hijazi.girl :

أولا مبارك عليكم التجمع الثالث ثم الرابع ويارب يرزق كل وحده فيكم تتمنى التوئم كنت اشوف التجمعات بس مالي خلق أدخل من التعب النفسب الي كنت أعيشه بالنسبه لدواء فيمارالي سألت عنو إحدى الأخوات الدواء جدآ جدآ رائع مافادني غيره بعد إرادة الله جلست سنوات في معاناه مع الكلوميد وإبر التفجبر زاد وزني 14 كيلو وطلعت لي بطن والله ماأحد شافني إلا قال دي حامل في الشهر السادس تعقدت نفسيآ صرت أشتري ملابسي من أيفانز وتركت نفسي سنه من دون ادويه والكلوميد سبب لي تكيسات واستخدمت ريجيم بعدين غيرت المستشفى رحت لمستشفى تاني وانا أحمل معي اليأس وأعطاني الدكتور فيمارا قال دا آمن جدآ مايعمل مشاكل زي الكلوميد وأخدت شريط بس ب200 وقال تعالي بعد أسبوعين نعمل متابعة تبويض مارحت مليت خلاص وسبحان الله إذا أراد أن يقول لشيء كن فيكون تأخرت الدوره ماأهتميت كم مره تتأخر جلست 10 أيام بعدين صرت أحس بدوار الصباح إذا صحيت من النوم وطعم فمي غريب أحس بمراره رحت بحلل قلت بغير المختبر عرفوني كل نهاية شهر وأنا عندهم تفشلت والله رحت مختبر تاني سحبت مني دم ماأستنيت النتيجه قلت بالتليفون آخدها اتصلت بعد نصف ساعه قالت النتيجه أيجابيه سبحان الله حسيت جسمي دخله شي زي الثلج وبردت أطرافي ماقلت لزوجي قلت أبغاه يحس بالفرحه معي وياخد النتيجه بيده بعدها بيوم رحت لمختبري الأول دحين واثقه وكان زوجي معاي وعملت تحليل رقمي وقالو بعد ساعتين ورحنا مشوار ورجعنا وقلت أطلع جيب النتيجه أنا تعبانه طلع جاني دموعه على خده قلت له إيش فيه قبل يدي قال مبروووووووووووووك جلست أحمد الله وأشكره مع ان الفرحه عشتها لوحدي في البدايه والحمدلله الان في الشهر الأول أدعو لي أن ربي يتمم حملي وأشوفه قدامي ولاتيأسوا فرحمة الله واسعه

أولا مبارك عليكم التجمع الثالث ثم الرابع ويارب يرزق كل وحده فيكم تتمنى التوئم كنت اشوف التجمعات...