الله ييسرلم امرك ياليلاك وتقومي بالسلامة ونطمن عليك :26:

عشت اجواء الولادة مع ان بعدي في الشهر الثالث ، اتحمست بدري ههههههه

ياربي امتة ييجي هاليوم علي خير حساه المشوار بعده طوييييييل الله يعين

الله يسعدك يارب ولك دعوة بالمثل


يسلموو ياقلبي الله يقومك بالسلامة يارب وانا بعد في تجمعين قبل اقول ياربي انا اخر وحده ومرت هالتجمعات واشوف كل وحده تولد اللين وصلت للعد التنازلي والحمدلله كلها عدت ع خير واللحين جاء الدور علي كلها كم شهر ويجيك الدور وتفرحينا وتحكي لنا قصة ولادتك بالتفصيل :26:

بكره موعدي ان شاء الله اجيب لك التاريخ الاكيد
عموما هو يالسبت يالاحد القادم

استغفر الله

ولاحول ولاقوة الا بالله

هلا بالجميع


باحكي لكم تجربتي :

يوم الأحد 10 _7

صحيت من النوم ورتبت الاغراض النهائية وسبحت عيالي وتسبحت واستشورت ووووو الى ان جات الساعة 11 رحت المستشفى وانهينا اجراءات مكتب الدخول والساعة 12 دخلت الغرفة

على الساعة 2 نمت - طبعا نوم اي كلام - والوقت عيا يمشي ...


صباح الاثنين

اناظر الساعة واستغفر دخلت الممرضة اعطتني حبتين عشان الخوف مع شوي موية وانا فرحت عشان الموية مرة كنت ظميانة - طبعا من الساعة 12 صايمة -

على الساعة 8ونص جابوا سرير العملية واخذوني على غرفة العمليات

دخلت الغرفة جا طبيب التخدير وقال بنج كامل - تذكرون قصتي مع طبيب التخدير هذا واحد ثاني - قلت لا ابي نصفي قالت الدكتورة ليش حسيتها زعلت تبي كامل

قلت اذا فيه سبب طبي مقنع عادي انا موافقة على الكامل بس اذا مافيه لا لأن عندي حساسية بالصدر

المهم تنكدوا مرة وقاموا يتلحطمون ونادوا طبيب التخدير قال طيب على كيفها

والممرضات حسسوني ان النصفي مصيبة مايبونه

المهم جا طبيب التخدير وبعد 20 دقيقة من دخولي للغرفة اعطاني التعليمات ونزلت راسي وحاول بأول فقرة - ضربت بجوانبي وكلاي وظهري ولا ظبطت -

حاول بالفقرة اللي فوقها ضربت وألم قوي ولا ظبطت

حاول بالثالثة نفس الشي

رفعت راسي قلت ايش المشكلة قال الفقرات متليفة عندك ولا طلع لنا سائل ما اقدر اضربك اذا فشلت الخامسة ما اعاد اقدر أطلع اكثر من كذا

المهم الفقرة الخامسة وانا استخير ضربت الابرة برجولي زي الكهرب عرفت انها ظبطت شكرت ربي ورفعت راسي وقالوا يالله ارفعي راسك بنبدأ

- طبعا هذا الاكشن كله اخذ 25 دقيقة معي -

انسدحت ورفعوا الستارة وبدأو العملية وانا استغفر واسبح

- زوجي وصل حده للآخر دخلنا الغرفة وقالوا له نص ساعة بيطلع لك البيبي

ومع الاكشن اللي صار - مر اكثرمن ساعة ونص ما عننا الطير خبر على قولتهم

قلت للمرضات تكفون احد يروح لزوجي يبلغه اننا بخير قالوا اصبري بيطلع له البيبي وبيعرف

طلعت البنوتة الحلوة وشفتها وكبرت باذنها وبوستها وحصنتها (اعيذك بكلمات الله التامة من كل شيطان وهامة ومن كل عين لامة )

واخذوها وكملوا عمليتهم

التفتت علي الدكتورة صبا وقالت كل شي تمام ماشاء الله ووضع الرحم تمام - طبعا انا صار لي شبه انفجار قبل كذا وكنت ممنوعة من الحمل والحمد لله على كل حال -

قلت لها اقدر اجيب عيال انفجعت قالت متى قلت بعد 6 سنين او 10 سنين المهم اقدر ضحكت قالت تقدرين باذن الله وراح افتح لك نفس العملية

انتهيت الساعة 12 الا ربع وطلعت على غرفة الافاقة ثم على غرفتي

اليوم الأول متسطحة على السرير بدون مخدة وممنوع ارفع السرير عشان الصداع

البنج راح على الساعة 1 ونص بدأت أحس بألم العملية

على العصر كان الألم قوي مرة

جابوا البنوتة العصر بس ما اقدر ارفع راسي اشوفها

اليوم الأول الم لا يطاق بس سيطرت عليه بالاستغفار والشكر والحمد وبعد الساعة 8 الليل بدأت اشرب الموية

الثلاثاء

الفجر شالوا القسطرة وبعد ساعة بدأت امشي شوي ونزل دم غزير وهذا طبيعي جدا

شوي شوي الالم قوي مرة الابر ماتفيد ابدا الاستغفار وحده كان أقوى مسكن بفضل من الله

بعز التعب قلت ما عاد ابي احمل خلااااص والا اقرأ بالشريط بالتلفزيون واحدة تقول ادعوا لي لي 14 سنة اتعالج ابي الحمل ولا حصل لي
طلعت دمعتي وشكرت ربي واستغفرت

اليوم أكلت شوربة وجلي بس

الاربعاء

تحسنت مع الاستغفار والذكر ثم المشي وبدأت آكل اكل خفيف

امشي كثير وبدأ ينزل الحليب بفضل الله بس مارضت ترضع

الخميس تحسنت كثير الحمد لله لكن جاتني سخونة مفاجئة وارتفاع بالضغط

مع التحاليل طلعت كلها سليمة

المفروض اطلع ولا طلعت وبعد التحاليل والأسئلة طلع السبب نفسي لأنه وصلني خبر سئي جدا جدا اثر على نفسيتي وتعرفون نفسية النفاس حساسة

وهالخبر مصيري

والى الحين اعاني منه






بتقولون صحتك اهم والحمد لله البيبي سليم ومن هالكلام

انا عارفة كل اللي تقولونه لكن والله ان الحرقة اللي فيني مايحس فيها الا اللي جربها




انا زي ماتعرفون ادرس ماستر في جامعة معقدة وعند دكاترة مرضى نفسيين وقسمي صعب جدا ومتفرغة من دوامي بشرط الحصول على الدرجة


والحمد لله انا مجتهدة جدا وجبت الثانية على الدفعة


عمري من درست ماجبت جيد جدا بفضل من الله




تخيلوا اني ارسب



حسبي الله ونعم الوكيل الله ياخذ حقي منه يوم القيامة انا خصيمته امام الله الله لا يسامحه

طبعا الرسوب بالماستر ينزل المعدل والمعدل لو نزل اقل من 3.75 في فصلين يطوى قيدي

ومعدلي السابق كان 4.93

وطاح هالترم الى 3.25


اللي هون علي اني مظلومة والله بياخذ لي حقي منه


حتى بقية الدكاترة انصدموا اني راسبة والزميلات كلهم


طبعا مو انا اللي رسبت لوحدي نصف الشعبة راسبة والكل يبكي والكل منهار


طولتها عليكم سامحوني لكن جبت لكم كل شي من طق طق لسلام عليكم