قوة بنات

شلونكم حبيباتي

سامحوني علىالقطيعة و بصراحة ما صار عندي وقت اقرا كل اللي فاتني

تعرفون خواتي

اول امس كان عندي موعد و رحت له و انا بصراحة كنت مستغربة لشنو رايحة

ما اشوف غير مدخليني عند اكبر استشاري عندهم و طلعوا ملف الولادة مال ولدي الاول

و قالوا لي ولدج كان اقل من الوزن الطبيعي لما انولد و انا كانوا مولديني طلق صناعي.. لان ولدي ما كان ينمو اخر الايام داخلي..

المهم ال يقولون لي لان المشيمة عندج كانت مو اوكيه.. و في هالحمل راح يخلوني تحت الملاحظة و عطوني مليون موعد للالتراساوند .. و قالوا لي لازم تاخذين اسبرين من الحين لين الولادة ...

ما تتصورون اشكثر قلقوني.. خاصة لما الدكتور قال اسم المرض اللي صاب المشيمة في الحمل الاول.. اسم طويل و يخوف :(

عاد انا بروحي في هالحمل عايشة في قلق غير طبيعي.. لدرجة ما اقدر انام طول الليل.. انا اعرف انه بسبب الحمل.. بس و الله تعبت من هالشعور.. كله احاتي و بس.. احاتي ولدي.. احاتي البيبي.. احاتي ريلي.. قلق في قلق.. مع اني احاول اشغل نفسي.. بس ما ادري شلون تجيني لحطات اكون في قمة القلق و اكثر شيء في الليل...

و هذيلا ما قصروا زادوني قلق و محاتاة..

مراحب

زوز و شموخ و ام جاورس

أسفرت و أنورت


سبحان الله يا أم جاورس كنت أفكر فيك البارح أقول غريبه وش سالفتها ما مرت علينا و سلمت
بالنسبه لللي تقولينه تطمني حبيبتي و بالعكس شي حلو إنهم تنبهوا بدري عشان يراقبون حملك أول بأول
بس وش دخل الحمل الأول بالثاني ؟؟
يا ليت تقولين لي إسم المرض
و اللحين المشيمه عندك طبيعيه و الا لا ؟؟
الله يطمنك على ضناك و تشوفينه بالسلامه .

أختي نونييييي

أسأل الله يرزقك قريبا بالحمل السليم .

السلام عليكم
أم جاورس الله يطمنك على جنينك إن شاء الله ولا تقلقين عشان ماتتأثرين بزيادة وتوكلي على الله
فراشي وحشتينا والله
زوزو + شموخ +أهم شي + مهاوي+حبوبه+ حلاوه+ودي تفهمني+آآآهات+جونسره+دلال+يوفا+ أنثى+نونيييي+نورا+وجه الخير+ فراوله+ غاليتي+ أم البندري+أم جوان+
آسفه إذا نسيت أحد
إش أخبــــــــــــــــــــــــــاركم جميعاً


جمعه مبـــــــــــــــــــــــــاركه

بالنسبة لي بداء العد التنازلي وباقي على الدورة 9أيام تقريباً وإن شاء الله ما أشوفها :mad:

وأسأل الله العظيم رب العرش الكريم في هذا اليوم الفضيل أن يرزقني وإياكم الحمل بتوائم أصحاء وسليمين وبارين بنا يارب ومن الصالحين آآآآآآآآآآميـــــــــــــــــــــــــــن يارب العــــــــــــــــــــالمين

هلا اختي وجه الخير..

ايه و الله قطعت و ادري اني مقصرة معاكم كثير.. بس مشاغلي كثيرة والحين لاهية بالحمل و هرموناته اللي تخبص الوحدة خبص :)

شوفي حبيبتي.. انا لما كنت حامل بطفلي الاول.. لحد نص التاسع كان حملي تمام التمام.. بس لان انا عملت على نهاية السابع التراساوند ثلاثي الابعاد... و الدكتورة لاحظت انه مقاسات ولدي اصغر من عمره بواايد.. و قالت لي لازم تروحين المستشفى و كتبت لي تحويل على المستشفى.. و عموما انا كنت ملاحظة انه بطني واايد صغير و كنت اقول للدكتورة هالملاحظة في كل مرة اروح لها و هي تقول لان انتي نحيفة و جسمج صغير وايد و هالكلام صحيح.. فما قلقت واايد..

عموما خذت رسالة التحويل و رحت المستشفى و هما عشان يتطمنون قالوا لي ما نقدر الا انه نخليج تحت المراقبة و نعمل لج تصوير كل اسيوعين عشان نقارن هل الطفل يكبر او لا.. و هالكلام كان بداية الثامن.. و طبعا كان اللي يتابع حالتي استشاري مختص.. و في الاسبوع الثاني من الشهر التاسع اكتشفوا انه البيبي بدل ما يكبر بدى حجمه يتقلص و يصغر و حتى وروني لان كانوا مسوين له منحنى خطي لمتابعة وزنه و كان المنحنى نازل بطريقة مخيفة .. و على طول الدكتور قال لي تعالي بكرة لج طلق صناعي..

هالمرة لما رحت الموعد.. فالوا لي احنا لما عرفنا انج حامل مرة ثانية طلبنا ملفج للحمل الاول و عملنا دراسة و اللي طلع عندنا انه في الحمل الاول كانت عندج هالحالة Placental Aromatase Deficiency ... و هي تصير لما المشيمة ما تأدي وظيفتها بشكل طبيعي و تكون خطر على الام و الطفل :( و الله انصدمت..

عرفتي الحين السالفة و ما فيها..

مع العلم انه ولدي صح نزل صغير وزنه اقل من كيلوين و نص.. بس ما شاء الله تبارك الرحمن كل من شافه عقب شهر ظن انه عمره اكثر من شهر.. لانه ننزل بشهية طبيعية و مفتوحة.. و حتى الكل كان يظن انه اكبر من عمره مع تقدم الشهور.. حتى الحين لما صار عمره 4 سنوات.. مع انه ضعف عن قبل لان حركي و نشيط جدا ما شاء الله.. الا انه وزنه صحي و الكل يحسب انه عمره 5 سنوات لانه ماخذه الطول الله يحفظه...

فليش كل هالقلق مو عارفة.. :(