انا بعد المنشطات والعلاج ماكان عندي أمل كثر مااكون حامل هالشهر ..لكن للأسف شرفت الدوره اليوم والحمدلله على كل حال ولاراح اكمل علاج لان زوجي مسافر وماأخذ اجازه الا هالشهر اللي عالجت فيه ..
الله المستعان

هلا وغلا .. الحمد لله تمام ياقمر.. انتي كيفك ؟
ماشاء الله كويس انك ماتحتاجي منشط وبإذن الله تحملي هذا الشهر وكل اللي في التجمع يارب.
انا مارحت للطبيبه و نفسي ابدأ مع زوجي خلطة العسل وحبوب اللقاح والطلع بس ما اشتريناها وربك ييسر.
بس قرأت فالنت عن بخور الشاهي الأخضر وقلت اجرب وماني خسرانه شي.
هو المفروض 3 ايام ورا بعض من اليوم الخامس للدوره وفي نفس الوقت من كل يوم. بس انا سويته الظهر في اليوم الرابع والخامس كسلت ولا سويتها وامس واليوم تبخرت بعد المغرب.
مالاحظت شي غريب زي ماقالوا البنات بس استغربت ان الدوره ماخلصت كأنها تتمطط مدري وش صار لها لما احسها خلاص خلصت يرجع لي شي بسيط الله يكرمكم مدري هو من الكلوميد ولا من بخور الشاهي..


راما الحزينه.. الله يجبر قلبك ويرزقك بالحمل في هذا الشهر الكريم وكل متأخره .

احيانا افكر يا بنات واقول ليه احنا ملهوفين على الذريه وما نرضى بقضاء الله واللي اختاره لنا؟
اكيد لله تعالى حكمه بس الانسان عجول .. وربي سبحانه يقول: ( المال والبنون زينة الحياة الدنيا) وما قال انها اساس للحياه .. يعني ممكن نكون سعيدين وطموحين ولنا مكانتنا وانجازاتنا ووجودنا بدون ما يكون لنا اطفال.. صح هم بهجة الحياه بس ممكن ايضا يكونوا سبب للشقاء والمعاناه لو ما كانوا صالحين.. ما أدري يا بنات بس جالسه احاول اقنع نفسي ان سعادتي ورضى ربي عني الحمدلله مش مقرونه بكوني ام.. وان ممكن ربي يكون رزقني من اول زواجي بس لا قدر الله كيف حيكون وضعي لو جاني طفل معاق لا قدر الله او مريض أو عاق ؟ فأكيد لله حكمه ورحمه في تأخير الحمل عشان الجأ له بقلب صادق واتقرب منه أكثر بدل انشغالي بالأطفال ورعايتهم .. اسأل الله ان يرزقني الأجر على صبري واحتسابي ودعائي ورجائي وان يعوضني بالخير وكل اخواتي المتأخرات وان يرفع منازلنا في الجنه.. بإذن الله ان ربي يرزقني بطفل اربيه احسن تربيه واحس بكل لحظه يعيشها معي لأنه ما جا إلا بعد انتظار ومراره وبإذن الله ان ربي يهديه ويصلحه لي سواء كان بنت او ولد وان يكون جند من جنود الله ..وليس ذلك على الله ببعيد

السلام عليكم ورحمة الله ...
اخواتي الغاليات ...وحشتووووووووني ...انا الحمدلله بخير والنفسية تمام ...واليوم حجزت موعد بكمل كورس العلاج
وببدا بالمنشطات ...والحمدلله على كل حال ....

جرة النسيان ...حنونة ...محتاجة لضمة طفل ...شذا طيبة ...وكل بنات التجمع يارب يجبر خواطرنا ويفرح قلوبنا عاجلا غير اجل

شذا طيبه .. والله كلامك يبرد القلب ما شاء الله عليك والله معك حق الحاله اللي حنا
الحين خلتنا نحس ونشعر بوجود الله ونكون اقرب منه اكثر عسى الله يفرجها علينا
بالقريب العاجل ان شاء الله ...

رامـــــــــــــــــــا .. الله يسمع منك ان شاء الله ويجبر بخواطرنا وزين انك بتحاولي هالشهر
خوذي العلاج والباقي على رب العالمين ...
وانا والله خايفه نتيجة تحاليل هرموناتي السبت ان شاء الله وقالت لي الدكتوره
اذا التحاليل سليمه بعطيك كلوميد ؟؟ يعني عادي آخذ الكلوميد خامس يوم من الدوره ؟؟
لأني ماتعودت آخذه الا باليوم الثاني ؟؟

سلام عليكم
كيف الحال عساكم بالف خير
يابنات احس بالم في الثدي وزي كنه بيطلع منه دبوس في الحلمة بالذات
ممكن المنشط يسوي كذا والا ايش السبب اول مرة يصير فيني هذا الالم يارب رحمتك
....
حنونة عادي الكلوميد خامس الدورة خوذيه وتوكلي على الله انا اخذتة 3 يوم واول مرة اخذه دكتورتي نصحتني ارتاح هذا الشهر يمكن خايفه عليه من التكيس لاني سبق وحصل اكياس عالمبيض فقالت ارتاحي هذا الشهر
ربي يخلف علينا ويرزقنا باللي نتمنى ونفرح على دخول العيد بالحمل يارب ياكريم