انزلي 🤦🏻 ركبت الكرسي يالله يارب تكتب اجري وطيرااان على غرفة الولاده وجهزوا كل شي وحطوا لي تخطيط وانا ابكي يا ناس الولد يدف ذبحني ما حد معطيني وجه بس فجأه جهاز الطلق قام يون يطلع صووت قوي ويتجمعون دكاتره وممرضات انا خفت مرره وفي نفس الوقت احس اني بحلم وقالوا يلا دفي دفيت كم مره لين نزل الحمدلله حطوه بصدري يصييح اسم الله عليه قالوا ولد ولد واخذوه على طول وبدوا ينظفوني ويطلعون المشيمه وياشييين تنظيفهم دخلت الشاش وتنظف وتحك من قلب 🤦🏻💔💔 نسيت اقول ركبوا لي قسطره مرتين .. بعده جاتني الدكتوره قالت انك لو تأخرتي شوي كان رحمك ممكن ينفجر من شدة الطلق! والرحم مفتوح 10سم قلت انا تحت بطوارئ يقولوا مامعك طلق وشلووون ! حسيتها تلخبطت وخافت قالت لا مش ممكن الاجهزه كلها جديده وكلام فارغ قلت حسبي الله ونعم الوكيل وخلوني بغرفة الولاده ساعه بدون ملابس حتى لبس الولاده لبسوني عالسريع نص جسمي طالع وجاتني برووووده فظيعه رجولي واسناني تضرب ببعض وجوع غريب .. ونزل مني دم كثيييير بعدها خذوني لدورة المياه عشان اغير ونزلوني لغرفه ما بعد الولاده خدمتهم سيئه ودورات المياه مياهم بارده بدون سخانات ولا فيه صابون كله معقمات يبغونا نغسل بمعقم وجلست يومين بالمستشفى مابغوا يطلعوني في العاده اذا ولدت اجلس 24 ساعه ويطلعوني هالمره مرمطوني على قلة سنع المهم فاشلييين وتوبه امرهم مره ثانيه ❌❌ الحمدلله خرجت وقعدت يومين عند امي ورجعت بيتي وجبت لي خدامه والحمدلله على كل حــال الله يكتب اجري ويجبر قلبي بخروج ولدي بكامل صحته وعافيته

والله احاول ادخل واتطمن عليكم واطمنكم بس النفسيه احيانن ماااش 🤕 ولدي الحمدلله اموره طيبه نسيت...

- حبيبة الجمـاهير :

اهلييييين جميلااااتي قسم بالله اشتقت لكم مررررره 🥺🤍 كيف الجميع ان شاء الله بخيـر؟

اهلييييين جميلااااتي قسم بالله اشتقت لكم مررررره 🥺🤍 كيف الجميع ان شاء الله بخيـر؟