أم يمني ** :

ليلاك : الله يكون بعونك وش هالمعاملة الغريبة بالمستشفي الله يهديهم بس حلو انك رديتي عليها واخذتي حقك الله ييسر عليكي ولادتك وعلي كل البنات اللي موعدهم قرب ، منتظرين تبشرونا الله معكم

ليلاك : الله يكون بعونك وش هالمعاملة الغريبة بالمستشفي الله يهديهم بس حلو انك رديتي عليها...

نجديه مزيونه :

الحمدلله ع السلامة يامادونا وعقبالي يارب والف مبروك ماجاك وانا بعد نفس استفساراتك بالنسبة لقشر القهوة وش فايدته للنفاس؟وكيف اسويه؟

الحمدلله ع السلامة يامادونا وعقبالي يارب والف مبروك ماجاك وانا بعد نفس استفساراتك بالنسبة لقشر...

lilac111 :

ياعمري عليك اجل مادريتي وش سويت بقوى الامن اليوم قالوا تعالي بدون موعد يعني انتظار من 7 واروح لهم :time: وماجاء الموظفات الا 8 ونص سويت الموعد والفحوصات الاولية وانتظر وانتظر وانتظر طبعا هذا الموعد اللي قبل العملية :angry: لانه موعد العملية الاسبوع الجاي وقايلين ابدخل ع استشارية ويدخلوني ع وحدة والله ماتدري وين الله حاطه فيه دخلت تسع وثلث وقبل لااجلس قالت موجات صوتية وطلعت وانتظر اللي10 وتقومي اخصائية الاشعة تحط من ذا الجل وقرفانة وفعصت ببطني والله انه عورني ولاحطت مناديل ولاشي عطتني شرشف قالت مسحي فيه ولاخلصتي حطيه بالسله وروحي ولاتساليني عن الجنين جنسه حالته مثل عادات الحريم قلت ماابي شي الله يخلي الاهلي انا متعلمة واعية مايحتاج تتكلمين بالاسلوب هذا :mad: وقامت تكلم فلبينية بالانقلش تسب فيني قلت انا فاهمة وش تقولين ورديت بالانقلش عليها وقلت الناس مستويات وانا مستواي راقي واطلع :44: واروح للدكتوره الداجة وانتظرنص ساعة قبل لااجلس قالت سوي الاشعة مرة ثانية واروح واسويها وهالمره تهاوشت مع الفلبينيةتقولي اطلعي برا قلت الدكتوره تقول عيدوا الاشعة :time:ولاعطتني ورقة ولاشي بتعيدونها والا لا قالت لا قلت طيب واروح لمكتب السكرتيرة واقولها وتجي تكلمها وتعيد الاشعة :mad:والسكرتيرة موجودة بعدين فالت الفلبينية ارتحتي قلت لو مسوية شغلك وانت ساكته احسن لك وارجع لدكتورة الداجة بعد انتظار نص ساعة وتقولي عيدي الاشعة للمرة3قبل لااجلس قلت وش السالفة الجنين فيه شي قالت بس ابتاكد من تغذية الجنين :angry: واروح للموجات الصوتية وتقول السعودية احنا ماورانا غيرك قلت اسالي دكتورتكم انا اللي عاد مشتهية اجيكم كل شوي حسبي الله ونعم الوكيل قالت ارجعي للدكتوره قولي لها تشوف التقرير زين هي عمياء قلت وجهي لها هالكلام واروح للدكتورة الداجة اللي ماعندها ماعند جدتي وتقول خلاص كل شي تمام ليش جايه قلت الدكتوره الاسبوع اللي فات حددت العملية وقالت بتدخلين الاسبوع الجاي ع الاستشارية والاسبوع اللي بعده التنويم قالت :35: حددوا موعد التنويم قلت ايه قالت خلاص روحي ولاكشفت علي ولاشي قلت طيب العملية طولية والا عرضية قالت وقت العملية نحدد قلت كيف تحددون والا هي حظ ونصيب قالت اسالي الاستشاري اللي بيولدك قلت وش اسمه قالت ماادري حسب اللي فاضي واذا مافيه احد فاضي نحول لليمامه قلت ايه زانت العلوم :mad: وارجع البيت الظهر واقول لرجلي السالفة وانا منقهرة قال بالحبيب خلاص مايسوون تضيقين :44: ترا العسكري احسن من قوى الامن احمدي ربك التعامل زبالة

ياعمري عليك اجل مادريتي وش سويت بقوى الامن اليوم قالوا تعالي بدون موعد يعني انتظار من 7 واروح لهم...

مادونا سعوديه :

مرحبا بنات كيفكم الحمد لله قمت بالسلامه يوم الثلاثاء الي فات بتخدير كامل تعبت من الكحه والبلغم والقولون عندي منتفخ والدكتوره شافت عندي المثانه نازله تحت ورفعتها وعدلت عضلتين بالبطن اهي كذا قالت لي والبيبي كان بالحضانه لانه طلع من بطني والتنفس عنده مو مظبوط مع العلم اني اخذت ابرة الرئه للبيبي قبل العمليه بكم اسبوع بس الحمد لله طلع بالسلامه ادعو لي يابنات الكابه بدت معاي من ثاني يوم من العمليه والحمد لله انا مواظبه على الذكر والتسبيح بسالكم بنات زوجي شرى من العطار قشر قهوه مع شغله اسمها نوخه قال له انه يطبخها معاها بس كيف قشر القهوه ماتسبب ارق وقلة نوم وماتاثر على البيبي مع الرضاعه اتخليه يسهر ماينام انا اول مره اشتري القشر

مرحبا بنات كيفكم الحمد لله قمت بالسلامه يوم الثلاثاء الي فات بتخدير كامل تعبت من الكحه والبلغم...

ام شهوده وتروكي :

حسبي الله ونعم الوكيل هذول ماياخذون رواتب ولا يكدون علينا من جيوبهم والله المعامله مهنا فرق تجيني هالدكتوره متقرفه وباطراف اصابعها تكشف وقبلها الممرضه فغصت ببطني بذا الجهاز لين بغيت اموووت وصرخت عليها خلاص قامت الدكتوره عاد تشوف وش السالفه ولا مالها نيه تقوم من مكتبها ماغير تشخبط بها الملف وهي اصلا ماقرت الي قبل ولا تدري اني قيصريه ياتسبدي منهم واانتي ياعمري عليك مرمطووك صح شكلنا بنسفههم والله يعافي الفلوس نروح خاص الشكوى لله

حسبي الله ونعم الوكيل هذول ماياخذون رواتب ولا يكدون علينا من جيوبهم والله المعامله مهنا فرق تجيني...