lilac111 :

قصة ولادتي بالتفصيل الممل عشان الاستفسارات في تاريخ الاثنين 25/7رحت لموعد مع الدكتور محمد عثمان في مستشفى الحبيب بالعليا قلت دكتور طفشت ولدني قال ابتاكد من الفحوصات وحدد يوم الجمعة29/7 قال يوم فضيل قلت توكلت ع الله ورشح لي البنج النصفي ورحت المبنى الثاني وقابلت طبيب التخدير وشرح لي بشكل مفصل عن البنج وعن العملية قال تجين الساعة 7 الصباح يوم الجمعة صايمة طبعا كنت عند اهلي جاء زوجي وخلصنا اجراءت الدخول ودخلت غرفتي وسحبوا مني الدم واموري تمام لما جاءت 9رحت للعمليات وشفت الدكتور وقال برافوا عليك اتبعتي نصيحة بالبنج النصفي وجاء دكتور التخدير وعطاني ابرة وقعد يشرح لي قلت انا فاهمة وقمت اشرح له عن بنج النصفي قال اكيد انتي بعالم حواء او الفراشة طبعا ابرتين الاولى مسكن وتجلسين وظهرك منحني وضامة مخدة بعدين يعطيك الابرة الثانية بصراحة توجع بس كنت استغفر ربي شوي حسيت زي الكهرباء برجولي وكانه انكب عليها موية حارة بعدين ثقلت وعلطول الدكتور بدا في العملية ويذكر الله ويفهمني وش قاعد يسوي ويمدح عمليات السابقات يقول مافيه التصاقات وين مسوينها واقعد اسولف معه وهو يشتغل ببطني شوي جاءت النيرس وضغطت ع بطني من فوق الا واسمع صوت حبيبي محمد يبكي واشكر الله وجابوه لي بوسته ودوه الحضانة خلال 22دقيقة طلع محمد وبقيت انا نص ساعة ع بال خيطوني وغيروا لي ملابسي وحطوني بغرفة الافاقة جاء زوجي وتحمد لي بالسلامة شوي دخلت امي من يوم شفتها قعدت اصيح ماادري ليش وتبوس راسي ويدي واصيح بعدين رحت غرفتي والحمدلله كانت العناية ممتازة والنيرسات ماخلوني بس لما جاء الليل فكوا القسطرة وقالوا امشي وفكوها وتعبت ورحت للحمام ودخت بالحمام وهنا بديت احس بالالم التعب ول الايام الثاني والثالث بعدين خلاص من اليوم الثاني يطلعوني امشي طبعا خياطتي تجميلية لافك خيوط ولاشي لانها من التوع اللي تذوب مع الجلد ومن ثاني يوم شالوا البلاستر عنها وينظفون الجرح ويحطون بس شاش عليها وكان حجم الفتحه اصغر من ولاداتي السابقة ولله الحمد مدة الاقامة بالمستشفى خمس ايام مع وجود شاشه ع المولود 24ساعة في غرفتك تتابعينه بالنسبة للتقييم المستشفى بصراحة توقعت افضل لكن اللي كان افضل هو الدكتور محمد عثمان سوداني يمرني يوميا صباحا ودكتورة سودانية ثانية نسيت اسمها تمرني يوميا مساء والنيرسات منهم الفلبينات وماليزيات بس مرة ممتازات خاصة الماليزيات علطول معي ماخلوني بالنسبة للحضانة كويسة ومشددين الرقابة عليهم وكل شوي يدقون نجيب البيبي ترضعينه اولا اما النظافة العاملات نيباليات مو قد كذا بالنظافة السرير المرتبة والكراسي للزوار مره مندكة يعني مستهلكة والاكل كان من دايت فية ملاحظه ع طبيب الاطفال ابذكرها لكم في وقت لاحق لانه حمودي قام يصيح

قصة ولادتي بالتفصيل الممل عشان الاستفسارات في تاريخ الاثنين 25/7رحت لموعد مع الدكتور محمد عثمان...