رحت موعدي سمعت النبض كل شي تمام وقال استمر على الكالسيوم والحديد والفيتامينات وانا الصراحه مقصرة فيهم مرة
ووصاني ادخل على دكتور الاعصاب قبل الولادة عشان اقوله ان خلاص وصلت التاسع يكون مستعد للكورتيزون
قلت له عندي افرازات صفرا قال الافرازات طبيعيه مادام مافيها ريحه ولا حكه
سألته عن ابرة تليين الرحم قال نحط جل ويفتح الرحم قالي ليش تفكري تستخدمي قلت اذا حالتي مافيها مشاكل قالي هو ما يضر بس افضل تنتظري لموعد ولادتك
ابغى اولد 🥺
رحت موعدي سمعت النبض كل شي تمام وقال استمر على الكالسيوم والحديد والفيتامينات وانا الصراحه مقصرة...
مرات ودي اصك نفسي طراق على لساني المنفلت وفلسفتي الزايده 🥲🥲🥲🥲🥲🥲🥲🥲🥲🥲🥲🥲🥲🥲
السالفه يا طويلات العمر
رحت لموعدي بدري عشان بنتي عندها تحليل وعقب ماسحبو الدم منها
رحت لعيادة النسا والولاده وادفع كشفيه وانتظر جتني النيرس نادت علي قالت يلا وزن وضغط دكتوره لسى ماجت
المهم بناتي في السياره من الساعه ٤ العصر ينتظروني
وانا موعدي ٤:٣٠ قاست وزني وضغطي قالت معك حراره التهاب جلستي سوا سوا نفر كورونا قلت كورونا لا
بس حلقي يعورني واحتقان انفي قالت فيه كحة قلت ايه شوي بسبب التهاب الحلق مو من الم صدر ولامعي كتمه وقلت احس بحراره قاست مالقت حراره قالت ممنوع تدخلين ع الدكتوره لازم طواري ولاده
وتقضب يدي وتوديني بنفسها 😪 وارقى وحطوني في غرفة العزل😬😥 وجنبي وحده في العزل اسمعها تكح مسيكينه كأنه كحه سعال ديكي ترووع
المهم قلت لازم اقلب السحر ع الساحر شلوووون !!!
جتني نيرس الطواري وقاست ثانيه قلت لها ليش انا هنا الحين قالت انتي فيك كحه وكتمه وحراره قلت لا مافيني شي قالت انتي قايله للنيرس تحت قلت لااااا هي مافهمتني اقولها مامعي كحة ولاكتمه ولا حراره بس حساسيه انف وعطاس (اتسو اتسو ) 😂
قالت خلاص اجل تجيك الدكتوره وعلميها احسن ايييه والي طمنني زياده سمعت نبض الجنين بالحهاز الصغير وقالت كويس الحمدلله
جلست ساعه ونص انهبلت وتعبت زياده الانفلونزا بتزيد علي من الجلسه عندهم
وكل هممي مابي يسوون لي مسحة كورونا
المهم ياطويلات العمر
طلعت انحشت وخليتهم لاجاني ولاشي ونزلت بكلم دكتورتي لقيت عيادتها مخلصه وطالعه 💔
خذت فلوس الكشفيه وطلعت 🥲🥲🥲🥲
بنتظر اسبوعين ينسون سالفتي واخذ موعد مو السبت الجاي الي بعده بإذن الله