حصوصتي حبيبتي :

الف مبروك والحمدلله على سلامتك ورزقك الله شكر الواهب وبر الموهوب حياك الله الملف منور بوجودك معانا وعليكم السلام اهلين شازل الله يسهل وييسر أموركياقلبي وعليكم السلام الف مبروك والحمدلله على سلامتك ياقلبي ورزقك الله شكر الواهب وبرالموهوب

الف مبروك والحمدلله على سلامتك ورزقك الله شكر الواهب وبر الموهوب حياك الله الملف منور...

حبيبتهم (أم عبدالعزيز) :

السلام عليكم هلا بالغاليات ام طلال الحمدلله على السلامه كيف ولدتي وهم محددين لك 17رمضان؟

السلام عليكم هلا بالغاليات ام طلال الحمدلله على السلامه كيف ولدتي وهم محددين لك 17رمضان؟

@ أم طـــــلال @ :

يوم الاحد تعبت احس بمغص وتحجير ببطني ومااقدر اتنفس .كنت اقول لاماعليش تعب شوي وبيروح زي كل مره على 11ونص تقريبا حسيت بكتمه وتعب وماتحسنت اتصلت على ابو الشباب وقلت بروح الطواري اقلها اخذ اكسجين ... وماصدق الرجال يبي يخلص مني ومن الشكاوي هههه ورحنا الطواري وكشفت على الدكتوره طلع الرحم مفتوح وقالت تنويم وسويت تخطيط للجنين وطلع زين او حسب مافهمت انا انه زين اليوم الثاني جاء الاستشاري اللي اتابع عنده وقال لازم اشعه وكشف جديد نبي نعرف اللي تنزل مويات او لا انا من الله كارهه ها الرجال وطلبت اطلع على مسؤليتي لاني من يوم كنت اتابع عنده في العيادات وانا كل متابعه لازم اتهاوش معاه .. قال على مسؤليتك بس لازم الاشعه والكشف وافقت قلت اتطمن واطلع لاني نفسيتي تعبت زياده من المستشفي .. على العصر سويت الاشعه وهنا بدا الخوف تجمعو على وبدو اساله عندك سكر قبل ومدري ايش وطلبو نعيد الاشعه وانا لسى بمكاني والاشعه شغاله واسال وش فيه يقولون مافي شئ الجنين فيه شئ مايردون طلعت وطبعا وافقت على الكشف بس رفضت ان الاستشاري هو اللي يسويه وطلبت دكتوره وقابلت الدكتوره وكنت ميته خوف من الكشف لانه بجهاز الدكتوره تقول هذا منظار نشوف فيه عنق الرحم ووضع الجنين ؟؟؟ دخلت عليها قالت لو تسوين الكشف بعد الافطار افضل لان فيه فتاوي ان ها الكشف يفطر وطبعا فرحت ووافقت ااجل الكشف لبعد الافطار لاني صايمه ... طبعا نتيجه الاشعه اخذها الاستشاري وانا فرحت قلت بيروح ومابشوفه الا بكرا تفاجاءت فيه داخل علي قبل المغرب بشوي << تتذكر شكله ووتتحسب عليه قال نتيجه الاشعه ماهي زينه المشيمه مرا ضعيفه والغذاء مايوصل الجنين زين ولازم بكرا عمليه ولازم تسوين الفحص برضو اللحين الدكتوره نزلت وانا ممكن اسويه لك ورفضت وطلبت يستدعون لي الدكتوره وجات وكانت تسالني ينزل منك مويات وانا نفس الرد مو كثيره قليله مرا استغربت ان الاستشاري كاتب ينزل مني مويات كثيره وسويت الكشف وقالت مافيك شئ طبيعي رجع لي الاستشاري وقال لي سؤال لان خلاص بكرا عمليتك الفجر واذا صار شئ بتكون الليله ... سويت 3 تخطيطات طول الليل الين كرهت نفسي وترني وانا ماكنت ناقصه :44: سالته عن الالتصاقات اللي كانت عندي ووش بيكون وضعي وهل فيه خطوره جننته اساله ... كان يقول لي ممكن يصير نزيف وهنا طلب طلب روتيني لازم احد من اهلي يتبرع لي بدم ويامنون الدم قبل موعد العمليه وقال ممكن تواجهنا صعوبات سالته يمكن اموت وهو عاد شكله مووحاقد علي ابد ابد طمني على الاخر قال ايه ممكن تموتين :44::44: هنا انهرت وصرت افكر باولادي اتصلت علي اهلي وكلمتهم وكلمت زوجي وقلت تعالو وجيب اولادي بشوفهم وعلى 9 الليل كانو اهلي وزوجي واولادي عندي وجلست معاهم لـ 11 ونص يمكن وتبرعو بدم سلمت على اولادي واستودعتهم الله الي يوم يبعثون طلبو مني من الساعه 2 ماعاد اكل شئ خلاص وعلى 3 اخذت دش محترم ورحت صليت استخاره وان لو كان ها الدكتور خير لي ربي يسهل عمليتي ولو فيه شر يصرفه عني وجلست اقرا قران لـ4 واستغفر وادعي ربي يستر عوراتي ويامن روعاتي ماخليت دعاء الا وقلته صار لي فتره مانمت زين تعب وقلق نمت من 6 الي 7 وصحيت شبكو فيني المغذي من الفجر وجهزوني للعمليه وصرت استني دوري ابي افتك تعبت من التفكير وخلااص ابي ارتاح حتي لو بالموت بس مااجلس كذا صارت الساعه 1 ظهر وجو ياخذوني حسيت برعب بس طلبت اصلي واطلع معاهم ووافقو وشالو المغذي وصليت ورحت معاهم يوم دخلت قسم العمليات كان قبلي حاله وماطلعت جلست انتظر وانتظر وانتظر وكنت اسمع صوت المواليد وادعي اني افرح بشوفت اللي ببطني وادعي لي ولكم وكل حامل ربي يهون عليها وكنت اشوف الدكاتره والممرضات يوم يطلعون واسمع كل شئ جاء الاستشاري وقلت انت اللي بتسووي لي القيصري ؟؟؟ قال جاء حالتين حالتهم خطيره وبندخلهم قبلك ويمكن تتاجل عمليتك لبكره .... هنا انهلبت بعيد ها المشاهد كلها من جديد وجلست استغفر وادعي ربي طول ها الفتره طبعا جاني دكتور التخدير وكان انسان محترم وطيب لابعد درجه واتفقت معاه على الكلي قلت اريح لي ولكم بس طلبت منه مايتركني الين افوق وكانت نفسيتي تحت الصفر بس ماكنت ابكي بس استغفر احاول اكون متماسكه لاخر لحظه وصار كل فتره يجيني ها الدكتور يتطن على ويروح على الساعه 3شفت الاستشاري وناديته وسالته وش وضعي قال انا مااقدر امسك حالتك بحولك لواحد ثاني هنا فرحت وحسيتها خيره وماجادلته وجاني الدكتور الثاني كان اخصائي بس انسان ارتحت له يوم تكلمت معاه عكس الاستشاري على الساعه 3 و40 دقيقه دخلت العمليات وبدو يجهزون ويشبكون الاجهزه ويعقمون مكان العمليه وانا معاهم بس حسيت اني بديت ادوخ من الرعب وخلاص ابي ابكي بخربها وان جنبي دكتور التخدير وكل شوي اقول له متي بتخدرني ابي انام وقال يالله استعدي وحط لي الكمام وطلب استنشق بعمق وقال قولي بسم الله قلت اشهد ان لا اله الا الله ومالحقت اكمل بس كنت اقدر ارفع اصباعي للتشهد وماعاد حسيت بشئ الا وانا بالافاقه الساعه 5 ونص وكنت اصيح احس بالم ببطني وحرقان مكان العمليه << جننتهم ابي مكسن ابي مسكن وفعلا احس طفشتهم اخذت ابره وابره ثانيه اعطوني هي زي المضاد وحسيت براحه بس ماطولت طلعوني الزياره وهنا كانو اهلي وزوجي واولادي برا شفتهم بس اشوفهم زي الطيف كنت اسمعهم بس مااقدر اتكلم الا امي كنت اطلبهم يجيبونها لي من وانا بالافاقه شفتها وحسيت اني بامان ومسكت يدها بقوه وكانت تمشي معاي الين طلعنا فوق ويدي بيدها يااااااااااارب لاتحرمني منها وتطول بعمرها وترزقني برها وتكتبها لها السعاده دنيا واخره كنت مستانسه شفت امي وجاء زوجي واولادي واخواتي واخواني وجات ممرضه واعطتني ابره فقدت بعدها الوعي وحسيت اني بعالم ثاني حسيت بعدها اني اابي انام اسمع بعض السوالف بس مو معاهم وارجع اغط اليوم الثاني شالو القسطره وطلبو امشي وكانت لحظات مؤلمه بس عدت ولله الحمد وجاء الاستشاري ومن دخل قال حمد الله على سلامتك انا ماسويت عمليتك بس كنت مشرف عليك قلت بخاطري ابركها من ساعه ماسويتها انت سالته كيف عمليتي قال عندك التصاقات شديده قلت طيب اقدر اجيب كم قال الرابع نسوي لك ربط :44: سالته عمليتي وش هي كبس والا ايش ..؟؟؟ قال لي غرز هنا انهبلت قلت غرز تفكها ..؟؟؟؟ قال غرز تذوب من نفسها ياربي حقدت عليه احسه حاقد علي ويلعب باعصابي ومن بعدها ماشفت خشته مالت عليه وعلى اللي يتابع عند استشاري زيه تحول ملفي لدكتور ثاني بس اتعب وانا اقول ممتاز ممتااز سالته انا التصاقاتي شديده ؟؟ قال من قال مكتوب بملفك التصاقات بس مو مكتوب انها شديه بس الانابيب وكل شئ سليم والالتصاق بين جدار البطن وبين الرحم سالته اقدر احمل مرا ثانيه قال ايه وقلت ممكن اجيب 6 طيب؟؟ قال ممكن وسالني ليش كل ها الاساله قلت الاستشاري قال لي كذا وكذا قال هو دارس ببرا ويحب يحدد النسل ارتحت الحمد لله <<< بنتها تصيح وبتروح لها ههههه

يوم الاحد تعبت احس بمغص وتحجير ببطني ومااقدر اتنفس .كنت اقول لاماعليش تعب شوي وبيروح زي كل مره...

حبيبتهم (أم عبدالعزيز) :

حصوصي الله يبارك بعمرك ولدي مستقره حالته الحمدلله انا موعدي قريب ان شاء الله دعواتكم ام طلال الحمدلله على ءلامتك فعلا امتحان اخرجك ربي منه بالدعاء الحمدلله

حصوصي الله يبارك بعمرك ولدي مستقره حالته الحمدلله انا موعدي قريب ان شاء الله دعواتكم ام...